(൪) പച്ചുപ്പന്നാതീതവാരോ

(ക) അനുലോമപുഗ്ഗലോ

൯൮. (ക) യസ്സ കായസങ്ഖാരോ നിരുജ്ഝതി തസ്സ വചീസങ്ഖാരോ നിരുജ്ഝിത്ഥാതി? ആമന്താ.

(ഖ) യസ്സ വാ പന വചീസങ്ഖാരോ നിരുജ്ഝിത്ഥ തസ്സ കായസങ്ഖാരോ നിരുജ്ഝതീതി?

സബ്ബേസം ചിത്തസ്സ ഉപ്പാദക്ഖണേ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം വചീസങ്ഖാരോ നിരുജ്ഝിത്ഥ, നോ ച തേസം കായസങ്ഖാരോ നിരുജ്ഝതി. അസ്സാസപസ്സാസാനം ഭങ്ഗക്ഖണേ തേസം വചീസങ്ഖാരോ ച നിരുജ്ഝിത്ഥ കായസങ്ഖാരോ ച നിരുജ്ഝതി.

(ക) യസ്സ കായസങ്ഖാരോ നിരുജ്ഝതി തസ്സ ചിത്തസങ്ഖാരോ നിരുജ്ഝിത്ഥാതി? ആമന്താ.

(ഖ) യസ്സ വാ പന ചിത്തസങ്ഖാരോ നിരുജ്ഝിത്ഥ തസ്സ കായസങ്ഖാരോ നിരുജ്ഝതീതി?

സബ്ബേസം ചിത്തസ്സ ഉപ്പാദക്ഖണേ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തസങ്ഖാരോ നിരുജ്ഝിത്ഥ, നോ ച തേസം കായസങ്ഖാരോ നിരുജ്ഝതി. അസ്സാസപസ്സാസാനം ഭങ്ഗക്ഖണേ തേസം ചിത്തസങ്ഖാരോ ച നിരുജ്ഝിത്ഥ കായസങ്ഖാരോ ച നിരുജ്ഝതി.

൯൯. (ക) യസ്സ വചീസങ്ഖാരോ നിരുജ്ഝതി തസ്സ ചിത്തസങ്ഖാരോ നിരുജ്ഝിത്ഥാതി? ആമന്താ.

(ഖ) യസ്സ വാ പന ചിത്തസങ്ഖാരോ നിരുജ്ഝിത്ഥ തസ്സ വചീസങ്ഖാരോ നിരുജ്ഝതീതി?

സബ്ബേസം ചിത്തസ്സ ഉപ്പാദക്ഖണേ വിനാ വിതക്കവിചാരേഹി ചിത്തസ്സ ഭങ്ഗക്ഖണേ നിരോധസമാപന്നാനം അസഞ്ഞസത്താനം തേസം ചിത്തസങ്ഖാരോ നിരുജ്ഝിത്ഥ, നോ ച തേസം വചീസങ്ഖാരോ നിരുജ്ഝതി. വിതക്കവിചാരാനം ഭങ്ഗക്ഖണേ തേസം ചിത്തസങ്ഖാരോ ച നിരുജ്ഝിത്ഥ വചീസങ്ഖാരോ ച നിരുജ്ഝതി.

(ഖ) അനുലോമഓകാസോ

൧൦൦. യത്ഥ കായസങ്ഖാരോ നിരുജ്ഝതി…പേ….

(ഗ) അനുലോമപുഗ്ഗലോകാസാ

൧൦൧. (ക) യസ്സ യത്ഥ കായസങ്ഖാരോ നിരുജ്ഝതി തസ്സ തത്ഥ വചീസങ്ഖാരോ നിരുജ്ഝിത്ഥാതി?

ദുതിയജ്ഝാനം തതിയജ്ഝാനം സമാപന്നാനം അസ്സാസപസ്സാസാനം ഭങ്ഗക്ഖണേ തേസം തത്ഥ കായസങ്ഖാരോ നിരുജ്ഝതി, നോ ച തേസം തത്ഥ വചീസങ്ഖാരോ നിരുജ്ഝിത്ഥ. പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഭങ്ഗക്ഖണേ തേസം തത്ഥ കായസങ്ഖാരോ ച നിരുജ്ഝതി വചീസങ്ഖാരോ ച നിരുജ്ഝിത്ഥ.

(ഖ) യസ്സ വാ പന യത്ഥ വചീസങ്ഖാരോ നിരുജ്ഝിത്ഥ തസ്സ തത്ഥ കായസങ്ഖാരോ നിരുജ്ഝതീതി?

പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഉപ്പാദക്ഖണേ തേസംയേവ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ രൂപാവചരാനം അരൂപാവചരാനം തേസം തത്ഥ വചീസങ്ഖാരോ നിരുജ്ഝിത്ഥ, നോ ച തേസം തത്ഥ കായസങ്ഖാരോ നിരുജ്ഝതി. പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഭങ്ഗക്ഖണേ തേസം തത്ഥ വചീസങ്ഖാരോ ച നിരുജ്ഝിത്ഥ കായസങ്ഖാരോ ച നിരുജ്ഝതി.

(ക) യസ്സ യത്ഥ കായസങ്ഖാരോ നിരുജ്ഝതി തസ്സ തത്ഥ ചിത്തസങ്ഖാരോ നിരുജ്ഝിത്ഥാതി? ആമന്താ.

(ഖ) യസ്സ വാ പന യത്ഥ ചിത്തസങ്ഖാരോ നിരുജ്ഝിത്ഥ തസ്സ തത്ഥ കായസങ്ഖാരോ നിരുജ്ഝതീതി?

സബ്ബേസം ചിത്തസ്സ ഉപ്പാദക്ഖണേ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ തേസം തത്ഥ ചിത്തസങ്ഖാരോ നിരുജ്ഝിത്ഥ, നോ ച തേസം തത്ഥ കായസങ്ഖാരോ നിരുജ്ഝതി. അസ്സാസപസ്സാസാനം ഭങ്ഗക്ഖണേ തേസം തത്ഥ ചിത്തസങ്ഖാരോ ച നിരുജ്ഝിത്ഥ കായസങ്ഖാരോ ച നിരുജ്ഝതി.

൧൦൨. (ക) യസ്സ യത്ഥ വചീസങ്ഖാരോ നിരുജ്ഝതി തസ്സ തത്ഥ ചിത്തസങ്ഖാരോ നിരുജ്ഝിത്ഥാതി? ആമന്താ.

(ഖ) യസ്സ വാ പന യത്ഥ ചിത്തസങ്ഖാരോ നിരുജ്ഝിത്ഥ തസ്സ തത്ഥ വചീസങ്ഖാരോ നിരുജ്ഝതീതി?

സബ്ബേസം ചിത്തസ്സ ഉപ്പാദക്ഖണേ വിനാ വിതക്കവിചാരേഹി ചിത്തസ്സ ഭങ്ഗക്ഖണേ തേസം തത്ഥ ചിത്തസങ്ഖാരോ നിരുജ്ഝിത്ഥ, നോ ച തേസം തത്ഥ വചീസങ്ഖാരോ നിരുജ്ഝതി. വിതക്കവിചാരാനം ഭങ്ഗക്ഖണേ തേസം തത്ഥ ചിത്തസങ്ഖാരോ ച നിരുജ്ഝിത്ഥ വചീസങ്ഖാരോ ച നിരുജ്ഝതി.

(ഘ) പച്ചനീകപുഗ്ഗലോ

൧൦൩. (ക) യസ്സ കായസങ്ഖാരോ ന നിരുജ്ഝതി തസ്സ വചീസങ്ഖാരോ ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന വചീസങ്ഖാരോ ന നിരുജ്ഝിത്ഥ തസ്സ കായസങ്ഖാരോ ന നിരുജ്ഝതീതി? നത്ഥി.

(ക) യസ്സ കായസങ്ഖാരോ ന നിരുജ്ഝതി തസ്സ ചിത്തസങ്ഖാരോ ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന ചിത്തസങ്ഖാരോ ന നിരുജ്ഝിത്ഥ തസ്സ കായസങ്ഖാരോ ന നിരുജ്ഝതീതി? നത്ഥി.

൧൦൪. (ക) യസ്സ വചീസങ്ഖാരോ ന നിരുജ്ഝതി തസ്സ ചിത്തസങ്ഖാരോ ന നിരുജ്ഝിത്ഥാതി? നിരുജ്ഝിത്ഥ.

(ഖ) യസ്സ വാ പന ചിത്തസങ്ഖാരോ ന നിരുജ്ഝിത്ഥ തസ്സ വചീസങ്ഖാരോ ന നിരുജ്ഝതീതി? നത്ഥി.

(ങ) പച്ചനീകഓകാസോ

൧൦൫. യത്ഥ കായസങ്ഖാരോ ന നിരുജ്ഝതി…പേ….

(ച) പച്ചനീകപുഗ്ഗലോകാസാ

൧൦൬. (ക) യസ്സ യത്ഥ കായസങ്ഖാരോ ന നിരുജ്ഝതി തസ്സ തത്ഥ വചീസങ്ഖാരോ ന നിരുജ്ഝിത്ഥാതി?

പഠമജ്ഝാനം സമാപന്നാനം കാമാവചരാനം അസ്സാസപസ്സാസാനം ഉപ്പാദക്ഖണേ തേസംയേവ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ രൂപാവചരാനം അരൂപാവചരാനം തേസം തത്ഥ കായസങ്ഖാരോ ന നിരുജ്ഝതി, നോ ച തേസം തത്ഥ വചീസങ്ഖാരോ ന നിരുജ്ഝിത്ഥ. ദുതിയജ്ഝാനം തതിയജ്ഝാനം സമാപന്നാനം അസ്സാസപസ്സാസാനം ഉപ്പാദക്ഖണേ തേസംയേവ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ ചതുത്ഥജ്ഝാനം സമാപന്നാനം സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ കായസങ്ഖാരോ ച ന നിരുജ്ഝതി വചീസങ്ഖാരോ ച ന നിരുജ്ഝിത്ഥ.

(ഖ) യസ്സ വാ പന യത്ഥ വചീസങ്ഖാരോ ന നിരുജ്ഝിത്ഥ തസ്സ തത്ഥ കായസങ്ഖാരോ ന നിരുജ്ഝതീതി?

ദുതിയജ്ഝാനം തതിയജ്ഝാനം സമാപന്നാനം അസ്സാസപസ്സാസാനം ഭങ്ഗക്ഖണേ തേസം തത്ഥ വചീസങ്ഖാരോ ന നിരുജ്ഝിത്ഥ, നോ ച തേസം തത്ഥ കായസങ്ഖാരോ ന നിരുജ്ഝതി. ദുതിയജ്ഝാനം തതിയജ്ഝാനം സമാപന്നാനം അസ്സാസപസ്സാസാനം ഉപ്പാദക്ഖണേ തേസംയേവ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ ചതുത്ഥജ്ഝാനം സമാപന്നാനം സുദ്ധാവാസാനം ദുതിയേ ചിത്തേ വത്തമാനേ അസഞ്ഞസത്താനം തേസം തത്ഥ വചീസങ്ഖാരോ ച ന നിരുജ്ഝിത്ഥ കായസങ്ഖാരോ ച ന നിരുജ്ഝതി.

(ക) യസ്സ യത്ഥ കായസങ്ഖാരോ ന നിരുജ്ഝതി തസ്സ തത്ഥ ചിത്തസങ്ഖാരോ ന നിരുജ്ഝിത്ഥാതി?

സബ്ബേസം ചിത്തസ്സ ഉപ്പാദക്ഖണേ വിനാ അസ്സാസപസ്സാസേഹി ചിത്തസ്സ ഭങ്ഗക്ഖണേ തേസം തത്ഥ കായസങ്ഖാരോ ന നിരുജ്ഝതി, നോ ച തേസം തത്ഥ ചിത്തസങ്ഖാരോ ന നിരുജ്ഝിത്ഥ. സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ കായസങ്ഖാരോ ച ന നിരുജ്ഝതി ചിത്തസങ്ഖാരോ ച ന നിരുജ്ഝിത്ഥ.

(ഖ) യസ്സ വാ പന യത്ഥ ചിത്തസങ്ഖാരോ ന നിരുജ്ഝിത്ഥ തസ്സ തത്ഥ കായസങ്ഖാരോ ന നിരുജ്ഝതീതി? ആമന്താ.

൧൦൭. (ക) യസ്സ യത്ഥ വചീസങ്ഖാരോ ന നിരുജ്ഝതി തസ്സ തത്ഥ ചിത്തസങ്ഖാരോ ന നിരുജ്ഝിത്ഥാതി?

സബ്ബേസം ചിത്തസ്സ ഉപ്പാദക്ഖണേ വിനാ വിതക്കവിചാരേഹി ചിത്തസ്സ ഭങ്ഗക്ഖണേ തേസം തത്ഥ വചീസങ്ഖാരോ ന നിരുജ്ഝതി, നോ ച തേസം തത്ഥ ചിത്തസങ്ഖാരോ ന നിരുജ്ഝിത്ഥ. സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ വചീസങ്ഖാരോ ച ന നിരുജ്ഝതി ചിത്തസങ്ഖാരോ ച ന നിരുജ്ഝിത്ഥ.

(ഖ) യസ്സ വാ പന യത്ഥ ചിത്തസങ്ഖാരോ ന നിരുജ്ഝിത്ഥ തസ്സ തത്ഥ വചീസങ്ഖാരോ ന നിരുജ്ഝതീതി? ആമന്താ.