(൫) പച്ചുപ്പന്നാനാഗതവാരോ

(ക) അനുലോമപുഗ്ഗലോ

൧൧൬. (ക) യസ്സ ദുക്ഖസച്ചം നിരുജ്ഝതി തസ്സ സമുദയസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ തേസം ദുക്ഖസച്ചം നിരുജ്ഝതി, നോ ച തേസം സമുദയസച്ചം നിരുജ്ഝിസ്സതി. ഇതരേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം ദുക്ഖസച്ചഞ്ച നിരുജ്ഝതി സമുദയസച്ചഞ്ച നിരുജ്ഝിസ്സതി.

(ഖ) യസ്സ വാ പന സമുദയസച്ചം നിരുജ്ഝിസ്സതി തസ്സ ദുക്ഖസച്ചം നിരുജ്ഝതീതി?

സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം സമുദയസച്ചം നിരുജ്ഝിസ്സതി, നോ ച തേസം ദുക്ഖസച്ചം നിരുജ്ഝതി. സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം സമുദയസച്ചഞ്ച നിരുജ്ഝിസ്സതി ദുക്ഖസച്ചഞ്ച നിരുജ്ഝതി.

(ക) യസ്സ ദുക്ഖസച്ചം നിരുജ്ഝതി തസ്സ മഗ്ഗസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം ദുക്ഖസച്ചം നിരുജ്ഝതി, നോ ച തേസം മഗ്ഗസച്ചം നിരുജ്ഝിസ്സതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം ദുക്ഖസച്ചഞ്ച നിരുജ്ഝതി മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന മഗ്ഗസച്ചം നിരുജ്ഝിസ്സതി തസ്സ ദുക്ഖസച്ചം നിരുജ്ഝതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം മഗ്ഗസച്ചം നിരുജ്ഝിസ്സതി, നോ ച തേസം ദുക്ഖസച്ചം നിരുജ്ഝതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം മഗ്ഗസച്ചഞ്ച നിരുജ്ഝിസ്സതി ദുക്ഖസച്ചഞ്ച നിരുജ്ഝതി.

൧൧൭. (ക) യസ്സ സമുദയസച്ചം നിരുജ്ഝതി തസ്സ മഗ്ഗസച്ചം നിരുജ്ഝിസ്സതീതി?

യേ പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തേസം സമുദയസച്ചം നിരുജ്ഝതി, നോ ച തേസം മഗ്ഗസച്ചം നിരുജ്ഝിസ്സതി. യേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തേസം സമുദയസച്ചഞ്ച നിരുജ്ഝതി മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന മഗ്ഗസച്ചം നിരുജ്ഝിസ്സതി തസ്സ സമുദയസച്ചം നിരുജ്ഝതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ നിരോധസമാപന്നാനം അസഞ്ഞസത്താനം തേസം മഗ്ഗസച്ചം നിരുജ്ഝിസ്സതി, നോ ച തേസം സമുദയസച്ചം നിരുജ്ഝതി. യേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തേസം മഗ്ഗസച്ചഞ്ച നിരുജ്ഝിസ്സതി സമുദയസച്ചഞ്ച നിരുജ്ഝതി.

(ഖ) അനുലോമഓകാസോ

൧൧൮. യത്ഥ ദുക്ഖസച്ചം നിരുജ്ഝതി…പേ….

(ഗ) അനുലോമപുഗ്ഗലോകാസാ

൧൧൯. (ക) യസ്സ യത്ഥ ദുക്ഖസച്ചം നിരുജ്ഝതി തസ്സ തത്ഥ സമുദയസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ ദുക്ഖസച്ചം നിരുജ്ഝതി, നോ ച തേസം തത്ഥ സമുദയസച്ചം നിരുജ്ഝിസ്സതി. ഇതരേസം ചതുവോകാരാ പഞ്ചവോകാരാ ചവന്താനം പവത്തേ ചിത്തസ്സ ഭങ്ഗക്ഖണേ തേസം തത്ഥ ദുക്ഖസച്ചഞ്ച നിരുജ്ഝതി സമുദയസച്ചഞ്ച നിരുജ്ഝിസ്സതി.

(ഖ) യസ്സ വാ പന യത്ഥ സമുദയസച്ചം നിരുജ്ഝിസ്സതി തസ്സ തത്ഥ ദുക്ഖസച്ചം നിരുജ്ഝതീതി?

ചതുവോകാരം പഞ്ചവോകാരം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം തത്ഥ സമുദയസച്ചം നിരുജ്ഝിസ്സതി, നോ ച തേസം തത്ഥ ദുക്ഖസച്ചം നിരുജ്ഝതി. ചതുവോകാരാ പഞ്ചവോകാരാ ചവന്താനം പവത്തേ ചിത്തസ്സ ഭങ്ഗക്ഖണേ തേസം തത്ഥ സമുദയസച്ചഞ്ച നിരുജ്ഝിസ്സതി ദുക്ഖസച്ചഞ്ച നിരുജ്ഝതി.

(ക) യസ്സ യത്ഥ ദുക്ഖസച്ചം നിരുജ്ഝതി തസ്സ തത്ഥ മഗ്ഗസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ ദുക്ഖസച്ചം നിരുജ്ഝതി, നോ ച തേസം തത്ഥ മഗ്ഗസച്ചം നിരുജ്ഝിസ്സതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം തത്ഥ ദുക്ഖസച്ചഞ്ച നിരുജ്ഝതി മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം നിരുജ്ഝിസ്സതി തസ്സ തത്ഥ ദുക്ഖസച്ചം നിരുജ്ഝതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം തത്ഥ മഗ്ഗസച്ചം നിരുജ്ഝിസ്സതി, നോ ച തേസം തത്ഥ ദുക്ഖസച്ചം നിരുജ്ഝതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം തത്ഥ മഗ്ഗസച്ചഞ്ച നിരുജ്ഝിസ്സതി ദുക്ഖസച്ചഞ്ച നിരുജ്ഝതി.

൧൨൦. (ക) യസ്സ യത്ഥ സമുദയസച്ചം നിരുജ്ഝതി തസ്സ തത്ഥ മഗ്ഗസച്ചം നിരുജ്ഝിസ്സതീതി?

ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തേസം തത്ഥ സമുദയസച്ചം നിരുജ്ഝതി, നോ ച തേസം തത്ഥ മഗ്ഗസച്ചം നിരുജ്ഝിസ്സതി. യേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തേസം തത്ഥ സമുദയസച്ചഞ്ച നിരുജ്ഝതി മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം നിരുജ്ഝിസ്സതി തസ്സ തത്ഥ സമുദയസച്ചം നിരുജ്ഝതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ തേസം തത്ഥ മഗ്ഗസച്ചം നിരുജ്ഝിസ്സതി, നോ ച തേസം തത്ഥ സമുദയസച്ചം നിരുജ്ഝതി. യേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തേസം തത്ഥ മഗ്ഗസച്ചഞ്ച നിരുജ്ഝിസ്സതി സമുദയസച്ചഞ്ച നിരുജ്ഝതി.

(ഘ) പച്ചനീകപുഗ്ഗലോ

൧൨൧. (ക) യസ്സ ദുക്ഖസച്ചം ന നിരുജ്ഝതി തസ്സ സമുദയസച്ചം ന നിരുജ്ഝിസ്സതീതി?

സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം ദുക്ഖസച്ചം ന നിരുജ്ഝതി, നോ ച തേസം സമുദയസച്ചം ന നിരുജ്ഝിസ്സതി. അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ തേസം ദുക്ഖസച്ചഞ്ച ന നിരുജ്ഝതി സമുദയസച്ചഞ്ച ന നിരുജ്ഝിസ്സതി.

(ഖ) യസ്സ വാ പന സമുദയസച്ചം ന നിരുജ്ഝിസ്സതി തസ്സ ദുക്ഖസച്ചം ന നിരുജ്ഝതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ തേസം സമുദയസച്ചം ന നിരുജ്ഝിസ്സതി, നോ ച തേസം ദുക്ഖസച്ചം ന നിരുജ്ഝതി. അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ തേസം സമുദയസച്ചഞ്ച ന നിരുജ്ഝിസ്സതി ദുക്ഖസച്ചഞ്ച ന നിരുജ്ഝതി.

(ക) യസ്സ ദുക്ഖസച്ചം ന നിരുജ്ഝതി തസ്സ മഗ്ഗസച്ചം ന നിരുജ്ഝിസ്സതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം ദുക്ഖസച്ചം ന നിരുജ്ഝതി, നോ ച തേസം മഗ്ഗസച്ചം ന നിരുജ്ഝിസ്സതി. അരഹന്താനം ചിത്തസ്സ ഉപ്പാദക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ തേസം ദുക്ഖസച്ചഞ്ച ന നിരുജ്ഝതി മഗ്ഗസച്ചഞ്ച ന നിരുജ്ഝിസ്സതി.

(ഖ) യസ്സ വാ പന മഗ്ഗസച്ചം ന നിരുജ്ഝിസ്സതി തസ്സ ദുക്ഖസച്ചം ന നിരുജ്ഝതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ തേസം മഗ്ഗസച്ചം ന നിരുജ്ഝിസ്സതി, നോ ച തേസം ദുക്ഖസച്ചം ന നിരുജ്ഝതി. അരഹന്താനം ചിത്തസ്സ ഉപ്പാദക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ തേസം മഗ്ഗസച്ചഞ്ച ന നിരുജ്ഝിസ്സതി ദുക്ഖസച്ചഞ്ച ന നിരുജ്ഝതി.

൧൨൨. (ക) യസ്സ സമുദയസച്ചം ന നിരുജ്ഝതി തസ്സ മഗ്ഗസച്ചം ന നിരുജ്ഝിസ്സതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ നിരോധസമാപന്നാനം അസഞ്ഞസത്താനം തേസം സമുദയസച്ചം ന നിരുജ്ഝതി, നോ ച തേസം മഗ്ഗസച്ചം ന നിരുജ്ഝിസ്സതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ തേസം സമുദയസച്ചഞ്ച ന നിരുജ്ഝതി മഗ്ഗസച്ചഞ്ച ന നിരുജ്ഝിസ്സതി.

(ഖ) യസ്സ വാ പന മഗ്ഗസച്ചം ന നിരുജ്ഝിസ്സതി തസ്സ സമുദയസച്ചം ന നിരുജ്ഝതീതി?

യേ പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തേസം മഗ്ഗസച്ചം ന നിരുജ്ഝിസ്സതി, നോ ച തേസം സമുദയസച്ചം ന നിരുജ്ഝതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ [വത്തമാനേ, നിരോധസമാപന്നാനം അസഞ്ഞസത്താനം (സീ. സ്യാ.)] തേസം മഗ്ഗസച്ചഞ്ച ന നിരുജ്ഝിസ്സതി സമുദയസച്ചഞ്ച ന നിരുജ്ഝതി.

(ങ) പച്ചനീകഓകാസോ

൧൨൩. യത്ഥ ദുക്ഖസച്ചം ന നിരുജ്ഝതി…പേ….

(ച) പച്ചനീകപുഗ്ഗലോകാസാ

൧൨൪. (ക) യസ്സ യത്ഥ ദുക്ഖസച്ചം ന നിരുജ്ഝതി തസ്സ തത്ഥ സമുദയസച്ചം ന നിരുജ്ഝിസ്സതീതി?

ചതുവോകാരം പഞ്ചവോകാരം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം തത്ഥ ദുക്ഖസച്ചം ന നിരുജ്ഝതി, നോ ച തേസം തത്ഥ സമുദയസച്ചം ന നിരുജ്ഝിസ്സതി. അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ അസഞ്ഞസത്തം ഉപപജ്ജന്താനം തേസം തത്ഥ ദുക്ഖസച്ചഞ്ച ന നിരുജ്ഝതി സമുദയസച്ചഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ സമുദയസച്ചം ന നിരുജ്ഝിസ്സതി തസ്സ തത്ഥ ദുക്ഖസച്ചം ന നിരുജ്ഝതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ സമുദയസച്ചം ന നിരുജ്ഝിസ്സതി, നോ ച തേസം തത്ഥ ദുക്ഖസച്ചം ന നിരുജ്ഝതി. അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ അസഞ്ഞസത്തം ഉപപജ്ജന്താനം തേസം തത്ഥ സമുദയസച്ചഞ്ച ന നിരുജ്ഝിസ്സതി ദുക്ഖസച്ചഞ്ച ന നിരുജ്ഝതി.

(ക) യസ്സ യത്ഥ ദുക്ഖസച്ചം ന നിരുജ്ഝതി തസ്സ തത്ഥ മഗ്ഗസച്ചം ന നിരുജ്ഝിസ്സതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ മഗ്ഗസ്സ ച ഫലസ്സ ച ഭങ്ഗക്ഖണേ തേസം തത്ഥ ദുക്ഖസച്ചം ന നിരുജ്ഝതി, നോ ച തേസം തത്ഥ മഗ്ഗസച്ചം ന നിരുജ്ഝിസ്സതി. അരഹന്താനം ചിത്തസ്സ ഉപ്പാദക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ തേസം തത്ഥ ദുക്ഖസച്ചഞ്ച ന നിരുജ്ഝതി മഗ്ഗസച്ചഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം ന നിരുജ്ഝിസ്സതി തസ്സ തത്ഥ ദുക്ഖസച്ചം ന നിരുജ്ഝതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ മഗ്ഗസച്ചം ന നിരുജ്ഝിസ്സതി, നോ ച തേസം തത്ഥ ദുക്ഖസച്ചം ന നിരുജ്ഝതി. അരഹന്താനം ചിത്തസ്സ ഉപ്പാദക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഭങ്ഗക്ഖണേ അസഞ്ഞസത്തം ഉപപജ്ജന്താനം തേസം തത്ഥ മഗ്ഗസച്ചഞ്ച ന നിരുജ്ഝിസ്സതി ദുക്ഖസച്ചഞ്ച ന നിരുജ്ഝതി.

൧൨൫. (ക) യസ്സ യത്ഥ സമുദയസച്ചം ന നിരുജ്ഝതി തസ്സ തത്ഥ മഗ്ഗസച്ചം ന നിരുജ്ഝിസ്സതീതി?

അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ തേസം തത്ഥ സമുദയസച്ചം ന നിരുജ്ഝതി, നോ ച തേസം തത്ഥ മഗ്ഗസച്ചം ന നിരുജ്ഝിസ്സതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം തത്ഥ സമുദയസച്ചഞ്ച ന നിരുജ്ഝതി മഗ്ഗസച്ചഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം ന നിരുജ്ഝിസ്സതി തസ്സ തത്ഥ സമുദയസച്ചം ന നിരുജ്ഝതീതി?

ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തേസം തത്ഥ മഗ്ഗസച്ചം ന നിരുജ്ഝിസ്സതി, നോ ച തേസം തത്ഥ സമുദയസച്ചം ന നിരുജ്ഝതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം തത്ഥ മഗ്ഗസച്ചഞ്ച ന നിരുജ്ഝിസ്സതി സമുദയസച്ചഞ്ച ന നിരുജ്ഝിതി.