൧൦. അധികരണസമഥസുത്തവണ്ണനാ

൮൪. ദസമേ അധികരണാനി സമേന്തി വൂപസമേന്തീതി അധികരണസമഥാ. ഉപ്പന്നുപ്പന്നാനന്തി ഉപ്പന്നാനം ഉപ്പന്നാനം. അധികരണാനന്തി വിവാദാധികരണം അനുവാദാധികരണം ആപത്താധികരണം കിച്ചാധികരണന്തി ഇമേസം ചതുന്നം. സമഥായ വൂപസമായാതി സമഥത്ഥഞ്ചേവ വൂപസമനത്ഥഞ്ച. സമ്മുഖാവിനയോ ദാതബ്ബോ…പേ… തിണവത്ഥാരകോതി ഇമേ സത്ത സമഥാ ദാതബ്ബാ. തേസം വിനിച്ഛയോ വിനയസംവണ്ണനതോ (ചൂളവ. അട്ഠ. ൧൮൬-൧൮൭ ആദയോ) ഗഹേതബ്ബോ. അപിച ദീഘനികായേ സങ്ഗീതിസുത്തവണ്ണനായമ്പി (ദീ. നി. അട്ഠ. ൩.൩൩൧ അധികരണസമഥസത്തകവണ്ണനാ) വിത്ഥാരിതോയേവ, തഥാ മജ്ഝിമനികായേ സാമഗാമസുത്തവണ്ണനായാതി (മ. നി. അട്ഠ. ൩.൪൬).

വിനയവഗ്ഗോ അട്ഠമോ.