(൧) പച്ചുപ്പന്നവാരോ

(ക) അനുലോമപുഗ്ഗലോ

൧൯. (ക) യസ്സ കായസങ്ഖാരോ ഉപ്പജ്ജതി തസ്സ വചീസങ്ഖാരോ ഉപ്പജ്ജതീതി?

വിനാ വിതക്കവിചാരേഹി അസ്സാസപസ്സാസാനം ഉപ്പാദക്ഖണേ തേസം കായസങ്ഖാരോ ഉപ്പജ്ജതി, നോ ച തേസം വചീസങ്ഖാരോ ഉപ്പജ്ജതി. പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഉപ്പാദക്ഖണേ തേസം കായസങ്ഖാരോ ച ഉപ്പജ്ജതി വചീസങ്ഖാരോ ച ഉപ്പജ്ജതി.

(ഖ) യസ്സ വാ പന വചീസങ്ഖാരോ ഉപ്പജ്ജതി തസ്സ കായസങ്ഖാരോ ഉപ്പജ്ജതീതി?

വിനാ അസ്സാസപസ്സാസേഹി വിതക്കവിചാരാനം ഉപ്പാദക്ഖണേ തേസം വചീസങ്ഖാരോ ഉപ്പജ്ജതി, നോ ച തേസം കായസങ്ഖാരോ ഉപ്പജ്ജതി. പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഉപ്പാദക്ഖണേ തേസം വചീസങ്ഖാരോ ച ഉപ്പജ്ജതി കായസങ്ഖാരോ ച ഉപ്പജ്ജതി.

(ക) യസ്സ കായസങ്ഖാരോ ഉപ്പജ്ജതി തസ്സ ചിത്തസങ്ഖാരോ ഉപ്പജ്ജതീതി? ആമന്താ.

(ഖ) യസ്സ വാ പന ചിത്തസങ്ഖാരോ ഉപ്പജ്ജതി തസ്സ കായസങ്ഖാരോ ഉപ്പജ്ജതീതി?

വിനാ അസ്സാസപസ്സാസേഹി ചിത്തസ്സ ഉപ്പാദക്ഖണേ തേസം ചിത്തസങ്ഖാരോ ഉപ്പജ്ജതി, നോ ച തേസം കായസങ്ഖാരോ ഉപ്പജ്ജതി. അസ്സാസപസ്സാസാനം ഉപ്പാദക്ഖണേ തേസം ചിത്തസങ്ഖാരോ ച ഉപ്പജ്ജതി കായസങ്ഖാരോ ച ഉപ്പജ്ജതി.

൨൦. (ക) യസ്സ വചീസങ്ഖാരോ ഉപ്പജ്ജതി തസ്സ ചിത്തസങ്ഖാരോ ഉപ്പജ്ജതീതി? ആമന്താ.

(ഖ) യസ്സ വാ പന ചിത്തസങ്ഖാരോ ഉപ്പജ്ജതി തസ്സ വചീസങ്ഖാരോ ഉപ്പജ്ജതീതി?

വിനാ വിതക്കവിചാരേഹി ചിത്തസ്സ ഉപ്പാദക്ഖണേ തേസം ചിത്തസങ്ഖാരോ ഉപ്പജ്ജതി, നോ ച തേസം വചീസങ്ഖാരോ ഉപ്പജ്ജതി. വിതക്കവിചാരാനം ഉപ്പാദക്ഖണേ തേസം ചിത്തസങ്ഖാരോ ച ഉപ്പജ്ജതി വചീസങ്ഖാരോ ച ഉപ്പജ്ജതി.

(ഖ) അനുലോമഓകാസോ

൨൧. (ക) യത്ഥ കായസങ്ഖാരോ ഉപ്പജ്ജതി തത്ഥ വചീസങ്ഖാരോ ഉപ്പജ്ജതീതി?

ദുതിയജ്ഝാനേ തതിയജ്ഝാനേ തത്ഥ കായസങ്ഖാരോ ഉപ്പജ്ജതി, നോ ച തത്ഥ വചീസങ്ഖാരോ ഉപ്പജ്ജതി. പഠമജ്ഝാനേ കാമാവചരേ തത്ഥ കായസങ്ഖാരോ ച ഉപ്പജ്ജതി വചീസങ്ഖാരോ ച ഉപ്പജ്ജതി.

(ഖ) യത്ഥ വാ പന വചീസങ്ഖാരോ ഉപ്പജ്ജതി തത്ഥ കായസങ്ഖാരോ ഉപ്പജ്ജതീതി?

രൂപാവചരേ അരൂപാവചരേ തത്ഥ വചീസങ്ഖാരോ ഉപ്പജ്ജതി, നോ ച തത്ഥ കായസങ്ഖാരോ ഉപ്പജ്ജതി. പഠമജ്ഝാനേ കാമാവചരേ തത്ഥ വചീസങ്ഖാരോ ച ഉപ്പജ്ജതി കായസങ്ഖാരോ ച ഉപ്പജ്ജതി.

(ക) യത്ഥ കായസങ്ഖാരോ ഉപ്പജ്ജതി തത്ഥ ചിത്തസങ്ഖാരോ ഉപ്പജ്ജതീതി? ആമന്താ.

(ഖ) യത്ഥ വാ പന ചിത്തസങ്ഖാരോ ഉപ്പജ്ജതി തത്ഥ കായസങ്ഖാരോ ഉപ്പജ്ജതീതി?

ചതുത്ഥജ്ഝാനേ രൂപാവചരേ അരൂപാവചരേ തത്ഥ ചിത്തസങ്ഖാരോ ഉപ്പജ്ജതി, നോ ച തത്ഥ കായസങ്ഖാരോ ഉപ്പജ്ജതി. പഠമജ്ഝാനേ ദുതിയജ്ഝാനേ തതിയജ്ഝാനേ കാമാവചരേ തത്ഥ ചിത്തസങ്ഖാരോ ച ഉപ്പജ്ജതി കായസങ്ഖാരോ ച ഉപ്പജ്ജതി.

൨൨. (ക) യത്ഥ വചീസങ്ഖാരോ ഉപ്പജ്ജതി തത്ഥ ചിത്തസങ്ഖാരോ ഉപ്പജ്ജതീതി? ആമന്താ.

(ഖ) യത്ഥ വാ പന ചിത്തസങ്ഖാരോ ഉപ്പജ്ജതി തത്ഥ വചീസങ്ഖാരോ ഉപ്പജ്ജതീതി?

ദുതിയജ്ഝാനേ തതിയജ്ഝാനേ ചതുത്ഥജ്ഝാനേ തത്ഥ ചിത്തസങ്ഖാരോ ഉപ്പജ്ജതി, നോ ച തത്ഥ വചീസങ്ഖാരോ ഉപ്പജ്ജതി. പഠമജ്ഝാനേ കാമാവചരേ രൂപാവചരേ അരൂപാവചരേ തത്ഥ ചിത്തസങ്ഖാരോ ച ഉപ്പജ്ജതി വചീസങ്ഖാരോ ച ഉപ്പജ്ജതി.

(ഗ) അനുലോമപുഗ്ഗലോകാസാ

൨൩. യസ്സ യത്ഥ കായസങ്ഖാരോ ഉപ്പജ്ജതി…പേ….

(യസ്സകമ്പി യസ്സയത്ഥകമ്പി സദിസം.)

(ഘ) പച്ചനീകപുഗ്ഗലോ

൨൪. (ക) യസ്സ കായസങ്ഖാരോ നുപ്പജ്ജതി തസ്സ വചീസങ്ഖാരോ നുപ്പജ്ജതീതി?

വിനാ അസ്സാസപസ്സാസേഹി വിതക്കവിചാരാനം ഉപ്പാദക്ഖണേ തേസം കായസങ്ഖാരോ നുപ്പജ്ജതി, നോ ച തേസം വചീസങ്ഖാരോ നുപ്പജ്ജതി. സബ്ബേസം ചിത്തസ്സ ഭങ്ഗക്ഖണേ വിനാ അസ്സാസപസ്സാസേഹി അവിതക്കഅവിചാരചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം കായസങ്ഖാരോ ച നുപ്പജ്ജതി വചീസങ്ഖാരോ ച നുപ്പജ്ജതി.

(ഖ) യസ്സ വാ പന വചീസങ്ഖാരോ നുപ്പജ്ജതി തസ്സ കായസങ്ഖാരോ നുപ്പജ്ജതീതി?

വിനാ വിതക്കവിചാരേഹി അസ്സാസപസ്സാസാനം ഉപ്പാദക്ഖണേ തേസം വചീസങ്ഖാരോ നുപ്പജ്ജതി, നോ ച തേസം കായസങ്ഖാരോ നുപ്പജ്ജതി. സബ്ബേസം ചിത്തസ്സ ഭങ്ഗക്ഖണേ വിനാ അസ്സാസപസ്സാസേഹി അവിതക്കഅവിചാരചിത്തസ്സ ഉപ്പാദക്ഖണേ നിരോധസമാപന്നാനം അസഞ്ഞസത്താനം തേസം വചീസങ്ഖാരോ ച നുപ്പജ്ജതി കായസങ്ഖാരോ ച നുപ്പജ്ജതി.

(ക) യസ്സ കായസങ്ഖാരോ നുപ്പജ്ജതി തസ്സ ചിത്തസങ്ഖാരോ നുപ്പജ്ജതീതി?

വിനാ അസ്സാസപസ്സാസേഹി ചിത്തസ്സ ഉപ്പാദക്ഖണേ തേസം കായസങ്ഖാരോ നുപ്പജ്ജതി, നോ ച തേസം ചിത്തസങ്ഖാരോ നുപ്പജ്ജതി. സബ്ബേസം ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം കായസങ്ഖാരോ ച നുപ്പജ്ജതി ചിത്തസങ്ഖാരോ ച നുപ്പജ്ജതി.

(ഖ) യസ്സ വാ പന ചിത്തസങ്ഖാരോ നുപ്പജ്ജതി തസ്സ കായസങ്ഖാരോ നുപ്പജ്ജതീതി? ആമന്താ.

൨൫. (ക) യസ്സ വചീസങ്ഖാരോ നുപ്പജ്ജതി തസ്സ ചിത്തസങ്ഖാരോ നുപ്പജ്ജതീതി?

വിനാ വിതക്കവിചാരേഹി ചിത്തസ്സ ഉപ്പാദക്ഖണേ തേസം വചീസങ്ഖാരോ നുപ്പജ്ജതി, നോ ച തേസം ചിത്തസങ്ഖാരോ നുപ്പജ്ജതി. സബ്ബേസം ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം വചീസങ്ഖാരോ ച നുപ്പജ്ജതി ചിത്തസങ്ഖാരോ ച നുപ്പജ്ജതി.

(ഖ) യസ്സ വാ പന ചിത്തസങ്ഖാരോ നുപ്പജ്ജതി തസ്സ വചീസങ്ഖാരോ നുപ്പജ്ജതീതി? ആമന്താ.

(ങ) പച്ചനീകഓകാസോ

൨൬. (ക) യത്ഥ കായസങ്ഖാരോ നുപ്പജ്ജതി തത്ഥ വചീസങ്ഖാരോ നുപ്പജ്ജതീതി?

രൂപാവചരേ അരൂപാവചരേ തത്ഥ കായസങ്ഖാരോ നുപ്പജ്ജതി, നോ ച തത്ഥ വചീസങ്ഖാരോ നുപ്പജ്ജതി. ചതുത്ഥജ്ഝാനേ അസഞ്ഞസത്തേ തത്ഥ കായസങ്ഖാരോ ച നുപ്പജ്ജതി വചീസങ്ഖാരോ ച നുപ്പജ്ജതി.

(ഖ) യത്ഥ വാ പന വചീസങ്ഖാരോ നുപ്പജ്ജതി തത്ഥ കായസങ്ഖാരോ നുപ്പജ്ജതീതി?

ദുതിയജ്ഝാനേ തതിയജ്ഝാനേ തത്ഥ വചീസങ്ഖാരോ നുപ്പജ്ജതി, നോ ച തത്ഥ കായസങ്ഖാരോ നുപ്പജ്ജതി. ചതുത്ഥജ്ഝാനേ അസഞ്ഞസത്തേ തത്ഥ വചീസങ്ഖാരോ ച നുപ്പജ്ജതി കായസങ്ഖാരോ ച നുപ്പജ്ജതി.

(ക) യത്ഥ കായസങ്ഖാരോ നുപ്പജ്ജതി തത്ഥ ചിത്തസങ്ഖാരോ നുപ്പജ്ജതീതി?

ചതുത്ഥജ്ഝാനേ രൂപാവചരേ അരൂപാവചരേ തത്ഥ കായസങ്ഖാരോ നുപ്പജ്ജതി, നോ ച തത്ഥ ചിത്തസങ്ഖാരോ നുപ്പജ്ജതി. അസഞ്ഞസത്തേ തത്ഥ കായസങ്ഖാരോ ച നുപ്പജ്ജതി ചിത്തസങ്ഖാരോ ച നുപ്പജ്ജതി.

(ഖ) യത്ഥ വാ പന…പേ…? ആമന്താ.

൨൭. (ക) യത്ഥ വചീസങ്ഖാരോ നുപ്പജ്ജതി തത്ഥ ചിത്തസങ്ഖാരോ നുപ്പജ്ജതീതി?

ദുതിയജ്ഝാനേ തതിയജ്ഝാനേ ചതുത്ഥജ്ഝാനേ തത്ഥ വചീസങ്ഖാരോ നുപ്പജ്ജതി, നോ ച തത്ഥ ചിത്തസങ്ഖാരോ നുപ്പജ്ജതി. അസഞ്ഞസത്തേ തത്ഥ വചീസങ്ഖാരോ ച നുപ്പജ്ജതി ചിത്തസങ്ഖാരോ ച നുപ്പജ്ജതി.

(ഖ) യത്ഥ വാ പന…പേ…? ആമന്താ.

(ച) പച്ചനീകപുഗ്ഗലോകാസാ

൨൮. (ക) യസ്സ യത്ഥ കായസങ്ഖാരോ നുപ്പജ്ജതി തസ്സ തത്ഥ വചീസങ്ഖാരോ നുപ്പജ്ജതീതി?

വിനാ അസ്സാസപസ്സാസേഹി വിതക്കവിചാരാനം ഉപ്പാദക്ഖണേ തേസം തത്ഥ കായസങ്ഖാരോ നുപ്പജ്ജതി, നോ ച തേസം തത്ഥ വചീസങ്ഖാരോ നുപ്പജ്ജതി. സബ്ബേസം ചിത്തസ്സ ഭങ്ഗക്ഖണേ വിനാ അസ്സാസപസ്സാസേഹി അവിതക്കഅവിചാരചിത്തസ്സ ഉപ്പാദക്ഖണേ അസഞ്ഞസത്താനം തേസം തത്ഥ കായസങ്ഖാരോ ച നുപ്പജ്ജതി വചീസങ്ഖാരോ ച നുപ്പജ്ജതി.

(ഖ) യസ്സ വാ പന യത്ഥ…പേ…? ആമന്താ.

(യസ്സകമ്പി യസ്സയത്ഥകമ്പി സദിസം വിത്ഥാരേതബ്ബം, യസ്സയത്ഥകേ നിരോധസമാപന്നാനന്തി ന ലബ്ഭതി.)