൨. അബ്ഭന്തരമാതികാവണ്ണനാ

൨. പഞ്ചക്ഖന്ധാ …പേ… മനസികാരോതി അയം പഞ്ചവീസാധികേന പദസതേന നിക്ഖിത്താ അബ്ഭന്തരമാതികാ നാമ. അയഞ്ഹി ‘‘സബ്ബാപി ധമ്മസങ്ഗണീ ധാതുകഥായ മാതികാ’’തി ഏവം അവത്വാ സങ്ഗഹാദിനാ നയേന വിഭജിതബ്ബേ ഖന്ധാദിധമ്മേ സരൂപതോ ദസ്സേത്വാ ധാതുകഥായ അബ്ഭന്തരേയേവ ഠപിതത്താ അബ്ഭന്തരമാതികാതി വുച്ചതി. ഖന്ധാദിപദാനം ധമ്മസങ്ഗണീമാതികായ അസങ്ഗഹിതത്താ പകിണ്ണകമാതികാതിപി വത്തും വട്ടതി.