(൬) അതീതാനാഗതവാരോ

(ക) അനുലോമപുഗ്ഗലോ

൧൨൬. (ക) യസ്സ ദുക്ഖസച്ചം നിരുജ്ഝിത്ഥ തസ്സ സമുദയസച്ചം നിരുജ്ഝിസ്സതീതി?

അഗ്ഗമഗ്ഗസമങ്ഗീനം അരഹന്താനം യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തേസം ദുക്ഖസച്ചം നിരുജ്ഝിത്ഥ, നോ ച തേസം സമുദയസച്ചം നിരുജ്ഝിസ്സതി. ഇതരേസം തേസം ദുക്ഖസച്ചഞ്ച നിരുജ്ഝിത്ഥ സമുദയസച്ചഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

(ക) യസ്സ ദുക്ഖസച്ചം നിരുജ്ഝിത്ഥ തസ്സ മഗ്ഗസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ദുക്ഖസച്ചം നിരുജ്ഝിത്ഥ, നോ ച തേസം മഗ്ഗസച്ചം നിരുജ്ഝിസ്സതി. അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം ദുക്ഖസച്ചഞ്ച നിരുജ്ഝിത്ഥ മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

൧൨൭. (ക) യസ്സ സമുദയസച്ചം നിരുജ്ഝിത്ഥ തസ്സ മഗ്ഗസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം സമുദയസച്ചം നിരുജ്ഝിത്ഥ, നോ ച തേസം മഗ്ഗസച്ചം നിരുജ്ഝിസ്സതി. അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം സമുദയസച്ചഞ്ച നിരുജ്ഝിത്ഥ മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

(ഖ) അനുലോമഓകാസോ

൧൨൮. യത്ഥ ദുക്ഖസച്ചം നിരുജ്ഝിത്ഥ…പേ….

(ഗ) അനുലോമപുഗ്ഗലോകാസാ

൧൨൯. (ക) യസ്സ യത്ഥ ദുക്ഖസച്ചം നിരുജ്ഝിത്ഥ തസ്സ തത്ഥ സമുദയസച്ചം നിരുജ്ഝിസ്സതീതി?

അഗ്ഗമഗ്ഗസമങ്ഗീനം അരഹന്താനം യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി അസഞ്ഞസത്താനം തേസം തത്ഥ ദുക്ഖസച്ചം നിരുജ്ഝിത്ഥ, നോ ച തേസം തത്ഥ സമുദയസച്ചം നിരുജ്ഝിസ്സതി. ഇതരേസം ചതുവോകാരാനം പഞ്ചവോകാരാനം തേസം തത്ഥ ദുക്ഖസച്ചഞ്ച നിരുജ്ഝിത്ഥ സമുദയസച്ചഞ്ച നിരുജ്ഝിസ്സതി.

(ഖ) യസ്സ വാ പന യത്ഥ സമുദയസച്ചം നിരുജ്ഝിസ്സതി തസ്സ തത്ഥ ദുക്ഖസച്ചം നിരുജ്ഝിത്ഥാതി?

സുദ്ധാവാസം ഉപപജ്ജന്താനം തേസം തത്ഥ സമുദയസച്ചം നിരുജ്ഝിസ്സതി, നോ ച തേസം തത്ഥ ദുക്ഖസച്ചം നിരുജ്ഝിത്ഥ. ഇതരേസം ചതുവോകാരാനം പഞ്ചവോകാരാനം തേസം തത്ഥ സമുദയസച്ചഞ്ച നിരുജ്ഝിസ്സതി ദുക്ഖസച്ചഞ്ച നിരുജ്ഝിത്ഥ.

(ക) യസ്സ യത്ഥ ദുക്ഖസച്ചം നിരുജ്ഝിത്ഥ തസ്സ തത്ഥ മഗ്ഗസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി ആപായികാനം അസഞ്ഞസത്താനം തേസം തത്ഥ ദുക്ഖസച്ചം നിരുജ്ഝിത്ഥ, നോ ച തേസം തത്ഥ മഗ്ഗസച്ചം നിരുജ്ഝിസ്സതി. അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തത്ഥ ദുക്ഖസച്ചഞ്ച നിരുജ്ഝിത്ഥ മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം നിരുജ്ഝിസ്സതി തസ്സ തത്ഥ ദുക്ഖസച്ചം നിരുജ്ഝിത്ഥാതി?

സുദ്ധാവാസം ഉപപജ്ജന്താനം തേസം തത്ഥ മഗ്ഗസച്ചം നിരുജ്ഝിസ്സതി, നോ ച തേസം തത്ഥ ദുക്ഖസച്ചം നിരുജ്ഝിത്ഥ. അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തത്ഥ മഗ്ഗസച്ചഞ്ച നിരുജ്ഝിസ്സതി ദുക്ഖസച്ചഞ്ച നിരുജ്ഝിത്ഥ.

൧൩൦. (ക) യസ്സ യത്ഥ സമുദയസച്ചം നിരുജ്ഝിത്ഥ തസ്സ തത്ഥ മഗ്ഗസച്ചം നിരുജ്ഝിസ്സതീതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി ആപായികാനം തേസം തത്ഥ സമുദയസച്ചം നിരുജ്ഝിത്ഥ, നോ ച തേസം തത്ഥ മഗ്ഗസച്ചം നിരുജ്ഝിസ്സതി. അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തത്ഥ സമുദയസച്ചഞ്ച നിരുജ്ഝിത്ഥ മഗ്ഗസച്ചഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം നിരുജ്ഝിസ്സതി തസ്സ തത്ഥ സമുദയസച്ചം നിരുജ്ഝിത്ഥാതി.

സുദ്ധാവാസാനം ദുതിയേ ചിത്തേ വത്തമാനേ തേസം തത്ഥ മഗ്ഗസച്ചം നിരുജ്ഝിസ്സതി, നോ ച തേസം തത്ഥ സമുദയസച്ചം നിരുജ്ഝിത്ഥ. അഗ്ഗമഗ്ഗസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തത്ഥ മഗ്ഗസച്ചഞ്ച നിരുജ്ഝിസ്സതി സമുദയസച്ചഞ്ച നിരുജ്ഝിത്ഥ.

(ഘ) പച്ചനീകപുഗ്ഗലോ

൧൩൧. (ക) യസ്സ ദുക്ഖസച്ചം ന നിരുജ്ഝിത്ഥ തസ്സ സമുദയസച്ചം ന നിരുജ്ഝിസ്സതീതി? നത്ഥി.

(ഖ) യസ്സ വാ പന സമുദയസച്ചം ന നിരുജ്ഝിസ്സതി തസ്സ ദുക്ഖസച്ചം ന നിരുജ്ഝിത്ഥാതി? നിരുജ്ഝിത്ഥ.

(ക) യസ്സ ദുക്ഖസച്ചം ന നിരുജ്ഝിത്ഥ തസ്സ മഗ്ഗസച്ചം ന നിരുജ്ഝിസ്സതീതി? നത്ഥി.

(ഖ) യസ്സ വാ പന മഗ്ഗസച്ചം ന നിരുജ്ഝിസ്സതി തസ്സ ദുക്ഖസച്ചം ന നിരുജ്ഝിത്ഥാതി? നിരുജ്ഝിത്ഥ.

൧൩൨. (ക) യസ്സ സമുദയസച്ചം ന നിരുജ്ഝിത്ഥ തസ്സ മഗ്ഗസച്ചം ന നിരുജ്ഝിസ്സതീതി? നത്ഥി.

(ഖ) യസ്സ വാ പന മഗ്ഗസച്ചം ന നിരുജ്ഝിസ്സതി തസ്സ സമുദയസച്ചം ന നിരുജ്ഝിത്ഥാതി? നിരുജ്ഝിത്ഥ.

(ങ) പച്ചനീകഓകാസോ

൧൩൩. യത്ഥ ദുക്ഖസച്ചം ന നിരുജ്ഝിത്ഥ…പേ….

(ച) പച്ചനീകപുഗ്ഗലോകാസാ

൧൩൪. (ക) യസ്സ യത്ഥ ദുക്ഖസച്ചം ന നിരുജ്ഝിത്ഥ തസ്സ തത്ഥ സമുദയസച്ചം ന നിരുജ്ഝിസ്സതീതി? നിരുജ്ഝിസ്സതി.

(ഖ) യസ്സ വാ പന യത്ഥ സമുദയസച്ചം ന നിരുജ്ഝിസ്സതി തസ്സ തത്ഥ ദുക്ഖസച്ചം ന നിരുജ്ഝിത്ഥാതി? നിരുജ്ഝിത്ഥ.

(ക) യസ്സ യത്ഥ ദുക്ഖസച്ചം ന നിരുജ്ഝിത്ഥ തസ്സ തത്ഥ മഗ്ഗസച്ചം ന നിരുജ്ഝിസ്സതീതി? നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം ന നിരുജ്ഝിസ്സതി തസ്സ തത്ഥ ദുക്ഖസച്ചം ന നിരുജ്ഝിത്ഥാതി? നിരുജ്ഝിത്ഥ.

൧൩൫. (ക) യസ്സ യത്ഥ സമുദയസച്ചം ന നിരുജ്ഝിത്ഥ തസ്സ തത്ഥ മഗ്ഗസച്ചം ന നിരുജ്ഝിസ്സതീതി?

സുദ്ധാവാസാനം ദുതിയേ ചിത്തേ വത്തമാനേ തേസം തത്ഥ സമുദയസച്ചം ന നിരുജ്ഝിത്ഥ, നോ ച തേസം തത്ഥ മഗ്ഗസച്ചം ന നിരുജ്ഝിസ്സതി. അസഞ്ഞസത്താനം തേസം തത്ഥ സമുദയസച്ചഞ്ച ന നിരുജ്ഝിത്ഥ മഗ്ഗസച്ചഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മഗ്ഗസച്ചം ന നിരുജ്ഝിസ്സതി തസ്സ തത്ഥ സമുദയസച്ചം ന നിരുജ്ഝിത്ഥാതി?

അഗ്ഗമഗ്ഗസ്സ ഭങ്ഗക്ഖണേ അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി ആപായികാനം തേസം തത്ഥ മഗ്ഗസച്ചം ന നിരുജ്ഝിസ്സതി, നോ ച തേസം തത്ഥ സമുദയസച്ചം ന നിരുജ്ഝിത്ഥ. അസഞ്ഞസത്താനം തേസം തത്ഥ മഗ്ഗസച്ചഞ്ച ന നിരുജ്ഝിസ്സതി സമുദയസച്ചഞ്ച ന നിരുജ്ഝിത്ഥ.

നിരോധവാരോ.