(൫) പച്ചുപ്പന്നാനാഗതവാരോ

(ക) അനുലോമപുഗ്ഗലോ

൧൬൬. (ക) യസ്സ ചക്ഖായതനം നിരുജ്ഝതി തസ്സ സോതായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം നിരുജ്ഝതി, നോ ച തേസം സോതായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം ചക്ഖായതനഞ്ച നിരുജ്ഝതി സോതായതനഞ്ച നിരുജ്ഝിസ്സതി.

(ഖ) യസ്സ വാ പന സോതായതനം നിരുജ്ഝിസ്സതി തസ്സ ചക്ഖായതനം നിരുജ്ഝതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം സോതായതനം നിരുജ്ഝിസ്സതി, നോ ച തേസം ചക്ഖായതനം നിരുജ്ഝതി. സചക്ഖുകാനം ചവന്താനം തേസം സോതായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝതി.

(ക) യസ്സ ചക്ഖായതനം നിരുജ്ഝതി തസ്സ ഘാനായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം യേ ച രൂപാവചരം അരൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം നിരുജ്ഝതി, നോ ച തേസം ഘാനായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം ചക്ഖായതനഞ്ച നിരുജ്ഝതി ഘാനായതനഞ്ച നിരുജ്ഝിസ്സതി.

(ഖ) യസ്സ വാ പന ഘാനായതനം…പേ….

(ക) യസ്സ ചക്ഖായതനം നിരുജ്ഝതി തസ്സ രൂപായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം നിരുജ്ഝതി, നോ ച തേസം രൂപായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം ചക്ഖായതനഞ്ച നിരുജ്ഝതി രൂപായതനഞ്ച നിരുജ്ഝിസ്സതി.

(ഖ) യസ്സ വാ പന രൂപായതനം…പേ….

യസ്സ ചക്ഖായതനം നിരുജ്ഝതി തസ്സ മനായതനം…പേ… ധമ്മായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം ചക്ഖായതനം നിരുജ്ഝതി, നോ ച തേസം ധമ്മായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം ചക്ഖായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

യസ്സ വാ പന ധമ്മായതനം നിരുജ്ഝിസ്സതി തസ്സ ചക്ഖായതനം നിരുജ്ഝതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം…പേ… സചക്ഖുകാനം ചവന്താനം തേസം…പേ….

൧൬൭. (ക) യസ്സ ഘാനായതനം നിരുജ്ഝതി തസ്സ രൂപായതനം നിരുജ്ഝിസ്സതീതി?

കാമാവചരേ പരിനിബ്ബന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനം നിരുജ്ഝതി, നോ ച തേസം രൂപായതനം നിരുജ്ഝിസ്സതി. ഇതരേസം സഘാനകാനം ചവന്താനം തേസം ഘാനായതനഞ്ച നിരുജ്ഝതി രൂപായതനഞ്ച നിരുജ്ഝിസ്സതി.

(ഖ) യസ്സ വാ പന രൂപായതനം നിരുജ്ഝിസ്സതി തസ്സ ഘാനായതനം നിരുജ്ഝതീതി?

സബ്ബേസം ഉപപജ്ജന്താനം അഘാനകാനം ചവന്താനം തേസം രൂപായതനം നിരുജ്ഝിസ്സതി, നോ ച തേസം ഘാനായതനം നിരുജ്ഝതി. സഘാനകാനം ചവന്താനം തേസം രൂപായതനഞ്ച നിരുജ്ഝിസ്സതി ഘാനായതനഞ്ച നിരുജ്ഝതി.

യസ്സ ഘാനായതനം നിരുജ്ഝതി തസ്സ മനായതനം…പേ… ധമ്മായതനം നിരുജ്ഝിസ്സതീതി?

കാമാവചരേ പരിനിബ്ബന്താനം തേസം ഘാനായതനം നിരുജ്ഝതി, നോ ച തേസം ധമ്മായതനം നിരുജ്ഝിസ്സതി. ഇതരേസം സഘാനകാനം ചവന്താനം തേസം ഘാനായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

യസ്സ വാ പന ധമ്മായതനം…പേ….

൧൬൮. യസ്സ രൂപായതനം നിരുജ്ഝതി തസ്സ മനായതനം…പേ… ധമ്മായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം രൂപായതനം നിരുജ്ഝതി, നോ ച തേസം ധമ്മായതനം നിരുജ്ഝിസ്സതി. ഇതരേസം സരൂപകാനം ചവന്താനം തേസം രൂപായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

യസ്സ വാ പന ധമ്മായതനം നിരുജ്ഝിസ്സതി തസ്സ രൂപായതനം നിരുജ്ഝതീതി?

സബ്ബേസം ഉപപജ്ജന്താനം അരൂപകാനം ചവന്താനം തേസം ധമ്മായതനം നിരുജ്ഝിസ്സതി, നോ ച തേസം രൂപായതനം നിരുജ്ഝതി. സരൂപകാനം ചവന്താനം തേസം ധമ്മായതനഞ്ച നിരുജ്ഝിസ്സതി രൂപായതനഞ്ച നിരുജ്ഝതി.

൧൬൯. (ക) യസ്സ മനായതനം നിരുജ്ഝതി തസ്സ ധമ്മായതനം നിരുജ്ഝിസ്സതീതി?

പരിനിബ്ബന്താനം തേസം മനായതനം നിരുജ്ഝതി, നോ ച തേസം ധമ്മായതനം നിരുജ്ഝിസ്സതി. ഇതരേസം സചിത്തകാനം ചവന്താനം തേസം മനായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന ധമ്മായതനം നിരുജ്ഝിസ്സതി തസ്സ മനായതനം നിരുജ്ഝതീതി?

സബ്ബേസം ഉപപജ്ജന്താനം അചിത്തകാനം ചവന്താനം തേസം ധമ്മായതനം നിരുജ്ഝിസ്സതി, നോ ച തേസം മനായതനം നിരുജ്ഝതി. സചിത്തകാനം ചവന്താനം തേസം ധമ്മായതനഞ്ച നിരുജ്ഝിസ്സതി മനായതനഞ്ച നിരുജ്ഝതി.

(ഖ) അനുലോമഓകാസോ

൧൭൦. യത്ഥ ചക്ഖായതനം നിരുജ്ഝതി…പേ….

(ഗ) അനുലോമപുഗ്ഗലോകാസാ

൧൭൧. (ക) യസ്സ യത്ഥ ചക്ഖായതനം നിരുജ്ഝതി തസ്സ തത്ഥ സോതായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝതി, നോ ച തേസം തത്ഥ സോതായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം തത്ഥ ചക്ഖായതനഞ്ച നിരുജ്ഝതി സോതായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ സോതായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝതീതി?

പഞ്ചവോകാരം ഉപപജ്ജന്താനം അചക്ഖുകാനം കാമാവചരാ ചവന്താനം തേസം തത്ഥ സോതായതനം നിരുജ്ഝിസ്സതി, നോ ച തേസം തത്ഥ ചക്ഖായതനം നിരുജ്ഝതി. സചക്ഖുകാനം ചവന്താനം തേസം തത്ഥ സോതായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝതി.

(ക) യസ്സ യത്ഥ ചക്ഖായതനം നിരുജ്ഝതി തസ്സ തത്ഥ ഘാനായതനം നിരുജ്ഝിസ്സതീതി?

കാമാവചരേ പരിനിബ്ബന്താനം രൂപാവചരാ ചവന്താനം തേസം തത്ഥ ചക്ഖായതനം നിരുജ്ഝതി, നോ ച തേസം തത്ഥ ഘാനായതനം നിരുജ്ഝിസ്സതി. ഇതരേസം സചക്ഖുകാനം കാമാവചരാ ചവന്താനം തേസം തത്ഥ ചക്ഖായതനഞ്ച നിരുജ്ഝതി ഘാനായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ഘാനായതനം…പേ… (യഥാ പച്ചുപ്പന്നാതീതേപി തിവിധം വിത്ഥാരിതം ഏവം ഇദമ്പി വിത്ഥാരേതബ്ബം).

(ക) യസ്സ യത്ഥ ചക്ഖായതനം നിരുജ്ഝതി തസ്സ തത്ഥ രൂപായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝതി, നോ ച തേസം തത്ഥ രൂപായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം തത്ഥ ചക്ഖായതനഞ്ച നിരുജ്ഝതി രൂപായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം…പേ….

(ക) യസ്സ യത്ഥ ചക്ഖായതനം നിരുജ്ഝതി തസ്സ തത്ഥ മനായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝതി, നോ ച തേസം തത്ഥ മനായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം തത്ഥ ചക്ഖായതനഞ്ച നിരുജ്ഝതി മനായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മനായതനം…പേ….

(ക) യസ്സ യത്ഥ ചക്ഖായതനം നിരുജ്ഝതി തസ്സ തത്ഥ ധമ്മായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝതി, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം സചക്ഖുകാനം ചവന്താനം തേസം തത്ഥ ചക്ഖായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം തത്ഥ ധമ്മായതനം നിരുജ്ഝിസ്സതി, നോ ച തേസം തത്ഥ ചക്ഖായതനം നിരുജ്ഝതി. സചക്ഖുകാനം ചവന്താനം തേസം തത്ഥ ധമ്മായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝതി. (ചക്ഖായതനമൂലകം)

൧൭൨. (ക) യസ്സ യത്ഥ ഘാനായതനം നിരുജ്ഝതി തസ്സ തത്ഥ രൂപായതനം നിരുജ്ഝിസ്സതീതി?

കാമാവചരേ പരിനിബ്ബന്താനം തേസം തത്ഥ ഘാനായതനം നിരുജ്ഝതി, നോ ച തേസം തത്ഥ രൂപായതനം നിരുജ്ഝിസ്സതി. ഇതരേസം സഘാനകാനം ചവന്താനം തേസം തത്ഥ ഘാനായതനഞ്ച നിരുജ്ഝതി രൂപായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം നിരുജ്ഝിസ്സതി തസ്സ തത്ഥ ഘാനായതനം നിരുജ്ഝതീതി? കാമാവചരേ പരിനിബ്ബാന്താനം തേസം തത്ഥ…പേ….

കാമാവചരം ഉപപജ്ജന്താനം അഘാനകാനം കാമാവചരാ ചവന്താനം രൂപാവചരാനം തേസം തത്ഥ…പേ….

യസ്സ യത്ഥ ഘാനായതനം നിരുജ്ഝതി തസ്സ തത്ഥ മനായതനം…പേ… ധമ്മായതനം നിരുജ്ഝിസ്സതീതി?

കാമാവചരേ പരിനിബ്ബന്താനം തേസം തത്ഥ ഘാനായതനം നിരുജ്ഝതി, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം സഘാനകാനം ചവന്താനം തേസം തത്ഥ ഘാനായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

യസ്സ വാ പന യത്ഥ ധമ്മായതനം…പേ….

൧൭൩. (ക) യസ്സ യത്ഥ രൂപായതനം നിരുജ്ഝതി തസ്സ തത്ഥ മനായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ രൂപായതനം നിരുജ്ഝതി, നോ ച തേസം തത്ഥ മനായതനം നിരുജ്ഝിസ്സതി. ഇതരേസം പഞ്ചവോകാരാ ചവന്താനം തേസം തത്ഥ രൂപായതനഞ്ച നിരുജ്ഝതി മനായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മനായതനം…പേ….

(ക) യസ്സ യത്ഥ രൂപായതനം നിരുജ്ഝതി തസ്സ തത്ഥ ധമ്മായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ രൂപായതനം നിരുജ്ഝതി, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം സരൂപകാനം ചവന്താനം തേസം തത്ഥ രൂപായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം നിരുജ്ഝിസ്സതി തസ്സ തത്ഥ രൂപായതനം നിരുജ്ഝതീതി?

സബ്ബേസം ഉപപജ്ജന്താനം അരൂപകാനം ചവന്താനം തേസം തത്ഥ ധമ്മായതനം നിരുജ്ഝിസ്സതി, നോ ച തേസം തത്ഥ രൂപായതനം നിരുജ്ഝതി. സരൂപകാനം ചവന്താനം തേസം തത്ഥ ധമ്മായതനഞ്ച നിരുജ്ഝിസ്സതി രൂപായതനഞ്ച നിരുജ്ഝതി.

൧൭൪. (ക) യസ്സ യത്ഥ മനായതനം നിരുജ്ഝതി തസ്സ തത്ഥ ധമ്മായതനം നിരുജ്ഝിസ്സതീതി?

പരിനിബ്ബന്താനം തേസം തത്ഥ മനായതനം നിരുജ്ഝതി, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം സചിത്തകാനം ചവന്താനം തേസം തത്ഥ മനായതനഞ്ച നിരുജ്ഝതി ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം നിരുജ്ഝിസ്സതി തസ്സ തത്ഥ മനായതനം നിരുജ്ഝതീതി?

സബ്ബേസം ഉപപജ്ജന്താനം അചിത്തകാനം ചവന്താനം തേസം തത്ഥ ധമ്മായതനം നിരുജ്ഝിസ്സതി, നോ ച തേസം തത്ഥ മനായതനം നിരുജ്ഝതി. സചിത്തകാനം ചവന്താനം തേസം തത്ഥ ധമ്മായതനഞ്ച നിരുജ്ഝിസ്സതി മനായതനഞ്ച നിരുജ്ഝതി.

(ഘ) പച്ചനീകപുഗ്ഗലോ

൧൭൫. (ക) യസ്സ ചക്ഖായതനം ന നിരുജ്ഝതി തസ്സ സോതായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം സോതായതനം ന നിരുജ്ഝിസ്സതി. അരൂപേ പച്ഛിമഭവികാനം തേസം ചക്ഖായതനഞ്ച ന നിരുജ്ഝതി സോതായതനഞ്ച ന നിരുജ്ഝിസ്സതി.

(ഖ) യസ്സ വാ പന സോതായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം സോതായതനം ന നിരുജ്ഝിസ്സതി, നോ ച തേസം ചക്ഖായതനം ന നിരുജ്ഝതി. അരൂപേ പച്ഛിമഭവികാനം തേസം സോതായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

(ക) യസ്സ ചക്ഖായതനം ന നിരുജ്ഝതി തസ്സ ഘാനായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം ഘാനായതനം ന നിരുജ്ഝിസ്സതി. പച്ഛിമഭവികാനം രൂപാവചരം ഉപപജ്ജന്താനം അരൂപേ പച്ഛിമഭവികാനം തേസം ചക്ഖായതനഞ്ച ന നിരുജ്ഝതി ഘാനായതനഞ്ച ന നിരുജ്ഝിസ്സതി.

(ഖ) യസ്സ വാ പന ഘാനായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം യേ ച രൂപാവചരം അരൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനം ന നിരുജ്ഝിസ്സതി, നോ ച തേസം ചക്ഖായതനം ന നിരുജ്ഝതി. പച്ഛിമഭവികാനം രൂപാവചരം ഉപപജ്ജന്താനം അരൂപേ പച്ഛിമഭവികാനം തേസം ഘാനായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

(ക) യസ്സ ചക്ഖായതനം ന നിരുജ്ഝതി തസ്സ രൂപായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം രൂപായതനം ന നിരുജ്ഝിസ്സതി. അരൂപേ പച്ഛിമഭവികാനം തേസം ചക്ഖായതനഞ്ച ന നിരുജ്ഝതി രൂപായതനഞ്ച ന നിരുജ്ഝിസ്സതി.

(ഖ) യസ്സ വാ പന രൂപായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം രൂപായതനം ന നിരുജ്ഝിസ്സതി, നോ ച തേസം ചക്ഖായതനം ന നിരുജ്ഝതി. അരൂപേ പച്ഛിമഭവികാനം തേസം രൂപായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

യസ്സ ചക്ഖായതനം ന നിരുജ്ഝതി തസ്സ മനായതനം…പേ… ധമ്മായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം ചക്ഖായതനം ന നിരുജ്ഝതി, നോ ച തേസം ധമ്മായതനം ന നിരുജ്ഝിസ്സതി. അരൂപേ പരിനിബ്ബന്താനം തേസം ചക്ഖായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝിസ്സതി.

യസ്സ വാ പന ധമ്മായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം ധമ്മായതനം ന നിരുജ്ഝിസ്സതി, നോ ച തേസം ചക്ഖായതനം ന നിരുജ്ഝതി. അരൂപേ പരിനിബ്ബന്താനം തേസം ധമ്മായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

൧൭൬. (ക) യസ്സ ഘാനായതനം ന നിരുജ്ഝതി തസ്സ രൂപായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അഘാനകാനം ചവന്താനം തേസം ഘാനായതനം ന നിരുജ്ഝതി, നോ ച തേസം രൂപായതനം ന നിരുജ്ഝിസ്സതി. രൂപാവചരേ പരിനിബ്ബന്താനം അരൂപേ പച്ഛിമഭവികാനം തേസം ഘാനായതനഞ്ച ന നിരുജ്ഝതി രൂപായതനഞ്ച ന നിരുജ്ഝിസ്സതി.

(ഖ) യസ്സ വാ പന രൂപായതനം ന നിരുജ്ഝിസ്സതി തസ്സ ഘാനായതനം ന നിരുജ്ഝതീതി?

കാമാവചരേ പരിനിബ്ബന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം രൂപായതനം ന നിരുജ്ഝിസ്സതി, നോ ച തേസം ഘാനായതനം ന നിരുജ്ഝതി. രൂപാവചരേ പരിനിബ്ബന്താനം അരൂപേ പച്ഛിമഭവികാനം തേസം രൂപായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝതി.

യസ്സ ഘാനായതനം ന നിരുജ്ഝതി തസ്സ മനായതനം…പേ… ധമ്മായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അഘാനകാനം ചവന്താനം തേസം ഘാനായതനം ന നിരുജ്ഝതി, നോ ച തേസം ധമ്മായതനം ന നിരുജ്ഝിസ്സതി. രൂപാവചരേ അരൂപാവചരേ പരിനിബ്ബന്താനം തേസം ഘാനായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝിസ്സതി.

യസ്സ വാ പന ധമ്മായതനം ന നിരുജ്ഝിസ്സതി തസ്സ ഘാനായതനം ന നിരുജ്ഝതീതി?

കാമാവചരേ പരിനിബ്ബന്താനം തേസം ധമ്മായതനം ന നിരുജ്ഝിസ്സതി, നോ ച തേസം ഘാനായതനം ന നിരുജ്ഝതി. രൂപാവചരേ അരൂപാവചരേ പരിനിബ്ബന്താനം തേസം ധമ്മായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝതി.

൧൭൭. യസ്സ രൂപായതനം ന നിരുജ്ഝതി തസ്സ മനായതനം…പേ… ധമ്മായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അരൂപകാനം ചവന്താനം തേസം രൂപായതനം ന നിരുജ്ഝതി, നോ ച തേസം ധമ്മായതനം ന നിരുജ്ഝിസ്സതി. അരൂപേ പരിനിബ്ബന്താനം തേസം രൂപായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝിസ്സതി.

യസ്സ വാ പന ധമ്മായതനം ന നിരുജ്ഝിസ്സതി തസ്സ രൂപായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം ധമ്മായതനം ന നിരുജ്ഝിസ്സതി, നോ ച തേസം രൂപായതനം ന നിരുജ്ഝതി. അരൂപേ പരിനിബ്ബന്താനം തേസം ധമ്മായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝതി.

൧൭൮. (ക) യസ്സ മനായതനം ന നിരുജ്ഝതി തസ്സ ധമ്മായതനം ന നിരുജ്ഝിസ്സതീതി? നിരുജ്ഝിസ്സതി.

(ഖ) യസ്സ വാ പന ധമ്മായതനം ന നിരുജ്ഝിസ്സതി തസ്സ മനായതനം ന നിരുജ്ഝതീതി? നിരുജ്ഝതി.

(ങ) പച്ചനീകഓകാസോ

൧൭൯. യത്ഥ ചക്ഖായതനം ന നിരുജ്ഝതി…പേ….

(ച) പച്ചനീകപുഗ്ഗലോകാസാ

൧൮൦. (ക) യസ്സ യത്ഥ ചക്ഖായതനം ന നിരുജ്ഝതി തസ്സ തത്ഥ സോതായതനം ന നിരുജ്ഝിസ്സതീതി?

പഞ്ചവോകാരം ഉപപജ്ജന്താനം അചക്ഖുകാനം കാമാവചരാ ചവന്താനം തേസം തത്ഥ ചക്ഖായതനം ന നിരുജ്ഝതി, നോ ച തേസം തത്ഥ സോതായതനം ന നിരുജ്ഝിസ്സതി. അസഞ്ഞസത്താനം അരൂപാനം തേസം തത്ഥ ചക്ഖായതനഞ്ച ന നിരുജ്ഝതി സോതായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ സോതായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം തത്ഥ സോതായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝതി. അസഞ്ഞസത്താനം അരൂപാനം തേസം തത്ഥ സോതായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

(ക) യസ്സ യത്ഥ ചക്ഖായതനം ന നിരുജ്ഝതി തസ്സ തത്ഥ ഘാനായതനം ന നിരുജ്ഝിസ്സതീതി?

കാമാവചരം ഉപപജ്ജന്താനം അചക്ഖുകാനം കാമാവചരാ ചവന്താനം തേസം തത്ഥ ചക്ഖായതനം ന നിരുജ്ഝതി, നോ ച തേസം തത്ഥ ഘാനായതനം ന നിരുജ്ഝിസ്സതി. രൂപാവചരം ഉപപജ്ജന്താനം അസഞ്ഞസത്താനം അരൂപാനം തേസം തത്ഥ ചക്ഖായതനഞ്ച ന നിരുജ്ഝതി ഘാനായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ഘാനായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝതീതി?

കാമാവചരേ പരിനിബ്ബന്താനം രൂപാവചരാ ചവന്താനം തേസം തത്ഥ ഘാനായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝതി. രൂപാവചരം ഉപപജ്ജന്താനം അസഞ്ഞസത്താനം അരൂപാനം തേസം തത്ഥ ഘാനായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

(ക) യസ്സ യത്ഥ ചക്ഖായതനം ന നിരുജ്ഝതി തസ്സ തത്ഥ രൂപായതനം ന നിരുജ്ഝിസ്സതീതി?

പഞ്ചവോകാരം ഉപപജ്ജന്താനം അചക്ഖുകാനം കാമാവചരാ ചവന്താനം അസഞ്ഞസത്താനം തേസം തത്ഥ ചക്ഖായതനം ന നിരുജ്ഝതി, നോ ച തേസം തത്ഥ രൂപായതനം ന നിരുജ്ഝിസ്സതി. അരൂപാനം തേസം തത്ഥ ചക്ഖായതനഞ്ച ന നിരുജ്ഝതി രൂപായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം തത്ഥ രൂപായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝതി. അരൂപാനം തേസം തത്ഥ രൂപായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

(ക) യസ്സ യത്ഥ ചക്ഖായതനം ന നിരുജ്ഝതി തസ്സ തത്ഥ മനായതനം ന നിരുജ്ഝിസ്സതീതി?

പഞ്ചവോകാരം ഉപപജ്ജന്താനം അചക്ഖുകാനം കാമാവചരാ ചവന്താനം അരൂപാനം തേസം തത്ഥ ചക്ഖായതനം ന നിരുജ്ഝതി, നോ ച തേസം തത്ഥ മനായതനം ന നിരുജ്ഝിസ്സതി. അരൂപേ പരിനിബ്ബന്താനം അസഞ്ഞസത്താനം തേസം തത്ഥ ചക്ഖായതനഞ്ച ന നിരുജ്ഝതി മനായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝതി. അരൂപേ പരിനിബ്ബന്താനം അസഞ്ഞസത്താനം തേസം തത്ഥ മനായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി.

(ക) യസ്സ യത്ഥ ചക്ഖായതനം ന നിരുജ്ഝതി തസ്സ തത്ഥ ധമ്മായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അചക്ഖുകാനം ചവന്താനം തേസം തത്ഥ ചക്ഖായതനം ന നിരുജ്ഝതി, നോ ച തേസം തത്ഥ ധമ്മായതനം ന നിരുജ്ഝിസ്സതി. അരൂപേ പരിനിബ്ബന്താനം തേസം തത്ഥ ചക്ഖായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം തത്ഥ ധമ്മായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝതി. അരൂപേ പരിനിബ്ബന്താനം തേസം തത്ഥ ധമ്മായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝതി. (ചക്ഖായതനമൂലകം)

൧൮൧. (ക) യസ്സ യത്ഥ ഘാനായതനം ന നിരുജ്ഝതി തസ്സ തത്ഥ രൂപായതനം ന നിരുജ്ഝിസ്സതീതി?

കാമാവചരം ഉപപജ്ജന്താനം അഘാനകാനം കാമാവചരാ ചവന്താനം രൂപാവചരാനം തേസം തത്ഥ ഘാനായതനം ന നിരുജ്ഝതി, നോ ച തേസം തത്ഥ രൂപായതനം ന നിരുജ്ഝിസ്സതി. രൂപാവചരേ പരിനിബ്ബന്താനം അരൂപാനം തേസം തത്ഥ ഘാനായതനഞ്ച ന നിരുജ്ഝതി രൂപായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝതീതി?

കാമാവചരേ പരിനിബ്ബന്താനം തേസം തത്ഥ രൂപായതനം ന നിരുജ്ഝിസ്സതി, നോ ച തേസം തത്ഥ ഘാനായതനം ന നിരുജ്ഝതി. രൂപാവചരേ പരിനിബ്ബന്താനം അരൂപാനം തേസം തത്ഥ രൂപായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝതി.

(ക) യസ്സ യത്ഥ ഘാനായതനം ന നിരുജ്ഝതി തസ്സ തത്ഥ മനായതനം ന നിരുജ്ഝിസ്സതീതി?

കാമാവചരം ഉപപജ്ജന്താനം അഘാനകാനം കാമാവചരാ ചവന്താനം രൂപാവചരാനം അരൂപാവചരാനം തേസം തത്ഥ ഘാനായതനം ന നിരുജ്ഝതി, നോ ച തേസം തത്ഥ മനായതനം ന നിരുജ്ഝിസ്സതി. രൂപാവചരേ അരൂപാവചരേ പരിനിബ്ബന്താനം അസഞ്ഞസത്താനം തേസം തത്ഥ ഘാനായതനഞ്ച ന നിരുജ്ഝതി മനായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝതീതി?

കാമാവചരേ പരിനിബ്ബന്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ ഘാനായതനം ന നിരുജ്ഝതി. രൂപാവചരേ അരൂപാവചരേ പരിനിബ്ബന്താനം അസഞ്ഞസത്താനം തേസം തത്ഥ മനായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝതി.

(ക) യസ്സ യത്ഥ ഘാനായതനം ന നിരുജ്ഝതി തസ്സ തത്ഥ ധമ്മായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അഘാനകാനം ചവന്താനം തേസം തത്ഥ ഘാനായതനം ന നിരുജ്ഝതി, നോ ച തേസം തത്ഥ ധമ്മായതനം ന നിരുജ്ഝിസ്സതി. രൂപാവചരേ അരൂപാവചരേ പരിനിബ്ബന്താനം തേസം തത്ഥ ഘാനായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝതീതി?

കാമാവചരേ പരിനിബ്ബന്താനം തേസം തത്ഥ ധമ്മായതനം ന നിരുജ്ഝിസ്സതി, നോ ച തേസം തത്ഥ ഘാനായതനം ന നിരുജ്ഝതി. രൂപാവചരേ അരൂപാവചരേ പരിനിബ്ബന്താനം തേസം തത്ഥ ധമ്മായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝതി. (ഘാനായതനമൂലകം)

൧൮൨. (ക) യസ്സ യത്ഥ രൂപായതനം ന നിരുജ്ഝതി തസ്സ തത്ഥ മനായതനം ന നിരുജ്ഝിസ്സതീതി?

പഞ്ചവോകാരം ഉപപജ്ജന്താനം അരൂപാനം തേസം തത്ഥ രൂപായതനം ന നിരുജ്ഝതി, നോ ച തേസം തത്ഥ മനായതനം ന നിരുജ്ഝിസ്സതി. അരൂപേ പരിനിബ്ബന്താനം അസഞ്ഞസത്തം ഉപപജ്ജന്താനം തേസം തത്ഥ രൂപായതനഞ്ച ന നിരുജ്ഝതി മനായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ രൂപായതനം ന നിരുജ്ഝതി. അരൂപേ പരിനിബ്ബന്താനം അസഞ്ഞസത്തം ഉപപജ്ജന്താനം തേസം തത്ഥ മനായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝതി.

(ക) യസ്സ യത്ഥ രൂപായതനം ന നിരുജ്ഝതി തസ്സ തത്ഥ ധമ്മായതനം ന നിരുജ്ഝിസ്സതീതി?

സബ്ബേസം ഉപപജ്ജന്താനം അരൂപകാനം ചവന്താനം തേസം തത്ഥ രൂപായതനം ന നിരുജ്ഝതി, നോ ച തേസം തത്ഥ ധമ്മായതനം ന നിരുജ്ഝിസ്സതി. അരൂപേ പരിനിബ്ബന്താനം തേസം തത്ഥ രൂപായതനഞ്ച ന നിരുജ്ഝതി ധമ്മായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം തത്ഥ ധമ്മായതനം ന നിരുജ്ഝിസ്സതി, നോ ച തേസം തത്ഥ രൂപായതനം ന നിരുജ്ഝതി. അരൂപേ പരിനിബ്ബന്താനം തേസം തത്ഥ ധമ്മായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝതി. (രൂപായതനമൂലകം)

൧൮൩. (ക) യസ്സ യത്ഥ മനായതനം ന നിരുജ്ഝതി തസ്സ തത്ഥ ധമ്മായതനം ന നിരുജ്ഝിസ്സതീതി? നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ മനായതനം ന നിരുജ്ഝതീതി? നിരുജ്ഝതി.