൬. അതീതാനാഗതവാരോ

(ക) അനുലോമം

൪൭൫. (ക) യോ ചക്ഖുന്ദ്രിയം പരിജാനിത്ഥ സോ ദോമനസ്സിന്ദ്രിയം പജഹിസ്സതീതി? നോ.

(ഖ) യോ വാ പന ദോമനസ്സിന്ദ്രിയം പജഹിസ്സതി സോ ചക്ഖുന്ദ്രിയം പരിജാനിത്ഥാതി? നോ.

(ക) യോ ചക്ഖുന്ദ്രിയം പരിജാനിത്ഥ സോ അനഞ്ഞാതഞ്ഞസ്സാമീതിന്ദ്രിയം ഭാവേസ്സതീതി? നോ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ഭാവേസ്സതി സോ ചക്ഖുന്ദ്രിയം പരിജാനിത്ഥാതി? നോ.

(ക) യോ ചക്ഖുന്ദ്രിയം പരിജാനിത്ഥ സോ അഞ്ഞിന്ദ്രിയം ഭാവേസ്സതീതി? നോ.

(ഖ) യോ വാ പന അഞ്ഞിന്ദ്രിയം ഭാവേസ്സതി സോ ചക്ഖുന്ദ്രിയം പരിജാനിത്ഥാതി? നോ.

(ക) യോ ചക്ഖുന്ദ്രിയം പരിജാനിത്ഥ സോ അഞ്ഞാതാവിന്ദ്രിയം സച്ഛികരിസ്സതീതി? നോ.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ ചക്ഖുന്ദ്രിയം പരിജാനിത്ഥാതി? നോ. (ചക്ഖുന്ദ്രിയമൂലകം)

൪൭൬. (ക) യോ ദോമനസ്സിന്ദ്രിയം പജഹിത്ഥ സോ അനഞ്ഞാതഞ്ഞസ്സാമീതിന്ദ്രിയം ഭാവേസ്സതീതി? നോ.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ഭാവേസ്സതി സോ ദോമനസ്സിന്ദ്രിയം പജഹിത്ഥാതി? നോ.

(ക) യോ ദോമനസ്സിന്ദ്രിയം പജഹിത്ഥ സോ അഞ്ഞിന്ദ്രിയം ഭാവേസ്സതീതി?

ദ്വേ പുഗ്ഗലാ ദോമനസ്സിന്ദ്രിയം പജഹിത്ഥ, നോ ച അഞ്ഞിന്ദ്രിയം ഭാവേസ്സന്തി. അനാഗാമീ ദോമനസ്സിന്ദ്രിയഞ്ച പജഹിത്ഥ അഞ്ഞിന്ദ്രിയഞ്ച ഭാവേസ്സതി.

(ഖ) യോ വാ പന അഞ്ഞിന്ദ്രിയം ഭാവേസ്സതി സോ ദോമനസ്സിന്ദ്രിയം പജഹിത്ഥാതി?

ഛ പുഗ്ഗലാ അഞ്ഞിന്ദ്രിയം ഭാവേസ്സന്തി, നോ ച ദോമനസ്സിന്ദ്രിയം പജഹിത്ഥ. അനാഗാമീ അഞ്ഞിന്ദ്രിയഞ്ച ഭാവേസ്സതി ദോമനസ്സിന്ദ്രിയഞ്ച പജഹിത്ഥ.

(ക) യോ ദോമനസ്സിന്ദ്രിയം പജഹിത്ഥ സോ അഞ്ഞാതാവിന്ദ്രിയം സച്ഛികരിസ്സതീതി?

അരഹാ ദോമനസ്സിന്ദ്രിയം പജഹിത്ഥ, നോ ച അഞ്ഞാതാവിന്ദ്രിയം സച്ഛികരിസ്സതി. ദ്വേ പുഗ്ഗലാ ദോമനസ്സിന്ദ്രിയഞ്ച പജഹിത്ഥ അഞ്ഞാതാവിന്ദ്രിയഞ്ച സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ ദോമനസ്സിന്ദ്രിയം പജഹിത്ഥാതി?

ഛ പുഗ്ഗലാ അഞ്ഞാതാവിന്ദ്രിയം സച്ഛികരിസ്സന്തി, നോ ച ദോമനസ്സിന്ദ്രിയം പജഹിത്ഥ. ദ്വേ പുഗ്ഗലാ അഞ്ഞാതാവിന്ദ്രിയഞ്ച സച്ഛികരിസ്സന്തി ദോമനസ്സിന്ദ്രിയഞ്ച പജഹിത്ഥ. (ദോമനസ്സിന്ദ്രിയമൂലകം)

൪൭൭. (ക) യോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ സോ അഞ്ഞിന്ദ്രിയം ഭാവേസ്സതീതി?

ദ്വേ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ, നോ ച അഞ്ഞിന്ദ്രിയം ഭാവേസ്സന്തി. പഞ്ച പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ അഞ്ഞിന്ദ്രിയഞ്ച ഭാവേസ്സന്തി.

(ഖ) യോ വാ പന അഞ്ഞിന്ദ്രിയം ഭാവേസ്സതി. സോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥാതി?

ദ്വേ പുഗ്ഗലാ അഞ്ഞിന്ദ്രിയം ഭാവേസ്സന്തി നോ ച അനഞ്ഞാതഞ്ഞസ്സാമീതിന്ദ്രിയം ഭാവിത്ഥ. തയോ പുഗ്ഗലാ അഞ്ഞിന്ദ്രിയഞ്ച ഭാവേസ്സന്തി അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ.

(ക) യോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ സോ അഞ്ഞാതാവിന്ദ്രിയം സച്ഛികരിസ്സതീതി?

അരഹാ അനഞ്ഞാതഞ്ഞസ്സാമീതിന്ദ്രിയം ഭാവിത്ഥ, നോ ച അഞ്ഞാതാവിന്ദ്രിയം സച്ഛികരിസ്സതി. ഛ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ അഞ്ഞാതാവിന്ദ്രിയഞ്ച സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ അനഞ്ഞാതഞ്ഞസ്സാമീതിന്ദ്രിയം ഭാവിത്ഥാതി?

ദ്വേ പുഗ്ഗലാ അഞ്ഞാതാവിന്ദ്രിയം സച്ഛികരിസ്സന്തി, നോ ച അനഞ്ഞാതഞ്ഞസ്സാമീതിന്ദ്രിയം ഭാവിത്ഥ. ഛ പുഗ്ഗലാ അഞ്ഞാതാവിന്ദ്രിയഞ്ച സച്ഛികരിസ്സന്തി അനഞ്ഞാതഞ്ഞസ്സാമീതിന്ദ്രിയഞ്ച ഭാവിത്ഥ. (അനഞ്ഞാതഞ്ഞസ്സാമീതിന്ദ്രിയമൂലകം)

൪൭൮. (ക) യോ അഞ്ഞിന്ദ്രിയം ഭാവിത്ഥ സോ അഞ്ഞാതാവിന്ദ്രിയം സച്ഛികരിസ്സതീതി? നോ.

(ഖ) യോ വാ പന അഞ്ഞാതാവിന്ദ്രിയം സച്ഛികരിസ്സതി സോ അഞ്ഞിന്ദ്രിയം ഭാവിത്ഥാതി? നോ. (അഞ്ഞിന്ദ്രിയമൂലകം)

(ഖ) പച്ചനീകം

൪൭൯. (ക) യോ ചക്ഖുന്ദ്രിയം ന പരിജാനിത്ഥ സോ ദോമനസ്സിന്ദ്രിയം നപ്പജഹിസ്സതീതി?

പഞ്ച പുഗ്ഗലാ ചക്ഖുന്ദ്രിയം ന പരിജാനിത്ഥ, നോ ച ദോമനസ്സിന്ദ്രിയം നപ്പജഹിസ്സന്തി. ചത്താരോ പുഗ്ഗലാ ചക്ഖുന്ദ്രിയഞ്ച ന പരിജാനിത്ഥ ദോമനസ്സിന്ദ്രിയഞ്ച നപ്പജഹിസ്സന്തി.

(ഖ) യോ വാ പന ദോമനസ്സിന്ദ്രിയം നപ്പജഹിസ്സതി സോ ചക്ഖുന്ദ്രിയം ന പരിജാനിത്ഥാതി?

അരഹാ ദോമനസ്സിന്ദ്രിയം നപ്പജഹിസ്സതി, നോ ച ചക്ഖുന്ദ്രിയം ന പരിജാനിത്ഥ. ചത്താരോ പുഗ്ഗലാ ദോമനസ്സിന്ദ്രിയഞ്ച നപ്പജഹിസ്സന്തി ചക്ഖുന്ദ്രിയഞ്ച ന പരിജാനിത്ഥ.

(ക) യോ ചക്ഖുന്ദ്രിയം ന പരിജാനിത്ഥ സോ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതീതി?

യേ പുഥുജ്ജനാ മഗ്ഗം പടിലഭിസ്സന്തി തേ ചക്ഖുന്ദ്രിയം ന പരിജാനിത്ഥ, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവേസ്സന്തി. അട്ഠ പുഗ്ഗലാ ചക്ഖുന്ദ്രിയഞ്ച ന പരിജാനിത്ഥ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതി സോ ചക്ഖുന്ദ്രിയം ന പരിജാനിത്ഥാതി?

അരഹാ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതി, നോ ച ചക്ഖുന്ദ്രിയം ന പരിജാനിത്ഥ. അട്ഠ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി ചക്ഖുന്ദ്രിയഞ്ച ന പരിജാനിത്ഥ.

(ക) യോ ചക്ഖുന്ദ്രിയം ന പരിജാനിത്ഥ സോ അഞ്ഞിന്ദ്രിയം ന ഭാവേസ്സതീതി?

സത്ത പുഗ്ഗലാ ചക്ഖുന്ദ്രിയം ന പരിജാനിത്ഥ, നോ ച അഞ്ഞിന്ദ്രിയം ന ഭാവേസ്സന്തി. ദ്വേ പുഗ്ഗലാ ചക്ഖുന്ദ്രിയഞ്ച ന പരിജാനിത്ഥ അഞ്ഞിന്ദ്രിയഞ്ച ന ഭാവേസ്സന്തി.

(ഖ) യോ വാ പന അഞ്ഞിന്ദ്രിയം ന ഭാവേസ്സതി സോ ചക്ഖുന്ദ്രിയം ന പരിജാനിത്ഥാതി?

അരഹാ അഞ്ഞിന്ദ്രിയം ന ഭാവേസ്സതി, നോ ച ചക്ഖുന്ദ്രിയം ന പരിജാനിത്ഥ. ദ്വേ പുഗ്ഗലാ അഞ്ഞിന്ദ്രിയഞ്ച ന ഭാവേസ്സന്തി ചക്ഖുന്ദ്രിയഞ്ച ന പരിജാനിത്ഥ.

(ക) യോ ചക്ഖുന്ദ്രിയം ന പരിജാനിത്ഥ സോ അഞ്ഞാതാവിന്ദ്രിയം ന സച്ഛികരിസ്സതീതി?

അട്ഠ പുഗ്ഗലാ ചക്ഖുന്ദ്രിയം ന പരിജാനിത്ഥ, നോ ച അഞ്ഞാതാവിന്ദ്രിയം ന സച്ഛികരിസ്സന്തി. യേ പുഥുജ്ജനാ മഗ്ഗം ന പടിലഭിസ്സന്തി തേ ചക്ഖുന്ദ്രിയഞ്ച ന പരിജാനിത്ഥ അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ ചക്ഖുന്ദ്രിയം ന പരിജാനിത്ഥാതി?

അരഹാ അഞ്ഞാതാവിന്ദ്രിയം ന സച്ഛികരിസ്സതി, നോ ച ചക്ഖുന്ദ്രിയം ന പരിജാനിത്ഥ. യേ പുഥുജ്ജനാ മഗ്ഗം ന പടിലഭിസ്സന്തി തേ അഞ്ഞാതാവിന്ദ്രിയഞ്ച ന സച്ഛികരിസ്സന്തി ചക്ഖുന്ദ്രിയഞ്ച ന പരിജാനിത്ഥ. (ചക്ഖുന്ദ്രിയമൂലകം)

൪൮൦. (ക) യോ ദോമനസ്സിന്ദ്രിയം നപ്പജഹിത്ഥ സോ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതീതി?

യേ പുഥുജ്ജനാ മഗ്ഗം പടിലഭിസ്സന്തി തേ ദോമനസ്സിന്ദ്രിയം നപ്പജഹിത്ഥ, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവേസ്സന്തി. ഛ പുഗ്ഗലാ ദോമനസ്സിന്ദ്രിയഞ്ച നപ്പജഹിത്ഥ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി.

(ഖ) യോ വാ പന അനഞ്ഞാതഞ്ഞസ്സാമീതിന്ദ്രിയം ന ഭാവേസ്സതി സോ ദോമനസ്സിന്ദ്രിയം നപ്പജഹിത്ഥാതി?

തയോ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ന ഭാവേസ്സന്തി, നോ ച ദോമനസ്സിന്ദ്രിയം നപ്പജഹിത്ഥ. ഛ പുഗ്ഗലാ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവേസ്സന്തി ദോമനസ്സിന്ദ്രിയഞ്ച നപ്പജഹിത്ഥ.

(ക) യോ ദോമനസ്സിന്ദ്രിയം നപ്പജഹിത്ഥ സോ അഞ്ഞിന്ദ്രിയം ന ഭാവേസ്സതീതി?

ഛ പുഗ്ഗലാ ദോമനസ്സിന്ദ്രിയം നപ്പജഹിത്ഥ, നോ ച അഞ്ഞിന്ദ്രിയം ന ഭാവേസ്സന്തി. യേ പുഥുജ്ജനാ മഗ്ഗം ന പടിലഭിസ്സന്തി തേ ദോമനസ്സിന്ദ്രിയഞ്ച നപ്പജഹിത്ഥ അഞ്ഞിന്ദ്രിയഞ്ച ന ഭാവേസ്സന്തി.

(ഖ) യോ വാ പന അഞ്ഞിന്ദ്രിയം ന ഭാവേസ്സതി സോ ദോമനസ്സിന്ദ്രിയം നപ്പജഹിത്ഥാതി?

ദ്വേ പുഗ്ഗലാ അഞ്ഞിന്ദ്രിയം ന ഭാവേസ്സന്തി, നോ ച ദോമനസ്സിന്ദ്രിയം നപ്പജഹിത്ഥ. യേ പുഥുജ്ജനാ മഗ്ഗം ന പടിലഭിസ്സന്തി തേ അഞ്ഞിന്ദ്രിയഞ്ച ന ഭാവേസ്സന്തി ദോമനസ്സിന്ദ്രിയഞ്ച നപ്പജഹിത്ഥ.

(ക) യോ ദോമനസ്സിന്ദ്രിയം നപ്പജ്ജഹിത്ഥ സോ അഞ്ഞാതാവിന്ദ്രിയം ന സച്ഛികരിസ്സതീതി?

ഛ പുഗ്ഗലാ ദോമനസ്സിന്ദ്രിയം നപ്പജഹിത്ഥ, നോ ച അഞ്ഞാതാവിന്ദ്രിയം ന സച്ഛികരിസ്സന്തി. യേ പുഥുജ്ജനാ മഗ്ഗം ന പടിലഭിസ്സന്തി തേ ദോമനസ്സിന്ദ്രിയഞ്ച നപ്പജഹിത്ഥ അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ ദോമനസ്സിന്ദ്രിയം നപ്പജഹിത്ഥാതി?

അരഹാ അഞ്ഞാതാവിന്ദ്രിയം ന സച്ഛികരിസ്സതി, നോ ച ദോമനസ്സിന്ദ്രിയം നപ്പജഹിത്ഥ. യേ പുഥുജ്ജനാ മഗ്ഗം ന പടിലഭിസ്സന്തി തേ അഞ്ഞാതാവിന്ദ്രിയഞ്ച ന സച്ഛികരിസ്സന്തി ദോമനസ്സിന്ദ്രിയഞ്ച നപ്പജഹിത്ഥ. (ദോമനസ്സിന്ദ്രിയമൂലകം)

൪൮൧. (ക) യോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ സോ അഞ്ഞിന്ദ്രിയം ന ഭാവേസ്സതീതി?

ദ്വേ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ, നോ ച അഞ്ഞിന്ദ്രിയം ന ഭാവേസ്സന്തി. യേ പുഥുജ്ജനാ മഗ്ഗം ന പടിലഭിസ്സന്തി തേ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ അഞ്ഞിന്ദ്രിയഞ്ച ന ഭാവേസ്സന്തി.

(ഖ) യോ വാ പന അഞ്ഞിന്ദ്രിയം ന ഭാവേസ്സതി സോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥാതി?

ദ്വേ പുഗ്ഗലാ അഞ്ഞിന്ദ്രിയം ന ഭാവേസ്സന്തി, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ. യേ പുഥുജ്ജനാ മഗ്ഗം ന പടിലഭിസ്സന്തി തേ അഞ്ഞിന്ദ്രിയഞ്ച ന ഭാവേസ്സന്തി അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ.

(ക) യോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ സോ അഞ്ഞാതാവിന്ദ്രിയം ന സച്ഛികരിസ്സതീതി?

ദ്വേ പുഗ്ഗലാ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ, നോ ച അഞ്ഞാതാവിന്ദ്രിയം ന സച്ഛികരിസ്സന്തി. യേ പുഥുജ്ജനാ മഗ്ഗം ന പടിലഭിസ്സന്തി തേ അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥാതി?

അരഹാ അഞ്ഞാതാവിന്ദ്രിയം ന സച്ഛികരിസ്സതി, നോ ച അനഞ്ഞാതഞ്ഞസ്സാമീതിന്ദ്രിയം ന ഭാവിത്ഥ. യേ പുഥുജ്ജനാ മഗ്ഗം ന പടിലഭിസ്സന്തി തേ അഞ്ഞാതാവിന്ദ്രിയഞ്ച ന സച്ഛികരിസ്സന്തി അനഞ്ഞാതഞ്ഞസ്സാമീതിന്ദ്രിയഞ്ച ന ഭാവിത്ഥ. (അനഞ്ഞാതഞ്ഞസ്സാമീതിന്ദ്രിയമൂലകം)

൪൮൨. (ക) യോ അഞ്ഞിന്ദ്രിയം ന ഭാവിത്ഥ സോ അഞ്ഞാതാവിന്ദ്രിയം ന സച്ഛികരിസ്സതീതി?

അട്ഠ പുഗ്ഗലാ അഞ്ഞിന്ദ്രിയം ന ഭാവിത്ഥ, നോ ച അഞ്ഞാതാവിന്ദ്രിയം ന സച്ഛികരിസ്സന്തി. യേ പുഥുജ്ജനാ മഗ്ഗം ന പടിലഭിസ്സന്തി തേ അഞ്ഞിന്ദ്രിയഞ്ച ന ഭാവിത്ഥ അഞ്ഞാതാവിന്ദ്രിയഞ്ച ന സച്ഛികരിസ്സന്തി.

(ഖ) യോ വാ പന അഞ്ഞാതാവിന്ദ്രിയം ന സച്ഛികരിസ്സതി സോ അഞ്ഞിന്ദ്രിയം ന ഭാവിത്ഥാതി?

അരഹാ അഞ്ഞാതാവിന്ദ്രിയം ന സച്ഛികരിസ്സതി, നോ ച അഞ്ഞിന്ദ്രിയം ന ഭാവിത്ഥ. യേ പുഥുജ്ജനാ മഗ്ഗം ന പടിലഭിസ്സന്തി തേ അഞ്ഞാതാവിന്ദ്രിയഞ്ച ന സച്ഛികരിസ്സന്തി അഞ്ഞിന്ദ്രിയഞ്ച ന ഭാവിത്ഥ. (അഞ്ഞിന്ദ്രിയമൂലകം).

പരിഞ്ഞാവാരോ.

ഇന്ദ്രിയയമകം നിട്ഠിതം.

യമകപകരണം നിട്ഠിതം.