(൬) അതീതാനാഗതവാരോ

(ക) അനുലോമപുഗ്ഗലോ

൧൮൪. (ക) യസ്സ ചക്ഖായതനം നിരുജ്ഝിത്ഥ തസ്സ സോതായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അരൂപേ പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം നിരുജ്ഝിത്ഥ, നോ ച തേസം സോതായതനം നിരുജ്ഝിസ്സതി. ഇതരേസം തേസം ചക്ഖായതനഞ്ച നിരുജ്ഝിത്ഥ സോതായതനഞ്ച നിരുജ്ഝിസ്സതി.

(ഖ) യസ്സ വാ പന സോതായതനം നിരുജ്ഝിസ്സതി തസ്സ ചക്ഖായതനം നിരുജ്ഝിത്ഥാതി? ആമന്താ.

(ക) യസ്സ ചക്ഖായതനം നിരുജ്ഝിത്ഥ തസ്സ ഘാനായതനം നിരുജ്ഝിസ്സതീതി?

കാമാവചരേ പരിനിബ്ബന്താനം രൂപാവചരേ അരൂപാവചരേ പച്ഛിമഭവികാനം യേ ച രൂപാവചരം അരൂപാവചരം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം നിരുജ്ഝിത്ഥ, നോ ച തേസം ഘാനായതനം നിരുജ്ഝിസ്സതി. ഇതരേസം തേസം ചക്ഖായതനഞ്ച നിരുജ്ഝിത്ഥ ഘാനായതനഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

(ക) യസ്സ ചക്ഖായതനം നിരുജ്ഝിത്ഥ തസ്സ രൂപായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അരൂപേ പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ചക്ഖായതനം നിരുജ്ഝിത്ഥ, നോ ച തേസം രൂപായതനം നിരുജ്ഝിസ്സതി. ഇതരേസം തേസം ചക്ഖായതനഞ്ച നിരുജ്ഝിത്ഥ രൂപായതനഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

യസ്സ ചക്ഖായതനം നിരുജ്ഝിത്ഥ തസ്സ മനായതനം…പേ… ധമ്മായതനം നിരുജ്ഝിസ്സതീതി?

പരിനിബ്ബന്താനം തേസം ചക്ഖായതനം നിരുജ്ഝിത്ഥ, നോ ച തേസം ധമ്മായതനം നിരുജ്ഝിസ്സതി. ഇതരേസം തേസം ചക്ഖായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി. യസ്സ വാ പന…പേ…? ആമന്താ. (ചക്ഖായതനമൂലകം)

൧൮൫. (ക) യസ്സ ഘാനായതനം നിരുജ്ഝിത്ഥ തസ്സ രൂപായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അരൂപേ പച്ഛിമഭവികാനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം ഘാനായതനം നിരുജ്ഝിത്ഥ, നോ ച തേസം രൂപായതനം നിരുജ്ഝിസ്സതി. ഇതരേസം തേസം ഘാനായതനഞ്ച നിരുജ്ഝിത്ഥ രൂപായതനഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

യസ്സ ഘാനായതനം നിരുജ്ഝിത്ഥ തസ്സ മനായതനം…പേ… ധമ്മായതനം നിരുജ്ഝിസ്സതീതി?

പരിനിബ്ബന്താനം തേസം ഘാനായതനം നിരുജ്ഝിത്ഥ, നോ ച തേസം ധമ്മായതനം നിരുജ്ഝിസ്സതി. ഇതരേസം തേസം ഘാനായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി.

യസ്സ വാ പന…പേ…? ആമന്താ.

൧൮൬. യസ്സ രൂപായതനം നിരുജ്ഝിത്ഥ തസ്സ മനായതന…പേ… ധമ്മായതനം നിരുജ്ഝിസ്സതീതി?

പരിനിബ്ബന്താനം തേസം രൂപായതനം നിരുജ്ഝിത്ഥ, നോ ച തേസം ധമ്മായതനം നിരുജ്ഝിസ്സതി. ഇതരേസം തേസം രൂപായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

൧൮൭. (ക) യസ്സ മനായതനം നിരുജ്ഝിത്ഥ തസ്സ ധമ്മായതനം നിരുജ്ഝിസ്സതീതി?

പരിനിബ്ബന്താനം തേസം മനായതനം നിരുജ്ഝിത്ഥ, നോ ച തേസം ധമ്മായതനം നിരുജ്ഝിസ്സതി. ഇതരേസം തേസം മനായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന…പേ…? ആമന്താ.

(ഖ) അനുലോമഓകാസോ

൧൮൮. യത്ഥ ചക്ഖായതനം നിരുജ്ഝിത്ഥ…പേ….

(ഗ) അനുലോമപുഗ്ഗലോകാസാ

൧൮൯. (ക) യസ്സ യത്ഥ ചക്ഖായതനം നിരുജ്ഝിത്ഥ തസ്സ തത്ഥ സോതായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝിത്ഥ, നോ ച തേസം തത്ഥ സോതായതനം നിരുജ്ഝിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച നിരുജ്ഝിത്ഥ സോതായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ സോതായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝിത്ഥാതി?

സുദ്ധാവാസം ഉപപജ്ജന്താനം തേസം തത്ഥ സോതായതനം നിരുജ്ഝിസ്സതി, നോ ച തേസം തത്ഥ ചക്ഖായതനം നിരുജ്ഝിത്ഥ. ഇതരേസം പഞ്ചവോകാരാനം തേസം തത്ഥ സോതായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝിത്ഥ.

(ക) യസ്സ യത്ഥ ചക്ഖായതനം നിരുജ്ഝിത്ഥ തസ്സ തത്ഥ ഘാനായതനം നിരുജ്ഝിസ്സതീതി?

കാമാവചരേ പരിനിബ്ബന്താനം രൂപാവചരാനം തേസം തത്ഥ ചക്ഖായതനം നിരുജ്ഝിത്ഥ, നോ ച തേസം തത്ഥ ഘാനായതനം നിരുജ്ഝിസ്സതി. ഇതരേസം കാമാവചരാനം തേസം തത്ഥ ചക്ഖായതനഞ്ച നിരുജ്ഝിത്ഥ ഘാനായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ഘാനായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝിത്ഥാതി? ആമന്താ.

(ക) യസ്സ യത്ഥ ചക്ഖായതനം നിരുജ്ഝിത്ഥ തസ്സ തത്ഥ രൂപായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝിത്ഥ, നോ ച തേസം തത്ഥ രൂപായതനം നിരുജ്ഝിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച നിരുജ്ഝിത്ഥ രൂപായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝിത്ഥാതി?

സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ രൂപായതനം നിരുജ്ഝിസ്സതി, നോ ച തേസം തത്ഥ ചക്ഖായതനം നിരുജ്ഝിത്ഥ. ഇതരേസം പഞ്ചവോകാരാനം തേസം തത്ഥ രൂപായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝിത്ഥ.

(ക) യസ്സ യത്ഥ ചക്ഖായതനം നിരുജ്ഝിത്ഥ തസ്സ തത്ഥ മനായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝിത്ഥ, നോ ച തേസം തത്ഥ മനായതനം നിരുജ്ഝിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച നിരുജ്ഝിത്ഥ മനായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മനായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝിത്ഥാതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ മനായതനം നിരുജ്ഝിസ്സതി, നോ ച തേസം തത്ഥ ചക്ഖായതനം നിരുജ്ഝിത്ഥ. ഇതരേസം പഞ്ചവോകാരാനം തേസം തത്ഥ മനായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝിത്ഥ.

(ക) യസ്സ യത്ഥ ചക്ഖായതനം നിരുജ്ഝിത്ഥ തസ്സ തത്ഥ ധമ്മായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ ചക്ഖായതനം നിരുജ്ഝിത്ഥ, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം പഞ്ചവോകാരാനം തേസം തത്ഥ ചക്ഖായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം നിരുജ്ഝിസ്സതി തസ്സ തത്ഥ ചക്ഖായതനം നിരുജ്ഝിത്ഥാതി?

സുദ്ധാവാസം ഉപപജ്ജന്താനം അസഞ്ഞസത്താനം അരൂപാനം തേസം തത്ഥ ധമ്മായതനം നിരുജ്ഝിസ്സതി, നോ ച തേസം തത്ഥ ചക്ഖായതനം നിരുജ്ഝിത്ഥ. ഇതരേസം പഞ്ചവോകാരാനം തേസം തത്ഥ ധമ്മായതനഞ്ച നിരുജ്ഝിസ്സതി ചക്ഖായതനഞ്ച നിരുജ്ഝിത്ഥ. (ചക്ഖായതനമൂലകം)

൧൯൦. (ക) യസ്സ യത്ഥ ഘാനായതനം നിരുജ്ഝിത്ഥ തസ്സ തത്ഥ രൂപായതനം നിരുജ്ഝിസ്സതീതി?

കാമാവചരേ പരിനിബ്ബന്താനം തേസം തത്ഥ ഘാനായതനം നിരുജ്ഝിത്ഥ, നോ ച തേസം തത്ഥ രൂപായതനം നിരുജ്ഝിസ്സതി. ഇതരേസം കാമാവചരാനം തേസം തത്ഥ ഘാനായതനഞ്ച നിരുജ്ഝിത്ഥ രൂപായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം നിരുജ്ഝിസ്സതി തസ്സ തത്ഥ ഘാനായതനം നിരുജ്ഝിത്ഥാതി?

രൂപാവചരാനം തേസം തത്ഥ രൂപായതനം നിരുജ്ഝിസ്സതി, നോ ച തേസം തത്ഥ ഘാനായതനം നിരുജ്ഝിത്ഥ. കാമാവചരാനം തേസം തത്ഥ രൂപായതനഞ്ച നിരുജ്ഝിസ്സതി ഘാനായതനഞ്ച നിരുജ്ഝിത്ഥ.

യസ്സ യത്ഥ ഘാനായതനം നിരുജ്ഝിത്ഥ തസ്സ തത്ഥ മനായതനം…പേ… ധമ്മായതനം നിരുജ്ഝിസ്സതീതി?

കാമാവചരേ പരിനിബ്ബന്താനം തേസം തത്ഥ ഘാനായതനം നിരുജ്ഝിത്ഥ, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം കാമാവചരാനം തേസം തത്ഥ ഘാനായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി.

യസ്സ വാ പന യത്ഥ ധമ്മായതനം നിരുജ്ഝിസ്സതി തസ്സ തത്ഥ ഘാനായതനം നിരുജ്ഝിത്ഥാതി?

രൂപാവചരാനം അരൂപാവചരാനം തേസം തത്ഥ ധമ്മായതനം നിരുജ്ഝിസ്സതി, നോ ച തേസം തത്ഥ ഘാനായതനം നിരുജ്ഝിത്ഥ. കാമാവചരാനം തേസം തത്ഥ ധമ്മായതനഞ്ച നിരുജ്ഝിസ്സതി ഘാനായതനഞ്ച നിരുജ്ഝിത്ഥ. (ഘാനായതനമൂലകം)

൧൯൧. (ക) യസ്സ യത്ഥ രൂപായതനം നിരുജ്ഝിത്ഥ തസ്സ തത്ഥ മനായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അസഞ്ഞസത്താനം തേസം തത്ഥ രൂപായതനം നിരുജ്ഝിത്ഥ, നോ ച തേസം തത്ഥ മനായതനം നിരുജ്ഝിസ്സതി. ഇതരേസം പഞ്ചവോകാരാനം തേസം തത്ഥ രൂപായതനഞ്ച നിരുജ്ഝിത്ഥ മനായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ മനായതനം നിരുജ്ഝിസ്സതി തസ്സ തത്ഥ രൂപായതനം നിരുജ്ഝിത്ഥാതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ മനായതനം നിരുജ്ഝിസ്സതി, നോ ച തേസം തത്ഥ രൂപായതനം നിരുജ്ഝിത്ഥ. ഇതരേസം പഞ്ചവോകാരാനം തേസം തത്ഥ മനായതനഞ്ച നിരുജ്ഝിസ്സതി രൂപായതനഞ്ച നിരുജ്ഝിത്ഥ.

(ക) യസ്സ യത്ഥ രൂപായതനം നിരുജ്ഝിത്ഥ തസ്സ തത്ഥ ധമ്മായതനം നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം തത്ഥ രൂപായതനം നിരുജ്ഝിത്ഥ, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം പഞ്ചവോകാരാനം അസഞ്ഞസത്താനം തേസം തത്ഥ രൂപായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം നിരുജ്ഝിസ്സതി തസ്സ തത്ഥ രൂപായതനം നിരുജ്ഝിത്ഥാതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ ധമ്മായതനം നിരുജ്ഝിസ്സതി, നോ ച തേസം തത്ഥ രൂപായതനം നിരുജ്ഝിത്ഥ. ഇതരേസം പഞ്ചവോകാരാനം അസഞ്ഞസത്താനം തേസം തത്ഥ ധമ്മായതനഞ്ച നിരുജ്ഝിസ്സതി രൂപായതനഞ്ച നിരുജ്ഝിത്ഥ. (രൂപായതനമൂലകം)

൧൯൨. (ക) യസ്സ യത്ഥ മനായതനം നിരുജ്ഝിത്ഥ തസ്സ തത്ഥ ധമ്മായതനം നിരുജ്ഝിസ്സതീതി?

പരിനിബ്ബന്താനം തേസം തത്ഥ മനായതനം നിരുജ്ഝിത്ഥ, നോ ച തേസം തത്ഥ ധമ്മായതനം നിരുജ്ഝിസ്സതി. ഇതരേസം ചതുവോകാരാനം പഞ്ചവോകാരാനം തേസം തത്ഥ മനായതനഞ്ച നിരുജ്ഝിത്ഥ ധമ്മായതനഞ്ച നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം നിരുജ്ഝിസ്സതി തസ്സ തത്ഥ മനായതനം നിരുജ്ഝിത്ഥാതി?

സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ ധമ്മായതനം നിരുജ്ഝിസ്സതി, നോ ച തേസം തത്ഥ മനായതനം നിരുജ്ഝിത്ഥ. ഇതരേസം ചതുവോകാരാനം പഞ്ചവോകാരാനം തേസം തത്ഥ ധമ്മായതനഞ്ച നിരുജ്ഝിസ്സതി മനായതനഞ്ച നിരുജ്ഝിത്ഥ.

(ഘ) പച്ചനീകപുഗ്ഗലോ

൧൯൩. (ക) യസ്സ ചക്ഖായതനം ന നിരുജ്ഝിത്ഥ തസ്സ സോതായതനം ന നിരുജ്ഝിസ്സതീതി? നത്ഥി.

(ഖ) യസ്സ വാ പന സോതായതനം ന നിരുജ്ഝിസ്സതി തസ്സ ചക്ഖായതനം ന നിരുജ്ഝിത്ഥാതി? നിരുജ്ഝിത്ഥ.

യസ്സ ചക്ഖായതനം…പേ… ഘാനായതനം… രൂപായതനം… മനായതനം ന നിരുജ്ഝിത്ഥ തസ്സ ധമ്മായതനം ന നിരുജ്ഝിസ്സതീതി? നത്ഥി.

യസ്സ വാ പന ധമ്മായതനം ന നിരുജ്ഝിസ്സതി തസ്സ മനായതനം ന നിരുജ്ഝിത്ഥാതി? നിരുജ്ഝിത്ഥ.

(ങ) പച്ചനീകഓകാസോ

൧൯൪. യസ്സ ചക്ഖായതനം ന നിരുജ്ഝിത്ഥ…പേ….

(ച) പച്ചനീകപുഗ്ഗലോകാസാ

൧൯൫. (ക) യസ്സ യത്ഥ ചക്ഖായതനം ന നിരുജ്ഝിത്ഥ തസ്സ തത്ഥ സോതായതനം ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം തേസം തത്ഥ ചക്ഖായതനം ന നിരുജ്ഝിത്ഥ, നോ ച തേസം തത്ഥ സോതായതനം ന നിരുജ്ഝിസ്സതി. സുദ്ധാവാസേ പരിനിബ്ബന്താനം അസഞ്ഞസത്താനം അരൂപാനം തേസം തത്ഥ ചക്ഖായതനഞ്ച ന നിരുജ്ഝിത്ഥ സോതായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ സോതായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിത്ഥാതി?

പഞ്ചവോകാരേ പരിനിബ്ബന്താനം തേസം തത്ഥ സോതായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝിത്ഥ. സുദ്ധാവാസേ പരിനിബ്ബന്താനം അസഞ്ഞസത്താനം അരൂപാനം തേസം തത്ഥ സോതായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝിത്ഥ.

(ക) യസ്സ യത്ഥ ചക്ഖായതനം ന നിരുജ്ഝിത്ഥ തസ്സ തത്ഥ ഘാനായതനം ന നിരുജ്ഝിസ്സതീതി? ആമന്താ.

(ഖ) യസ്സ വാ പന യത്ഥ ഘാനായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിത്ഥാതി?

കാമാവചരേ പരിനിബ്ബന്താനം രൂപാവചരാനം തേസം തത്ഥ ഘാനായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝിത്ഥ. സുദ്ധാവാസാനം അസഞ്ഞസത്താനം അരൂപാനം തേസം തത്ഥ ഘാനായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝിത്ഥ.

(ക) യസ്സ യത്ഥ ചക്ഖായതനം ന നിരുജ്ഝിത്ഥ തസ്സ തത്ഥ രൂപായതനം ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ ചക്ഖായതനം ന നിരുജ്ഝിത്ഥ, നോ ച തേസം തത്ഥ രൂപായതനം ന നിരുജ്ഝിസ്സതി. സുദ്ധാവാസേ പരിനിബ്ബന്താനം അരൂപാനം തേസം തത്ഥ ചക്ഖായതനഞ്ച ന നിരുജ്ഝിത്ഥ രൂപായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിത്ഥാതി?

പഞ്ചവോകാരേ പരിനിബ്ബന്താനം തേസം തത്ഥ രൂപായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝിത്ഥ. സുദ്ധാവാസേ പരിനിബ്ബന്താനം അരൂപാനം തേസം തത്ഥ രൂപായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝിത്ഥ.

(ക) യസ്സ യത്ഥ ചക്ഖായതനം ന നിരുജ്ഝിത്ഥ തസ്സ തത്ഥ മനായതനം ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ ചക്ഖായതനം ന നിരുജ്ഝിത്ഥ, നോ ച തേസം തത്ഥ മനായതനം ന നിരുജ്ഝിസ്സതി. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം അസഞ്ഞസത്താനം തേസം തത്ഥ ചക്ഖായതനഞ്ച ന നിരുജ്ഝിത്ഥ മനായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിത്ഥാതി?

പഞ്ചവോകാരേ പരിനിബ്ബന്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝിത്ഥ. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം അസഞ്ഞസത്താനം തേസം തത്ഥ മനായതനഞ്ച ന നിരുജ്ഝിസ്സതി, ചക്ഖായതനഞ്ച ന നിരുജ്ഝിത്ഥ.

(ക) യസ്സ യത്ഥ ചക്ഖായതനം ന നിരുജ്ഝിത്ഥ തസ്സ തത്ഥ ധമ്മായതനം ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അസഞ്ഞസത്താനം അരൂപാനം തേസം തത്ഥ ചക്ഖായതനം ന നിരുജ്ഝിത്ഥ, നോ ച തേസം തത്ഥ ധമ്മായതനം ന നിരുജ്ഝിസ്സതി. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ ചക്ഖായതനഞ്ച ന നിരുജ്ഝിത്ഥ ധമ്മായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ ചക്ഖായതനം ന നിരുജ്ഝിത്ഥാതി?

പഞ്ചവോകാരേ പരിനിബ്ബന്താനം തേസം തത്ഥ ധമ്മായതനം ന നിരുജ്ഝിസ്സതി, നോ ച തേസം തത്ഥ ചക്ഖായതനം ന നിരുജ്ഝിത്ഥ. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ ധമ്മായതനഞ്ച ന നിരുജ്ഝിസ്സതി ചക്ഖായതനഞ്ച ന നിരുജ്ഝിത്ഥ. (ചക്ഖായതനമൂലകം)

൧൯൬. (ക) യസ്സ യത്ഥ ഘാനായതനം ന നിരുജ്ഝിത്ഥ തസ്സ തത്ഥ രൂപായതനം ന നിരുജ്ഝിസ്സതീതി?

രൂപാവചരാനം തേസം തത്ഥ ഘാനായതനം ന നിരുജ്ഝിത്ഥ, നോ ച തേസം തത്ഥ രൂപായതനം ന നിരുജ്ഝിസ്സതി. രൂപാവചരേ പരിനിബ്ബന്താനം അരൂപാനം തേസം തത്ഥ ഘാനായതനഞ്ച ന നിരുജ്ഝിത്ഥ രൂപായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ രൂപായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝിത്ഥാതി?

കാമാവചരേ പരിനിബ്ബന്താനം തേസം തത്ഥ രൂപായതനം ന നിരുജ്ഝിസ്സതി, നോ ച തേസം തത്ഥ ഘാനായതനം ന നിരുജ്ഝിത്ഥ. രൂപാവചരേ പരിനിബ്ബന്താനം അരൂപാനം തേസം തത്ഥ രൂപായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝിത്ഥ.

(ക) യസ്സ യത്ഥ ഘാനായതനം ന നിരുജ്ഝിത്ഥ തസ്സ തത്ഥ മനായതനം ന നിരുജ്ഝിസ്സതീതി?

രൂപാവചരാനം അരൂപാവചരാനം തേസം തത്ഥ ഘാനായതനം ന നിരുജ്ഝിത്ഥ, നോ ച തേസം തത്ഥ മനായതനം ന നിരുജ്ഝിസ്സതി. രൂപാവചരേ അരൂപാവചരേ പരിനിബ്ബന്താനം അസഞ്ഞസത്താനം തേസം തത്ഥ ഘാനായതനഞ്ച ന നിരുജ്ഝിത്ഥ മനായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝിത്ഥാതി?

കാമാവചരേ പരിനിബ്ബന്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ ഘാനായതനം ന നിരുജ്ഝിത്ഥ. രൂപാവചരേ അരൂപാവചരേ പരിനിബ്ബന്താനം അസഞ്ഞസത്താനം തേസം തത്ഥ മനായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝിത്ഥ.

(ക) യസ്സ യത്ഥ ഘാനായതനം ന നിരുജ്ഝിത്ഥ തസ്സ തത്ഥ ധമ്മായതനം ന നിരുജ്ഝിസ്സതീതി?

രൂപാവചരാനം അരൂപാവചരാനം തേസം തത്ഥ ഘാനായതനം ന നിരുജ്ഝിത്ഥ, നോ ച തേസം തത്ഥ ധമ്മായതനം ന നിരുജ്ഝിസ്സതി. രൂപാവചരേ അരൂപാവചരേ പരിനിബ്ബന്താനം തേസം തത്ഥ ഘാനായതനഞ്ച ന നിരുജ്ഝിത്ഥ ധമ്മായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ ഘാനായതനം ന നിരുജ്ഝിത്ഥാതി?

കാമാവചരേ പരിനിബ്ബന്താനം തേസം തത്ഥ ധമ്മായതനം ന നിരുജ്ഝിസ്സതി, നോ ച തേസം തത്ഥ ഘാനായതനം ന നിരുജ്ഝിത്ഥ. രൂപാവചരേ അരൂപാവചരേ പരിനിബ്ബന്താനം തേസം തത്ഥ ധമ്മായതനഞ്ച ന നിരുജ്ഝിസ്സതി ഘാനായതനഞ്ച ന നിരുജ്ഝിത്ഥ. (ഘാനായതനമൂലകം)

൧൯൭. (ക) യസ്സ യത്ഥ രൂപായതനം ന നിരുജ്ഝിത്ഥ തസ്സ തത്ഥ മനായതനം ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ രൂപായതനം ന നിരുജ്ഝിത്ഥ, നോ ച തേസം തത്ഥ മനായതനം ന നിരുജ്ഝിസ്സതി. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ രൂപായതനഞ്ച ന നിരുജ്ഝിത്ഥ മനായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ മനായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝിത്ഥാതി?

പഞ്ചവോകാരേ പരിനിബ്ബന്താനം അസഞ്ഞസത്താനം തേസം തത്ഥ മനായതനം ന നിരുജ്ഝിസ്സതി, നോ ച തേസം തത്ഥ രൂപായതനം ന നിരുജ്ഝിത്ഥ. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ മനായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝിത്ഥ.

(ക) യസ്സ യത്ഥ രൂപായതനം ന നിരുജ്ഝിത്ഥ തസ്സ തത്ഥ ധമ്മായതനം ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ രൂപായതനം ന നിരുജ്ഝിത്ഥ, നോ ച തേസം തത്ഥ ധമ്മായതനം ന നിരുജ്ഝിസ്സതി. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ രൂപായതനഞ്ച ന നിരുജ്ഝിത്ഥ ധമ്മായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ രൂപായതനം ന നിരുജ്ഝിത്ഥാതി?

പഞ്ചവോകാരേ പരിനിബ്ബന്താനം തേസം തത്ഥ ധമ്മായതനം ന നിരുജ്ഝിസ്സതി, നോ ച തേസം തത്ഥ രൂപായതനം ന നിരുജ്ഝിത്ഥ. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ ധമ്മായതനഞ്ച ന നിരുജ്ഝിസ്സതി രൂപായതനഞ്ച ന നിരുജ്ഝിത്ഥ. (രൂപായതനമൂലകം)

൧൯൮. (ക) യസ്സ യത്ഥ മനായതനം ന നിരുജ്ഝിത്ഥ തസ്സ തത്ഥ ധമ്മായതനം ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അസഞ്ഞസത്താനം തേസം തത്ഥ മനായതനം ന നിരുജ്ഝിത്ഥ, നോ ച തേസം തത്ഥ ധമ്മായതനം ന നിരുജ്ഝിസ്സതി. സുദ്ധാവാസേ പരിനിബ്ബന്താനം തേസം തത്ഥ മനായതനഞ്ച ന നിരുജ്ഝിത്ഥ ധമ്മായതനഞ്ച ന നിരുജ്ഝിസ്സതി.

(ഖ) യസ്സ വാ പന യത്ഥ ധമ്മായതനം ന നിരുജ്ഝിസ്സതി തസ്സ തത്ഥ മനായതനം ന നിരുജ്ഝിത്ഥാതി?

പരിനിബ്ബന്താനം തേസം തത്ഥ ധമ്മായതനം ന നിരുജ്ഝിസ്സതി, നോ ച തേസം തത്ഥ മനായതനം ന നിരുജ്ഝിത്ഥ. സുദ്ധാവാസേ പരിനിബ്ബന്താനം തേസം തത്ഥ ധമ്മായതനഞ്ച ന നിരുജ്ഝിസ്സതി മനായതനഞ്ച ന നിരുജ്ഝിത്ഥ.

നിരോധവാരോ.