൫. പച്ചുപ്പന്നാനാഗതവാരോ

(ക) അനുലോമം

൪൬൭. (ക) യോ ചക്ഖുന്ദ്രിയം പരിജാനാതി സോ ദോമനസ്സിന്ദ്രിയം പജഹിസ്സതീതി? നോ.

(ഖ) യോ വാ പന ദോമനസ്സിന്ദ്രിയം പജഹിസ്സതി സോ ചക്ഖുന്ദ്രിയം പരിജാനാതീതി? നോ.

(ക) യോ ചക്ഖുന്ദ്രിയം പരിജാനാതി സോ അനഞ്ഞാതഞ്ഞസ്സാമീതിന്ദ്രിയം ഭാവേസ്സതീതി? നോ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ഭാവേസ്സതി സോ ചക്ഖുന്ദ്രിയം പരിജാനാതീതി? നോ.

(ക) യോ ചക്ഖുന്ദ്രിയം പരിജാനാതി സോ അഞ്ഞിന്ദ്രിയം ഭാവേസ്സതീതി? നോ.

(ഖ) യോ വാ പന അഞ്ഞിന്ദ്രിയം ഭാവേസ്സതി സോ ചക്ഖുന്ദ്രിയം പരിജാനാതീതി? നോ.

(ക) യോ ചക്ഖുന്ദ്രിയം പരിജാനാതി സോ അഞ്ഞാതാവിന്ദ്രിയം സച്ഛികരിസ്സതീതി? ആമന്താ.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ ചക്ഖുന്ദ്രിയം പരിജാനാതീതി?

സത്ത പുഗ്ഗലാ അഞ്ഞാതാവിന്ദ്രിയം സച്ഛികരിസ്സന്തി, നോ ച ചക്ഖുന്ദ്രിയം പരിജാനന്തി. അഗ്ഗമഗ്ഗസമങ്ഗീ അഞ്ഞാതാവിന്ദ്രിയഞ്ച സച്ഛികരിസ്സതി ചക്ഖുന്ദ്രിയഞ്ച പരിജാനാതി. (ചക്ഖുന്ദ്രിയമൂലകം)

൪൬൮. (ക) യോ ദോമനസ്സിന്ദ്രിയം പജഹതി സോ അനഞ്ഞാതഞ്ഞസ്സാമീതിന്ദ്രിയം ഭാവേസ്സതീതി? നോ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ഭാവേസ്സതി സോ ദോമനസ്സിന്ദ്രിയം പജഹതീതി? നോ.

(ക) യോ ദോമനസ്സിന്ദ്രിയം പജഹതി സോ അഞ്ഞിന്ദ്രിയം ഭാവേസ്സതീതി? ആമന്താ.

(ഖ) യോ വാ പന അഞ്ഞിന്ദ്രിയം ഭാവേസ്സതി സോ ദോമനസ്സിന്ദ്രിയം പജഹതീതി?

ഛ പുഗ്ഗലാ അഞ്ഞിന്ദ്രിയം ഭാവേസ്സന്തി, നോ ച ദോമനസ്സിന്ദ്രിയം പജഹന്തി അനാഗാമിമഗ്ഗസമങ്ഗി അഞ്ഞിന്ദ്രിയഞ്ച ഭാവേസ്സന്തി, ദോമനസ്സിന്ദ്രിയഞ്ച പജഹന്തി.

(ക) യോ ദോമനസ്സിന്ദ്രിയം പജഹതി സോ അഞ്ഞാതാവിന്ദ്രിയം സച്ഛികരിസ്സതീതി? ആമന്താ.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ ദോമനസ്സിന്ദ്രിയം പജഹതീതി?

സത്ത പുഗ്ഗലാ അഞ്ഞാതാവിന്ദ്രിയം സച്ഛികരിസ്സന്തി, നോ ച ദോമനസ്സിന്ദ്രിയം പജഹന്തി. അനാഗാമിമഗ്ഗസമങ്ഗീ അഞ്ഞാതാവിന്ദ്രിയഞ്ച സച്ഛികരിസ്സതി ദോമനസ്സിന്ദ്രിയഞ്ച പജഹതി. (ദോമനസ്സിന്ദ്രിയമൂലകം)

൪൬൯. (ക) യോ അനഞ്ഞാതഞ്ഞസ്സാമീതിന്ദ്രിയം ഭാവേതി സോ അഞ്ഞിന്ദ്രിയം ഭാവേസ്സതീതി? ആമന്താ.

(ഖ) യോ വാ പന അഞ്ഞിന്ദ്രിയം ഭാവേസ്സതി സോ അനഞ്ഞാതഞ്ഞസ്സാമീതിന്ദ്രിയം ഭാവേതീതി?

ഛ പുഗ്ഗലാ അഞ്ഞിന്ദ്രിയം ഭാവേസ്സന്തി, നോ ച അനഞ്ഞാതഞ്ഞസ്സാമീതിന്ദ്രിയം ഭാവേന്തി. അട്ഠമകോ അഞ്ഞിന്ദ്രിയഞ്ച ഭാവേസ്സതി അനഞ്ഞാതഞ്ഞസ്സാമീതിന്ദ്രിയഞ്ച ഭാവേതി.

(ക) യോ അനഞ്ഞാതഞ്ഞസ്സാമീതിന്ദ്രിയം ഭാവേതി സോ അഞ്ഞാതാവിന്ദ്രിയം സച്ഛികരിസ്സതീതി? ആമന്താ.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ അനഞ്ഞാതഞ്ഞസ്സാമീതിന്ദ്രിയം ഭാവേതീതി?

സത്ത പുഗ്ഗലാ അഞ്ഞാതാവിന്ദ്രിയം സച്ഛികരിസ്സന്തി, നോ ച അനഞ്ഞാതഞ്ഞസ്സാമീതിന്ദ്രിയം ഭാവേന്തി. അട്ഠമകോ അഞ്ഞാതാവിന്ദ്രിയഞ്ച സച്ഛികരിസ്സതി അനഞ്ഞാതഞ്ഞസ്സാമീതിന്ദ്രിയഞ്ച ഭാവേതി. (അനഞ്ഞാതഞ്ഞസ്സാമീതിന്ദ്രിയമൂലകം)

൪൭൦. (ക) യോ അഞ്ഞിന്ദ്രിയം ഭാവേതി സോ അഞ്ഞാതാവിന്ദ്രിയം സച്ഛികരിസ്സതീതി? ആമന്താ.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ അഞ്ഞിന്ദ്രിയം ഭാവേതീതി?

പഞ്ച പുഗ്ഗലാ അഞ്ഞാതാവിന്ദ്രിയം സച്ഛികരിസ്സന്തി, നോ ച അഞ്ഞിന്ദ്രിയം ഭാവേന്തി. തയോ മഗ്ഗസമങ്ഗിനോ അഞ്ഞാതാവിന്ദ്രിയഞ്ച സച്ഛികരിസ്സന്തി അഞ്ഞിന്ദ്രിയഞ്ച ഭാവേന്തി. (അഞ്ഞിന്ദ്രിയമൂലകം)

(ഖ) പച്ചനീകം

൪൭൧. (ക) യോ ചക്ഖുന്ദ്രിയം ന പരിജാനാതി സോ ദോമനസ്സിന്ദ്രിയം നപ്പജഹിസ്സതീതി?

പഞ്ച പുഗ്ഗലാ ചക്ഖുന്ദ്രിയം ന പരിജാനന്തി, നോ ച ദോമനസ്സിന്ദ്രിയം നപ്പജഹിസ്സന്തി. ചത്താരോ പുഗ്ഗലാ ചക്ഖുന്ദ്രിയഞ്ച ന പരിജാനന്തി ദോമനസ്സിന്ദ്രിയഞ്ച നപ്പജഹിസ്സന്തി.

(ഖ) യോ വാ പന ദോമനസ്സിന്ദ്രിയം നപ്പജഹിസ്സതി സോ ചക്ഖുന്ദ്രിയം ന പരിജാനാതീതി?

അഗ്ഗമഗ്ഗസമങ്ഗീ ദോമനസ്സിന്ദ്രിയം നപ്പജഹിസ്സതി, നോ ച ചക്ഖുന്ദ്രിയം ന പരിജാനാതി. ചത്താരോ പുഗ്ഗലാ ദോമനസ്സിന്ദ്രിയഞ്ച നപ്പജഹിസ്സന്തി ചക്ഖുന്ദ്രിയഞ്ച ന പരിജാനന്തി.

(ക) യോ ചക്ഖുന്ദ്രിയം ന പരിജാനാതി സോ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതീതി?

യേ പുഥുജ്ജനാ മഗ്ഗം പടിലഭിസ്സന്തി തേ ചക്ഖുന്ദ്രിയം ന പരിജാനന്തി, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവേസ്സന്തി. അട്ഠ പുഗ്ഗലാ ചക്ഖുന്ദ്രിയഞ്ച ന പരിജാനന്തി അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതി സോ ചക്ഖുന്ദ്രിയം ന പരിജാനാതീതി?

അഗ്ഗമഗ്ഗസമങ്ഗീ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതി, നോ ച ചക്ഖുന്ദ്രിയം ന പരിജാനാതി. അട്ഠ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി ചക്ഖുന്ദ്രിയഞ്ച ന പരിജാനന്തി.

(ക) യോ ചക്ഖുന്ദ്രിയം ന പരിജാനാതി സോ അഞ്ഞിന്ദ്രിയം ന ഭാവേസ്സതീതി?

സത്ത പുഗ്ഗലാ ചക്ഖുന്ദ്രിയം ന പരിജാനന്തി, നോ ച അഞ്ഞിന്ദ്രിയം ന ഭാവേസ്സന്തി. ദ്വേ പുഗ്ഗലാ ചക്ഖുന്ദ്രിയഞ്ച ന പരിജാനന്തി അഞ്ഞിന്ദ്രിയഞ്ച ന ഭാവേസ്സന്തി.

(ഖ) യോ വാ പന അഞ്ഞിന്ദ്രിയം ന ഭാവേസ്സതി സോ ചക്ഖുന്ദ്രിയം ന പരിജാനാതീതി?

അഗ്ഗമഗ്ഗസമങ്ഗീ അഞ്ഞിന്ദ്രിയം ന ഭാവേസ്സതി, നോ ച ചക്ഖുന്ദ്രിയം ന പരിജാനാതി. ദ്വേ പുഗ്ഗലാ അഞ്ഞിന്ദ്രിയഞ്ച ന ഭാവേസ്സന്തി ചക്ഖുന്ദ്രിയഞ്ച ന പരിജാനന്തി.

(ക) യോ ചക്ഖുന്ദ്രിയം ന പരിജാനാതി സോ അഞ്ഞാതാവിന്ദ്രിയം ന സച്ഛികരിസ്സതീതി?

സത്ത പുഗ്ഗലാ ചക്ഖുന്ദ്രിയം ന പരിജാനന്തി, നോ ച അഞ്ഞാതാവിന്ദ്രിയം ന സച്ഛികരിസ്സന്തി. ദ്വേ പുഗ്ഗലാ ചക്ഖുന്ദ്രിയഞ്ച ന പരിജാനന്തി അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ ചക്ഖുന്ദ്രിയം ന പരിജാനാതീതി? ആമന്താ. (ചക്ഖുന്ദ്രിയമൂലകം)

൪൭൨. (ക) യോ ദോമനസ്സിന്ദ്രിയം നപ്പജഹതി സോ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതീതി?

യേ പുഥുജ്ജനാ മഗ്ഗം പടിലഭിസ്സന്തി തേ ദോമനസ്സിന്ദ്രിയം നപ്പജഹന്തി, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവേസ്സന്തി. അട്ഠ പുഗ്ഗലാ ദോമനസ്സിന്ദ്രിയഞ്ച നപ്പജഹന്തി അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതി സോ ദോമനസ്സിന്ദ്രിയം നപ്പജഹതീതി?

അനാഗാമിമഗ്ഗസമങ്ഗീ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതി, നോ ച ദോമനസ്സിന്ദ്രിയം നപ്പജഹതി. അട്ഠ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി ദോമനസ്സിന്ദ്രിയഞ്ച നപ്പജഹന്തി.

(ക) യോ ദോമനസ്സിന്ദ്രിയം നപ്പജഹതി സോ അഞ്ഞിന്ദ്രിയം ന ഭാവേസ്സതീതി?

ഛ പുഗ്ഗലാ ദോമനസ്സിന്ദ്രിയം നപ്പജഹന്തി, നോ ച അഞ്ഞിന്ദ്രിയം ന ഭാവേസ്സന്തി. തയോ പുഗ്ഗലാ ദോമനസ്സിന്ദ്രിയഞ്ച നപ്പജഹന്തി അഞ്ഞിന്ദ്രിയഞ്ച ന ഭാവേസ്സന്തി.

(ഖ) യോ വാ പന അഞ്ഞിന്ദ്രിയം ന ഭാവേസ്സതി സോ ദോമനസ്സിന്ദ്രിയം നപ്പജഹതീതി? ആമന്താ.

(ക) യോ ദോമനസ്സിന്ദ്രിയം നപ്പജഹതി സോ അഞ്ഞാതാവിന്ദ്രിയം ന സച്ഛികരിസ്സതീതി?

സത്ത പുഗ്ഗലാ ദോമനസ്സിന്ദ്രിയം നപ്പജഹന്തി, നോ ച അഞ്ഞാതാവിന്ദ്രിയം ന സച്ഛികരിസ്സന്തി. ദ്വേ പുഗ്ഗലാ ദോമനസ്സിന്ദ്രിയഞ്ച നപ്പജഹന്തി അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ ദോമനസ്സിന്ദ്രിയം നപ്പജഹതീതി? ആമന്താ. (ദോമനസ്സിന്ദ്രിയമൂലകം)

൪൭൩. (ക) യോ അനഞ്ഞാതഞ്ഞസ്സാമീതിന്ദ്രിയം ന ഭാവേതി സോ അഞ്ഞിന്ദ്രിയം ന ഭാവേസ്സതീതി?

ഛ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ന ഭാവേന്തി, നോ ച അഞ്ഞിന്ദ്രിയം ന ഭാവേസ്സന്തി. തയോ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേന്തി അഞ്ഞിന്ദ്രിയഞ്ച ന ഭാവേസ്സന്തി.

(ഖ) യോ വാ പന അഞ്ഞിന്ദ്രിയം ന ഭാവേസ്സതി സോ അനഞ്ഞാതഞ്ഞസ്സാമീതിന്ദ്രിയം ന ഭാവേതീതി? ആമന്താ.

(ക) യോ അനഞ്ഞാതഞ്ഞസ്സാമീതിന്ദ്രിയം ന ഭാവേതി സോ അഞ്ഞാതാവിന്ദ്രിയം ന സച്ഛികരിസ്സതീതി?

സത്ത പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ന ഭാവേന്തി, നോ ച അഞ്ഞാതാവിന്ദ്രിയം ന സച്ഛികരിസ്സന്തി. ദ്വേ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേന്തി അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ അനഞ്ഞാതഞ്ഞസ്സാമീതിന്ദ്രിയം ന ഭാവേതീതി? ആമന്താ. (അനഞ്ഞാതഞ്ഞസ്സാമീതിന്ദ്രിയമൂലകം)

൪൭൪. (ക) യോ അഞ്ഞിന്ദ്രിയം ന ഭാവേതി സോ അഞ്ഞാതാവിന്ദ്രിയം ന സച്ഛികരിസ്സതീതി?

പഞ്ച പുഗ്ഗലാ അഞ്ഞിന്ദ്രിയം ന ഭാവേന്തി, നോ ച അഞ്ഞാതാവിന്ദ്രിയം ന സച്ഛികരിസ്സന്തി. ദ്വേ പുഗ്ഗലാ അഞ്ഞിന്ദ്രിയഞ്ച ന ഭാവേന്തി അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ അഞ്ഞിന്ദ്രിയം ന ഭാവേതീതി? ആമന്താ. (അഞ്ഞിന്ദ്രിയമൂലകം)