(൫) പച്ചുപ്പന്നാനാഗതവാരോ

(ക) അനുലോമപുഗ്ഗലോ

൬൮. (ക) യസ്സ ദുക്ഖസച്ചം ഉപ്പജ്ജതി തസ്സ സമുദയസച്ചം ഉപ്പജ്ജിസ്സതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ തേസം ദുക്ഖസച്ചം ഉപ്പജ്ജതി, നോ ച തേസം സമുദയസച്ചം ഉപ്പജ്ജിസ്സതി. ഇതരേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം ദുക്ഖസച്ചഞ്ച ഉപ്പജ്ജതി സമുദയസച്ചഞ്ച ഉപ്പജ്ജിസ്സതി.

(ഖ) യസ്സ വാ പന സമുദയസച്ചം ഉപ്പജ്ജിസ്സതി തസ്സ ദുക്ഖസച്ചം ഉപ്പജ്ജതീതി?

സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം സമുദയസച്ചം ഉപ്പജ്ജിസ്സതി, നോ ച തേസം ദുക്ഖസച്ചം ഉപ്പജ്ജതി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം സമുദയസച്ചഞ്ച ഉപ്പജ്ജിസ്സതി ദുക്ഖസച്ചഞ്ച ഉപ്പജ്ജതി.

(ക) യസ്സ ദുക്ഖസച്ചം ഉപ്പജ്ജതി തസ്സ മഗ്ഗസച്ചം ഉപ്പജ്ജിസ്സതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം ദുക്ഖസച്ചം ഉപ്പജ്ജതി, നോ ച തേസം മഗ്ഗസച്ചം ഉപ്പജ്ജിസ്സതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം ദുക്ഖസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിസ്സതി.

(ഖ) യസ്സ വാ പന മഗ്ഗസച്ചം ഉപ്പജ്ജിസ്സതി തസ്സ ദുക്ഖസച്ചം ഉപ്പജ്ജതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം മഗ്ഗസച്ചം ഉപ്പജ്ജിസ്സതി, നോ ച തേസം ദുക്ഖസച്ചം ഉപ്പജ്ജതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം മഗ്ഗസച്ചഞ്ച ഉപ്പജ്ജിസ്സതി ദുക്ഖസച്ചഞ്ച ഉപ്പജ്ജതി.

൬൯. (ക) യസ്സ സമുദയസച്ചം ഉപ്പജ്ജതി തസ്സ മഗ്ഗസച്ചം ഉപ്പജ്ജിസ്സതീതി?

യേ പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തേസം സമുദയസച്ചം ഉപ്പജ്ജതി, നോ ച തേസം മഗ്ഗസച്ചം ഉപ്പജ്ജിസ്സതി. യേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തേസം സമുദയസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിസ്സതി.

(ഖ) യസ്സ വാ പന മഗ്ഗസച്ചം ഉപ്പജ്ജിസ്സതി തസ്സ സമുദയസച്ചം ഉപ്പജ്ജതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ [പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ (സീ. സ്യാ.) പുഗ്ഗലോകാസവാരേപി] ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ നിരോധസമാപന്നാനം അസഞ്ഞസത്താനം തേസം മഗ്ഗസച്ചം ഉപ്പജ്ജിസ്സതി, നോ ച തേസം സമുദയസച്ചം ഉപ്പജ്ജതി. യേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തേസം മഗ്ഗസച്ചഞ്ച ഉപ്പജ്ജിസ്സതി സമുദയസച്ചഞ്ച ഉപ്പജ്ജതി.

(ഖ) അനുലോമഓകാസോ

൭൦. യത്ഥ ദുക്ഖസച്ചം ഉപ്പജ്ജതി…പേ… (യത്ഥകമ്പി യസ്സയത്ഥകസദിസം കാതബ്ബം).

(ഗ) അനുലോമപുഗ്ഗലോകാസാ

൭൧. (ക) യസ്സ യത്ഥ ദുക്ഖസച്ചം ഉപ്പജ്ജതി തസ്സ തത്ഥ സമുദയസച്ചം ഉപ്പജ്ജിസ്സതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ ദുക്ഖസച്ചം ഉപ്പജ്ജതി, നോ ച തേസം തത്ഥ സമുദയസച്ചം ഉപ്പജ്ജിസ്സതി. ഇതരേസം ചതുവോകാരം പഞ്ചവോകാരം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ ദുക്ഖസച്ചഞ്ച ഉപ്പജ്ജതി സമുദയസച്ചഞ്ച ഉപ്പജ്ജിസ്സതി.

(ഖ) യസ്സ വാ പന യത്ഥ സമുദയസച്ചം ഉപ്പജ്ജിസ്സതി തസ്സ തത്ഥ ദുക്ഖസച്ചം ഉപ്പജ്ജതീതി?

ചതുവോകാരാ പഞ്ചവോകാരാ ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ സമുദയസച്ചം ഉപ്പജ്ജിസ്സതി, നോ ച തേസം തത്ഥ ദുക്ഖസച്ചം ഉപ്പജ്ജതി. ചതുവോകാരം പഞ്ചവോകാരം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ സമുദയസച്ചഞ്ച ഉപ്പജ്ജിസ്സതി ദുക്ഖസച്ചഞ്ച ഉപ്പജ്ജതി.

(ക) യസ്സ യത്ഥ ദുക്ഖസച്ചം ഉപ്പജ്ജതി തസ്സ തത്ഥ മഗ്ഗസച്ചം ഉപ്പജ്ജിസ്സതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ ദുക്ഖസച്ചം ഉപ്പജ്ജതി, നോ ച തേസം തത്ഥ മഗ്ഗസച്ചം ഉപ്പജ്ജിസ്സതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ ദുക്ഖസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിസ്സതി.

(ഖ) യസ്സ വാ പന യത്ഥ മഗ്ഗസച്ചം ഉപ്പജ്ജിസ്സതി തസ്സ തത്ഥ ദുക്ഖസച്ചം ഉപ്പജ്ജതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ മഗ്ഗസച്ചം ഉപ്പജ്ജിസ്സതി, നോ ച തേസം തത്ഥ ദുക്ഖസച്ചം ഉപ്പജ്ജതി. യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ മഗ്ഗസച്ചഞ്ച ഉപ്പജ്ജിസ്സതി ദുക്ഖസച്ചഞ്ച ഉപ്പജ്ജതി.

൭൨. (ക) യസ്സ യത്ഥ സമുദയസച്ചം ഉപ്പജ്ജതി തസ്സ തത്ഥ മഗ്ഗസച്ചം ഉപ്പജ്ജിസ്സതീതി?

ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തേസം തത്ഥ സമുദയസച്ചം ഉപ്പജ്ജതി, നോ ച തേസം തത്ഥ മഗ്ഗസച്ചം ഉപ്പജ്ജിസ്സതി. യേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തേസം തത്ഥ സമുദയസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിസ്സതി.

(ഖ) യസ്സ വാ പന യത്ഥ മഗ്ഗസച്ചം ഉപ്പജ്ജിസ്സതി തസ്സ തത്ഥ സമുദയസച്ചം ഉപ്പജ്ജതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ തേസം തത്ഥ മഗ്ഗസച്ചം ഉപ്പജ്ജിസ്സതി, നോ ച തേസം തത്ഥ സമുദയസച്ചം ഉപ്പജ്ജതി. യേ മഗ്ഗം പടിലഭിസ്സന്തി തേസം തണ്ഹായ ഉപ്പാദക്ഖണേ തേസം തത്ഥ മഗ്ഗസച്ചഞ്ച ഉപ്പജ്ജിസ്സതി സമുദയസച്ചഞ്ച ഉപ്പജ്ജതി.

(ഘ) പച്ചനീകപുഗ്ഗലോ

൭൩. (ക) യസ്സ ദുക്ഖസച്ചം നുപ്പജ്ജതി തസ്സ സമുദയസച്ചം നുപ്പജ്ജിസ്സതീതി?

സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം ദുക്ഖസച്ചം നുപ്പജ്ജതി, നോ ച തേസം സമുദയസച്ചം നുപ്പജ്ജിസ്സതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ തേസം ദുക്ഖസച്ചഞ്ച നുപ്പജ്ജതി സമുദയസച്ചഞ്ച നുപ്പജ്ജിസ്സതി.

(ഖ) യസ്സ വാ പന സമുദയസച്ചം നുപ്പജ്ജിസ്സതി തസ്സ ദുക്ഖസച്ചം നുപ്പജ്ജതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ തേസം സമുദയസച്ചം നുപ്പജ്ജിസ്സതി, നോ ച തേസം ദുക്ഖസച്ചം നുപ്പജ്ജതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ തേസം സമുദയസച്ചഞ്ച നുപ്പജ്ജിസ്സതി ദുക്ഖസച്ചഞ്ച നുപ്പജ്ജതി.

(ക) യസ്സ ദുക്ഖസച്ചം നുപ്പജ്ജതി തസ്സ മഗ്ഗസച്ചം നുപ്പജ്ജിസ്സതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം ദുക്ഖസച്ചം നുപ്പജ്ജതി, നോ ച തേസം മഗ്ഗസച്ചം നുപ്പജ്ജിസ്സതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ തേസം ദുക്ഖസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിസ്സതി.

(ഖ) യസ്സ വാ പന മഗ്ഗസച്ചം നുപ്പജ്ജിസ്സതി തസ്സ ദുക്ഖസച്ചം നുപ്പജ്ജതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം മഗ്ഗസച്ചം നുപ്പജ്ജിസ്സതി, നോ ച തേസം ദുക്ഖസച്ചം നുപ്പജ്ജതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ തേസം മഗ്ഗസച്ചഞ്ച നുപ്പജ്ജിസ്സതി ദുക്ഖസച്ചഞ്ച നുപ്പജ്ജതി.

൭൪. (ക) യസ്സ സമുദയസച്ചം നുപ്പജ്ജതി തസ്സ മഗ്ഗസച്ചം നുപ്പജ്ജിസ്സതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സാന്തി യേ ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ നിരോധസമാപന്നാനം അസഞ്ഞസത്താനം തേസം സമുദയസച്ചം നുപ്പജ്ജതി, നോ ച തേസം മഗ്ഗസച്ചം നുപ്പജ്ജിസ്സതി. അഗ്ഗമഗ്ഗസമങ്ഗീനം അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ തേസം സമുദയസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിസ്സതി.

(ഖ) യസ്സ വാ പന മഗ്ഗസച്ചം നുപ്പജ്ജിസ്സതി തസ്സ സമുദയസച്ചം നുപ്പജ്ജതീതി?

യേ പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തേസം മഗ്ഗസച്ചം നുപ്പജ്ജിസ്സതി, നോ ച തേസം സമുദയസച്ചം നുപ്പജ്ജതി. അഗ്ഗമഗ്ഗസമങ്ഗീനം അരഹന്താനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ തേസം മഗ്ഗസച്ചഞ്ച നുപ്പജ്ജിസ്സതി സമുദയസച്ചഞ്ച നുപ്പജ്ജതി.

(ങ) പച്ചനീകഓകാസോ

൭൫. യത്ഥ ദുക്ഖസച്ചം നുപ്പജ്ജതി…പേ….

(ച) പച്ചനീകപുഗ്ഗലോകാസാ

൭൬. (ക) യസ്സ യത്ഥ ദുക്ഖസച്ചം നുപ്പജ്ജതി തസ്സ തത്ഥ സമുദയസച്ചം നുപ്പജ്ജിസ്സതീതി?

ചതുവോകാരാ പഞ്ചവോകാരാ ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ ദുക്ഖസച്ചം നുപ്പജ്ജതി, നോ ച തേസം തത്ഥ സമുദയസച്ചം നുപ്പജ്ജിസ്സതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ അസഞ്ഞസത്താ ചവന്താനം അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ ദുക്ഖസച്ചഞ്ച നുപ്പജ്ജതി സമുദയസച്ചഞ്ച നുപ്പജ്ജിസ്സതി.

(ഖ) യസ്സ വാ പന യത്ഥ സമുദയസച്ചം നുപ്പജ്ജിസ്സതി തസ്സ തത്ഥ ദുക്ഖസച്ചം നുപ്പജ്ജതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ സമുദയസച്ചം നുപ്പജ്ജിസ്സതി, നോ ച തേസം തത്ഥ ദുക്ഖസച്ചം നുപ്പജ്ജതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ അസഞ്ഞസത്താ ചവന്താനം തേസം തത്ഥ സമുദയസച്ചഞ്ച നുപ്പജ്ജിസ്സതി ദുക്ഖസച്ചഞ്ച നുപ്പജ്ജതി.

(ക) യസ്സ യത്ഥ ദുക്ഖസച്ചം നുപ്പജ്ജതി തസ്സ തത്ഥ മഗ്ഗസച്ചം നുപ്പജ്ജിസ്സതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി തസ്സ ചിത്തസ്സ ഭങ്ഗക്ഖണേ യേ ചഞ്ഞേ മഗ്ഗം പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ ദുക്ഖസച്ചം നുപ്പജ്ജതി, നോ ച തേസം തത്ഥ മഗ്ഗസച്ചം നുപ്പജ്ജിസ്സതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അസഞ്ഞത്താ ചവന്താനം അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ അസഞ്ഞസത്താ ചവന്താനം തേസം തത്ഥ ദുക്ഖസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിസ്സതി.

(ഖ) യസ്സ വാ പന യത്ഥ മഗ്ഗസച്ചം നുപ്പജ്ജിസ്സതി തസ്സ തത്ഥ ദുക്ഖസച്ചം നുപ്പജ്ജതീതി?

അഗ്ഗമഗ്ഗസ്സ ഉപ്പാദക്ഖണേ അരഹന്താനം ചിത്തസ്സ ഉപ്പാദക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ മഗ്ഗസച്ചം നുപ്പജ്ജിസ്സതി, നോ ച തേസം തത്ഥ ദുക്ഖസച്ചം നുപ്പജ്ജതി. അഗ്ഗമഗ്ഗസ്സ ഭങ്ഗക്ഖണേ അരഹന്താനം ചിത്തസ്സ ഭങ്ഗക്ഖണേ ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ അഗ്ഗമഗ്ഗസ്സ ച ഫലസ്സ ച ഉപ്പാദക്ഖണേ അസഞ്ഞസത്താ ചവന്താനം തേസം തത്ഥ മഗ്ഗസച്ചഞ്ച നുപ്പജ്ജിസ്സതി ദുക്ഖസച്ചഞ്ച നുപ്പജ്ജതി.

൭൭. (ക) യസ്സ യത്ഥ സമുദയസച്ചം നുപ്പജ്ജതി തസ്സ തത്ഥ മഗ്ഗസച്ചം നുപ്പജ്ജിസ്സതീതി?

യസ്സ ചിത്തസ്സ അനന്തരാ അഗ്ഗമഗ്ഗം പടിലഭിസ്സന്തി യേ ചഞ്ഞേ മഗ്ഗം പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ തേസം തത്ഥ സമുദയസച്ചം നുപ്പജ്ജതി, നോ ച തേസം തത്ഥ മഗ്ഗസച്ചം നുപ്പജ്ജിസ്സതി. അഗ്ഗമഗ്ഗസമങ്ഗീനം അരഹന്താനം, ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം തത്ഥ സമുദയസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിസ്സതി.

(ഖ) യസ്സ വാ പന യത്ഥ മഗ്ഗസച്ചം നുപ്പജ്ജിസ്സതി തസ്സ തത്ഥ സമുദയസച്ചം നുപ്പജ്ജതീതി?

ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഉപ്പാദക്ഖണേ തേസം തത്ഥ മഗ്ഗസച്ചം നുപ്പജ്ജിസ്സതി, നോ ച തേസം തത്ഥ സമുദയസച്ചം നുപ്പജ്ജതി. അഗ്ഗമഗ്ഗസമങ്ഗീനം അരഹന്താനം ആപായികാനം യേ ച പുഥുജ്ജനാ മഗ്ഗം ന പടിലഭിസ്സന്തി തേസം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം തത്ഥ മഗ്ഗസച്ചഞ്ച നുപ്പജ്ജിസ്സതി സമുദയസച്ചഞ്ച നുപ്പജ്ജതി.