(൪) പച്ചുപ്പന്നാതീതവാരോ

(ക) അനുലോമപുഗ്ഗലോ

൫൮. (ക) യസ്സ ദുക്ഖസച്ചം ഉപ്പജ്ജതി തസ്സ സമുദയസച്ചം ഉപ്പജ്ജിത്ഥാതി? ആമന്താ.

(ഖ) യസ്സ വാ പന സമുദയസച്ചം ഉപ്പജ്ജിത്ഥ തസ്സ ദുക്ഖസച്ചം ഉപ്പജ്ജതീതി?

സബ്ബേസം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം സമുദയസച്ചം ഉപ്പജ്ജിത്ഥ, നോ ച തേസം ദുക്ഖസച്ചം ഉപ്പജ്ജതി. സബ്ബേസം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം സമുദയസച്ചഞ്ച ഉപ്പജ്ജിത്ഥ ദുക്ഖസച്ചഞ്ച ഉപ്പജ്ജതി.

(ക) യസ്സ ദുക്ഖസച്ചം ഉപ്പജ്ജതി തസ്സ മഗ്ഗസച്ചം ഉപ്പജ്ജിത്ഥാതി? അനഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം ദുക്ഖസച്ചം ഉപ്പജ്ജതി, നോ ച തേസം മഗ്ഗസച്ചം ഉപ്പജ്ജിത്ഥ. അഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം ദുക്ഖസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന മഗ്ഗസച്ചം ഉപ്പജ്ജിത്ഥ തസ്സ ദുക്ഖസച്ചം ഉപ്പജ്ജതീതി?

അഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം മഗ്ഗസച്ചം ഉപ്പജ്ജിത്ഥ, നോ ച തേസം ദുക്ഖസച്ചം ഉപ്പജ്ജതി. അഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം മഗ്ഗസച്ചഞ്ച ഉപ്പജ്ജിത്ഥ ദുക്ഖസച്ചഞ്ച ഉപ്പജ്ജതി.

൫൯. (ക) യസ്സ സമുദയസച്ചം ഉപ്പജ്ജതി തസ്സ മഗ്ഗസച്ചം ഉപ്പജ്ജിത്ഥാതി?

അനഭിസമേതാവീനം തണ്ഹായ ഉപ്പാദക്ഖണേ തേസം സമുദയസച്ചം ഉപ്പജ്ജതി, നോ ച തേസം മഗ്ഗസച്ചം ഉപ്പജ്ജിത്ഥ. അഭിസമേതാവീനം തണ്ഹായ ഉപ്പാദക്ഖണേ തേസം സമുദയസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന മഗ്ഗസച്ചം ഉപ്പജ്ജിത്ഥ തസ്സ സമുദയസച്ചം ഉപ്പജ്ജതീതി?

അഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ നിരോധസമാപന്നാനം തേസം മഗ്ഗസച്ചം ഉപ്പജ്ജിത്ഥ, നോ ച തേസം സമുദയസച്ചം ഉപ്പജ്ജതി. അഭിസമേതാവീനം തണ്ഹായ ഉപ്പാദക്ഖണേ തേസം മഗ്ഗസച്ചഞ്ച ഉപ്പജ്ജിത്ഥ സമുദയസച്ചഞ്ച ഉപ്പജ്ജതി.

(ഖ) അനുലോമഓകാസോ

൬൦. യത്ഥ ദുക്ഖസച്ചം ഉപ്പജ്ജതി…പേ… (യത്ഥകാ സദിസാ സബ്ബേ).

(ഗ) അനുലോമപുഗ്ഗലോകാസാ

൬൧. (ക) യസ്സ യത്ഥ ദുക്ഖസച്ചം ഉപ്പജ്ജതി തസ്സ തത്ഥ സമുദയസച്ചം ഉപ്പജ്ജിത്ഥാതി?

സുദ്ധാവാസാനം ഉപപത്തിചിത്തസ്സ [ഉപ്പത്തിചിത്തസ്സ (സ്യാ.)] ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ ദുക്ഖസച്ചം ഉപ്പജ്ജതി, നോ ച തേസം തത്ഥ സമുദയസച്ചം ഉപ്പജ്ജിത്ഥ. ഇതരേസം ചതുവോകാരം പഞ്ചവോകാരം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ ദുക്ഖസച്ചഞ്ച ഉപ്പജ്ജതി സമുദയസച്ചഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ സമുദയസച്ചം ഉപ്പജ്ജിത്ഥ തസ്സ തത്ഥ ദുക്ഖസച്ചം ഉപ്പജ്ജതീതി?

ചതുവോകാരാ പഞ്ചവോകാരാ ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ സമുദയസച്ചം ഉപ്പജ്ജിത്ഥ, നോ ച തേസം തത്ഥ ദുക്ഖസച്ചം ഉപ്പജ്ജതി. ചതുവോകാരം പഞ്ചവോകാരം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ സമുദയസച്ചഞ്ച ഉപ്പജ്ജിത്ഥ ദുക്ഖസച്ചഞ്ച ഉപ്പജ്ജതി.

(ക) യസ്സ യത്ഥ ദുക്ഖസച്ചം ഉപ്പജ്ജതി തസ്സ തത്ഥ മഗ്ഗസച്ചം ഉപ്പജ്ജിത്ഥാതി?

സുദ്ധാവാസാനം ഉപപത്തിചിത്തസ്സ ഉപ്പാദക്ഖണേ അനഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ ദുക്ഖസച്ചം ഉപ്പജ്ജതി, നോ ച തേസം തത്ഥ മഗ്ഗസച്ചം ഉപ്പജ്ജിത്ഥ. അഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ ദുക്ഖസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ മഗ്ഗസച്ചം ഉപ്പജ്ജിത്ഥ തസ്സ തത്ഥ ദുക്ഖസച്ചം ഉപ്പജ്ജതീതി?

അഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ മഗ്ഗസച്ചം ഉപ്പജ്ജിത്ഥ, നോ ച തേസം തത്ഥ ദുക്ഖസച്ചം ഉപ്പജ്ജതി. അഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം തത്ഥ മഗ്ഗസച്ചഞ്ച ഉപ്പജ്ജിത്ഥ ദുക്ഖസച്ചഞ്ച ഉപ്പജ്ജതി.

൬൨. (ക) യസ്സ യത്ഥ സമുദയസച്ചം ഉപ്പജ്ജതി തസ്സ തത്ഥ മഗ്ഗസച്ചം ഉപ്പജ്ജിത്ഥാതി?

അനഭിസമേതാവീനം തണ്ഹായ ഉപ്പാദക്ഖണേ തേസം തത്ഥ സമുദയസച്ചം ഉപ്പജ്ജതി, നോ ച തേസം തത്ഥ മഗ്ഗസച്ചം ഉപ്പജ്ജിത്ഥ. അഭിസമേതാവീനം തണ്ഹായ ഉപ്പാദക്ഖണേ തേസം തത്ഥ സമുദയസച്ചഞ്ച ഉപ്പജ്ജതി മഗ്ഗസച്ചഞ്ച ഉപ്പജ്ജിത്ഥ.

(ഖ) യസ്സ വാ പന യത്ഥ മഗ്ഗസച്ചം ഉപ്പജ്ജിത്ഥ തസ്സ തത്ഥ സമുദയസച്ചം ഉപ്പജ്ജതീതി?

അഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ തേസം തത്ഥ മഗ്ഗസച്ചം ഉപ്പജ്ജിത്ഥ, നോ ച തേസം തത്ഥ സമുദയസച്ചം ഉപ്പജ്ജതി. അഭിസമേതാവീനം തണ്ഹായ ഉപ്പാദക്ഖണേ തേസം തത്ഥ മഗ്ഗസച്ചഞ്ച ഉപ്പജ്ജിത്ഥ സമുദയസച്ചഞ്ച ഉപ്പജ്ജതി.

(ഘ) പച്ചനീകപുഗ്ഗലോ

൬൩. (ക) യസ്സ ദുക്ഖസച്ചം നുപ്പജ്ജതി തസ്സ സമുദയസച്ചം നുപ്പജ്ജിത്ഥാതി?

ഉപ്പജ്ജിത്ഥ.

(ഖ) യസ്സ വാ പന സമുദയസച്ചം നുപ്പജ്ജിത്ഥ തസ്സ ദുക്ഖസച്ചം നുപ്പജ്ജതീതി? നത്ഥി.

(ക) യസ്സ ദുക്ഖസച്ചം നുപ്പജ്ജതി തസ്സ മഗ്ഗസച്ചം നുപ്പജ്ജിത്ഥാതി?

അഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം ദുക്ഖസച്ചം നുപ്പജ്ജതി, നോ ച തേസം മഗ്ഗസച്ചം നുപ്പജ്ജിത്ഥ. അനഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ തേസം ദുക്ഖസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിത്ഥ.

(ഖ) യസ്സ വാ പന മഗ്ഗസച്ചം നുപ്പജ്ജിത്ഥ തസ്സ ദുക്ഖസച്ചം നുപ്പജ്ജതീതി?

അനഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ തേസം മഗ്ഗസച്ചം നുപ്പജ്ജിത്ഥ, നോ ച തേസം ദുക്ഖസച്ചം നുപ്പജ്ജതി. അനഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ തേസം മഗ്ഗസച്ചഞ്ച നുപ്പജ്ജിത്ഥ ദുക്ഖസച്ചഞ്ച നുപ്പജ്ജതി.

൬൪. (ക) യസ്സ സമുദയസച്ചം നുപ്പജ്ജതി തസ്സ മഗ്ഗസച്ചം നുപ്പജ്ജിത്ഥാതി?

അഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ നിരോധസമാപന്നാനം തേസം സമുദയസച്ചം നുപ്പജ്ജതി, നോ ച തേസം മഗ്ഗസച്ചം നുപ്പജ്ജിത്ഥ. അനഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം സമുദയസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിത്ഥ.

(ഖ) യസ്സ വാ പന മഗ്ഗസച്ചം നുപ്പജ്ജിത്ഥ തസ്സ സമുദയസച്ചം നുപ്പജ്ജതീതി?

അനഭിസമേതാവീനം തണ്ഹായ ഉപ്പാദക്ഖണേ തേസം മഗ്ഗസച്ചം നുപ്പജ്ജിത്ഥ, നോ ച തേസം സമുദയസച്ചം നുപ്പജ്ജതി. അനഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം മഗ്ഗസച്ചഞ്ച നുപ്പജ്ജിത്ഥ സമുദയസച്ചഞ്ച നുപ്പജ്ജതി.

(ങ) പച്ചനീകഓകാസോ

൬൫. യത്ഥ ദുക്ഖസച്ചം നുപ്പജ്ജതി…പേ….

(ച) പച്ചനീകപുഗ്ഗലോകാസാ

൬൬. (ക) യസ്സ യത്ഥ ദുക്ഖസച്ചം നുപ്പജ്ജതി തസ്സ തത്ഥ സമുദയസച്ചം നുപ്പജ്ജിത്ഥാതി?

ചതുവോകാരാ പഞ്ചവോകാരാ ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ ദുക്ഖസച്ചം നുപ്പജ്ജതി, നോ ച തേസം തത്ഥ സമുദയസച്ചം നുപ്പജ്ജിത്ഥ. സുദ്ധാവാസാനം ഉപപത്തിചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ ദുക്ഖസച്ചഞ്ച നുപ്പജ്ജതി സമുദയസച്ചഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ സമുദയസച്ചം നുപ്പജ്ജിത്ഥ തസ്സ തത്ഥ ദുക്ഖസച്ചം നുപ്പജ്ജതീതി?

സുദ്ധാവാസാനം ഉപപത്തിചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ സമുദയസച്ചം നുപ്പജ്ജിത്ഥ, നോ ച തേസം തത്ഥ ദുക്ഖസച്ചം നുപ്പജ്ജതി. സുദ്ധാവാസാനം ഉപപത്തിചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ സമുദയസച്ചഞ്ച നുപ്പജ്ജിത്ഥ ദുക്ഖസച്ചഞ്ച നുപ്പജ്ജതി.

(ക) യസ്സ യത്ഥ ദുക്ഖസച്ചം നുപ്പജ്ജതി തസ്സ തത്ഥ മഗ്ഗസച്ചം നുപ്പജ്ജിത്ഥാതി?

അഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ അരൂപേ മഗ്ഗസ്സ ച ഫലസ്സ ച ഉപ്പാദക്ഖണേ തേസം തത്ഥ ദുക്ഖസച്ചം നുപ്പജ്ജതി, നോ ച തേസം തത്ഥ മഗ്ഗസച്ചം നുപ്പജ്ജിത്ഥ. സുദ്ധാവാസാനം ഉപപത്തിചിത്തസ്സ ഭങ്ഗക്ഖണേ അനഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ ദുക്ഖസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ മഗ്ഗസച്ചം നുപ്പജ്ജിത്ഥ തസ്സ തത്ഥ ദുക്ഖസച്ചം നുപ്പജ്ജതീതി?

സുദ്ധാവാസാനം ഉപപത്തിചിത്തസ്സ ഉപ്പാദക്ഖണേ അനഭിസമേതാവീനം ഉപപജ്ജന്താനം പവത്തേ ചിത്തസ്സ ഉപ്പാദക്ഖണേ അസഞ്ഞസത്തം ഉപപജ്ജന്താനം തേസം തത്ഥ മഗ്ഗസച്ചം നുപ്പജ്ജിത്ഥ, നോ ച തേസം തത്ഥ ദുക്ഖസച്ചം നുപ്പജ്ജതി. സുദ്ധാവാസാനം ഉപപത്തിചിത്തസ്സ ഭങ്ഗക്ഖണേ അനഭിസമേതാവീനം ചവന്താനം പവത്തേ ചിത്തസ്സ ഭങ്ഗക്ഖണേ അസഞ്ഞസത്താ ചവന്താനം തേസം തത്ഥ മഗ്ഗസച്ചഞ്ച നുപ്പജ്ജിത്ഥ ദുക്ഖസച്ചഞ്ച നുപ്പജ്ജതി.

൬൭. (ക) യസ്സ യത്ഥ സമുദയസച്ചം നുപ്പജ്ജതി തസ്സ തത്ഥ മഗ്ഗസച്ചം നുപ്പജ്ജിത്ഥാതി?

അഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ തേസം തത്ഥ സമുദയസച്ചം നുപ്പജ്ജതി, നോ ച തേസം തത്ഥ മഗ്ഗസച്ചം നുപ്പജ്ജിത്ഥ. സുദ്ധാവാസാനം ദുതിയേ ചിത്തേ വത്തമാനേ അനഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം തത്ഥ സമുദയസച്ചഞ്ച നുപ്പജ്ജതി മഗ്ഗസച്ചഞ്ച നുപ്പജ്ജിത്ഥ.

(ഖ) യസ്സ വാ പന യത്ഥ മഗ്ഗസച്ചം നുപ്പജ്ജിത്ഥ തസ്സ തത്ഥ സമുദയസച്ചം നുപ്പജ്ജതീതി?

അനഭിസമേതാവീനം തണ്ഹായ ഉപ്പാദക്ഖണേ തേസം തത്ഥ മഗ്ഗസച്ചം നുപ്പജ്ജിത്ഥ, നോ ച തേസം തത്ഥ സമുദയസച്ചം നുപ്പജ്ജതി. സുദ്ധാവാസാനം ദുതിയേ ചിത്തേ വത്തമാനേ അനഭിസമേതാവീനം തണ്ഹായ ഭങ്ഗക്ഖണേ തണ്ഹാവിപ്പയുത്തചിത്തേ വത്തമാനേ അസഞ്ഞസത്താനം തേസം തത്ഥ മഗ്ഗസച്ചഞ്ച നുപ്പജ്ജിത്ഥ സമുദയസച്ചഞ്ച നുപ്പജ്ജതി.