(൨) അതീതവാരോ

(ക) അനുലോമപുഗ്ഗലോ

൨൯. (ക) യസ്സ കായസങ്ഖാരോ ഉപ്പജ്ജിത്ഥ തസ്സ വചീസങ്ഖാരോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന…പേ…? ആമന്താ.

(ക) യസ്സ കായസങ്ഖാരോ ഉപ്പജ്ജിത്ഥ തസ്സ ചിത്തസങ്ഖാരോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന…പേ…? ആമന്താ.

൩൦. (ക) യസ്സ വചീസങ്ഖാരോ ഉപ്പജ്ജിത്ഥ തസ്സ ചിത്തസങ്ഖാരോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന…പേ…? ആമന്താ.

(ഖ) അനുലോമഓകാസോ

൩൧. യത്ഥ കായസങ്ഖാരോ ഉപ്പജ്ജിത്ഥ…പേ…

(യത്ഥകമ്പി സബ്ബത്ഥ ഏകസദിസം).

(ഗ) അനുലോമപുഗ്ഗലോകാസാ

൩൨. (ക) യസ്സ യത്ഥ കായസങ്ഖാരോ ഉപ്പജ്ജിത്ഥ തസ്സ തത്ഥ വചീസങ്ഖാരോ ഉപ്പജ്ജിത്ഥാതി?

ദുതിയജ്ഝാനം തതിയജ്ഝാനം സമാപന്നാനം തേസം തത്ഥ കായസങ്ഖാരോ ഉപ്പജ്ജിത്ഥ, നോ ച തേസം തത്ഥ വചീസങ്ഖാരോ ഉപ്പജ്ജിത്ഥ. പഠമജ്ഝാനം സമാപന്നാനം കാമാവചരാനം തേസം തത്ഥ കായസങ്ഖാരോ ച ഉപ്പജ്ജിത്ഥ വചീസങ്ഖാരോ ച ഉപ്പജ്ജിത്ഥ.

(ഖ) യസ്സ വാ പന യത്ഥ വചീസങ്ഖാരോ ഉപ്പജ്ജിത്ഥ തസ്സ തത്ഥ കായസങ്ഖാരോ ഉപ്പജ്ജിത്ഥാതി?

രൂപാവചരാനം അരൂപാവചരാനം തേസം തത്ഥ വചീസങ്ഖാരോ ഉപ്പജ്ജിത്ഥ, നോ ച തേസം തത്ഥ കായസങ്ഖാരോ ഉപ്പജ്ജിത്ഥ. പഠമജ്ഝാനം സമാപന്നാനം കാമാവചരാനം തേസം തത്ഥ വചീസങ്ഖാരോ ച ഉപ്പജ്ജിത്ഥ കായസങ്ഖാരോ ച ഉപ്പജ്ജിത്ഥ.

(ക) യസ്സ യത്ഥ കായസങ്ഖാരോ ഉപ്പജ്ജിത്ഥ തസ്സ തത്ഥ ചിത്തസങ്ഖാരോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ ചിത്തസങ്ഖാരോ ഉപ്പജ്ജിത്ഥ തസ്സ തത്ഥ കായസങ്ഖാരോ ഉപ്പജ്ജിത്ഥാതി?

ചതുത്ഥജ്ഝാനം സമാപന്നാനം രൂപാവചരാനം അരൂപാവചരാനം തേസം തത്ഥ ചിത്തസങ്ഖാരോ ഉപ്പജ്ജിത്ഥ, നോ ച തേസം തത്ഥ കായസങ്ഖാരോ ഉപ്പജ്ജിത്ഥ. പഠമജ്ഝാനം ദുതിയജ്ഝാനം തതിയജ്ഝാനം സമാപന്നാനം കാമാവചരാനം തേസം തത്ഥ ചിത്തസങ്ഖാരോ ച ഉപ്പജ്ജിത്ഥ കായസങ്ഖാരോ ച ഉപ്പജ്ജിത്ഥ.

൩൩. (ക) യസ്സ യത്ഥ വചീസങ്ഖാരോ ഉപ്പജ്ജിത്ഥ തസ്സ തത്ഥ ചിത്തസങ്ഖാരോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന യത്ഥ ചിത്തസങ്ഖാരോ ഉപ്പജ്ജിത്ഥ തസ്സ തത്ഥ വചീസങ്ഖാരോ ഉപ്പജ്ജിത്ഥാതി?

ദുതിയജ്ഝാനം തതിയജ്ഝാനം ചതുത്ഥജ്ഝാനം സമാപന്നാനം സുദ്ധാവാസാനം ദുതിയേ ചിത്തേ വത്തമാനേ തേസം തത്ഥ ചിത്തസങ്ഖാരോ ഉപ്പജ്ജിത്ഥ, നോ ച തേസം തത്ഥ വചീസങ്ഖാരോ ഉപ്പജ്ജിത്ഥ. പഠമജ്ഝാനം സമാപന്നാനം കാമാവചരാനം ഇതരേസം രൂപാവചരാനം അരൂപാവചരാനം തേസം തത്ഥ ചിത്തസങ്ഖാരോ ച ഉപ്പജ്ജിത്ഥ വചീസങ്ഖാരോ ച ഉപ്പജ്ജിത്ഥ.

(ഘ) പച്ചനീകപുഗ്ഗലോ

൩൪. (ക) യസ്സ കായസങ്ഖാരോ നുപ്പജ്ജിത്ഥ തസ്സ വചീസങ്ഖാരോ നുപ്പജ്ജിത്ഥാതി? നത്ഥി.

(ഖ) യസ്സ വാ പന വചീസങ്ഖാരോ നുപ്പജ്ജിത്ഥ തസ്സ കായസങ്ഖാരോ നുപ്പജ്ജിത്ഥാതി? നത്ഥി.

(ക) യസ്സ കായസങ്ഖാരോ നുപ്പജ്ജിത്ഥ തസ്സ ചിത്തസങ്ഖാരോ നുപ്പജ്ജിത്ഥാതി? നത്ഥി.

(ഖ) യസ്സ വാ പന…പേ…? നത്ഥി.

൩൫. (ക) യസ്സ വചീസങ്ഖാരോ നുപ്പജ്ജിത്ഥ തസ്സ ചിത്തസങ്ഖാരോ നുപ്പജ്ജിത്ഥാതി? നത്ഥി.

(ഖ) യസ്സ വാ പന…പേ…? നത്ഥി.

(ങ) പച്ചനീകഓകാസോ

൩൬. യത്ഥ കായസങ്ഖാരോ നുപ്പജ്ജിത്ഥ…പേ….

(ച) പച്ചനീകപുഗ്ഗലോകാസാ

൩൭. (ക) യസ്സ യത്ഥ കായസങ്ഖാരോ നുപ്പജ്ജിത്ഥ തസ്സ തത്ഥ വചീസങ്ഖാരോ നുപ്പജ്ജിത്ഥാതി?

രൂപാവചരാനം അരൂപാവചരാനം തേസം തത്ഥ കായസങ്ഖാരോ നുപ്പജ്ജിത്ഥ, നോ ച തേസം തത്ഥ വചീസങ്ഖാരോ നുപ്പജ്ജിത്ഥ. ചതുത്ഥജ്ഝാനം സമാപന്നാനം സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ കായസങ്ഖാരോ ച നുപ്പജ്ജിത്ഥ വചീസങ്ഖാരോ ച നുപ്പജ്ജിത്ഥ.

(ഖ) യസ്സ വാ പന യത്ഥ വചീസങ്ഖാരോ നുപ്പജ്ജിത്ഥ തസ്സ തത്ഥ കായസങ്ഖാരോ നുപ്പജ്ജിത്ഥാതി?

ദുതിയജ്ഝാനം തതിയജ്ഝാനം സമാപന്നാനം തേസം തത്ഥ വചീസങ്ഖാരോ നുപ്പജ്ജിത്ഥ, നോ ച തേസം തത്ഥ കായസങ്ഖാരോ നുപ്പജ്ജിത്ഥ. ചതുത്ഥജ്ഝാനം സമാപന്നാനം സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ വചീസങ്ഖാരോ ച നുപ്പജ്ജിത്ഥ കായസങ്ഖാരോ ച നുപ്പജ്ജിത്ഥ.

(ക) യസ്സ യത്ഥ കായസങ്ഖാരോ നുപ്പജ്ജിത്ഥ തസ്സ തത്ഥ ചിത്തസങ്ഖാരോ നുപ്പജ്ജിത്ഥാതി?

ചതുത്ഥജ്ഝാനം സമാപന്നാനം രൂപാവചരാനം അരൂപാവചരാനം തേസം തത്ഥ കായസങ്ഖാരോ നുപ്പജ്ജിത്ഥ, നോ ച തേസം തത്ഥ ചിത്തസങ്ഖാരോ നുപ്പജ്ജിത്ഥ. സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ കായസങ്ഖാരോ ച നുപ്പജ്ജിത്ഥ ചിത്തസങ്ഖാരോ ച നുപ്പജ്ജിത്ഥ.

(ഖ) യസ്സ വാ പന യത്ഥ…പേ…? ആമന്താ.

൩൮. (ക) യസ്സ യത്ഥ വചീസങ്ഖാരോ നുപ്പജ്ജിത്ഥ തസ്സ തത്ഥ ചിത്തസങ്ഖാരോ നുപ്പജ്ജിത്ഥാതി?

ദുതിയജ്ഝാനം തതിയജ്ഝാനം ചതുത്ഥജ്ഝാനം സമാപന്നാനം സുദ്ധാവാസാനം ദുതിയേ ചിത്തേ വത്തമാനേ തേസം തത്ഥ വചീസങ്ഖാരോ നുപ്പജ്ജിത്ഥ, നോ ച തേസം തത്ഥ ചിത്തസങ്ഖാരോ നുപ്പജ്ജിത്ഥ. സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ വചീസങ്ഖാരോ ച നുപ്പജ്ജിത്ഥ ചിത്തസങ്ഖാരോ ച നുപ്പജ്ജിത്ഥ.

(ഖ) യസ്സ വാ പന യത്ഥ…പേ…? ആമന്താ.