(൧) പച്ചുപ്പന്നവാരോ

(ക) അനുലോമപുഗ്ഗലോ

൧൫൩. (ക) യസ്സ രൂപക്ഖന്ധോ ഉപ്പജ്ജതി തസ്സ വേദനാക്ഖന്ധോ നിരുജ്ഝതീതി? നോ.

(ഖ) യസ്സ വാ പന വേദനാക്ഖന്ധോ നിരുജ്ഝതി തസ്സ രൂപക്ഖന്ധോ ഉപ്പജ്ജതീതി? നോ.

൧൫൪. (ക) യസ്സ വേദനാക്ഖന്ധോ ഉപ്പജ്ജതി തസ്സ സഞ്ഞാക്ഖന്ധോ നിരുജ്ഝതീതി? നോ.

(ഖ) യസ്സ വാ പന സഞ്ഞാക്ഖന്ധോ നിരുജ്ഝതി തസ്സ വേദനാക്ഖന്ധോ ഉപ്പജ്ജതീതി? നോ.

(ഖ) അനുലോമഓകാസോ

൧൫൫. (ക) യത്ഥ രൂപക്ഖന്ധോ ഉപ്പജ്ജതി തത്ഥ വേദനാക്ഖന്ധോ നിരുജ്ഝതീതി?

അസഞ്ഞസത്തേ തത്ഥ രൂപക്ഖന്ധോ ഉപ്പജ്ജതി, നോ ച തത്ഥ വേദനാക്ഖന്ധോ നിരുജ്ഝതി. പഞ്ചവോകാരേ തത്ഥ രൂപക്ഖന്ധോ ച ഉപ്പജ്ജതി വേദനാക്ഖന്ധോ ച നിരുജ്ഝതി.

(ഖ) യത്ഥ വാ പന വേദനാക്ഖന്ധോ നിരുജ്ഝതി തത്ഥ രൂപക്ഖന്ധോ ഉപ്പജ്ജതീതി?

അരൂപേ തത്ഥ വേദനാക്ഖന്ധോ നിരുജ്ഝതി, നോ ച തത്ഥ രൂപക്ഖന്ധോ ഉപ്പജ്ജതി. പഞ്ചവോകാരേ തത്ഥ വേദനാക്ഖന്ധോ ച നിരുജ്ഝതി രൂപക്ഖന്ധോ ച ഉപ്പജ്ജതി.

൧൫൬. (ക) യത്ഥ വേദനാക്ഖന്ധോ ഉപ്പജ്ജതി തത്ഥ സഞ്ഞാക്ഖന്ധോ നിരുജ്ഝതീതി? ആമന്താ.

(ഖ) യത്ഥ വാ പന സഞ്ഞാക്ഖന്ധോ നിരുജ്ഝതി തത്ഥ വേദനാക്ഖന്ധോ ഉപ്പജ്ജതീതി? ആമന്താ.

(ഗ) അനുലോമപുഗ്ഗലോകാസാ

൧൫൭. (ക) യസ്സ യത്ഥ രൂപക്ഖന്ധോ ഉപ്പജ്ജതി തസ്സ തത്ഥ വേദനാക്ഖന്ധോ നിരുജ്ഝതീതി? നോ.

(ഖ) യസ്സ വാ പന യത്ഥ വേദനാക്ഖന്ധോ നിരുജ്ഝതി തസ്സ തത്ഥ രൂപക്ഖന്ധോ ഉപ്പജ്ജതീതി? നോ.

൧൫൮. (ക) യസ്സ യത്ഥ വേദനാക്ഖന്ധോ ഉപ്പജ്ജതി തസ്സ തത്ഥ സഞ്ഞാക്ഖന്ധോ നിരുജ്ഝതീതി? നോ.

(ഖ) യസ്സ വാ പന യത്ഥ സഞ്ഞാക്ഖന്ധോ നിരുജ്ഝതി തസ്സ തത്ഥ വേദനാക്ഖന്ധോ ഉപ്പജ്ജതീതി? നോ.

(ഘ) പച്ചനീകപുഗ്ഗലോ

൧൫൯. (ക) യസ്സ രൂപക്ഖന്ധോ നുപ്പജ്ജതി തസ്സ വേദനാക്ഖന്ധോ ന നിരുജ്ഝതീതി?

ചതുവോകാരാ പഞ്ചവോകാരാ ചവന്താനം തേസം രൂപക്ഖന്ധോ നുപ്പജ്ജതി, നോ ച തേസം വേദനാക്ഖന്ധോ ന നിരുജ്ഝതി. അരൂപം ഉപപജ്ജന്താനം അസഞ്ഞസത്താ ചവന്താനം തേസം രൂപക്ഖന്ധോ ച നുപ്പജ്ജതി വേദനാക്ഖന്ധോ ച ന നിരുജ്ഝതി.

(ഖ) യസ്സ വാ പന വേദനാക്ഖന്ധോ ന നിരുജ്ഝതി തസ്സ രൂപക്ഖന്ധോ നുപ്പജ്ജതീതി?

പഞ്ചവോകാരം ഉപപജ്ജന്താനം അസഞ്ഞസത്തം ഉപപജ്ജന്താനം തേസം വേദനാക്ഖന്ധോ ന നിരുജ്ഝതി, നോ ച തേസം രൂപക്ഖന്ധോ നുപ്പജ്ജതി. അരൂപം ഉപപജ്ജന്താനം അസഞ്ഞസത്താ ചവന്താനം തേസം വേദനാക്ഖന്ധോ ച ന നിരുജ്ഝതി രൂപക്ഖന്ധോ ച നുപ്പജ്ജതി.

൧൬൦. (ക) യസ്സ വേദനാക്ഖന്ധോ നുപ്പജ്ജതി തസ്സ സഞ്ഞാക്ഖന്ധോ ന നിരുജ്ഝതീതി?

ചതുവോകാരാ പഞ്ചവോകാരാ ചവന്താനം തേസം വേദനാക്ഖന്ധോ നുപ്പജ്ജതി, നോ ച തേസം സഞ്ഞാക്ഖന്ധോ ന നിരുജ്ഝതി. അസഞ്ഞസത്താനം തേസം വേദനാക്ഖന്ധോ ച നുപ്പജ്ജതി സഞ്ഞാക്ഖന്ധോ ച ന നിരുജ്ഝതി.

(ഖ) യസ്സ വാ പന സഞ്ഞാക്ഖന്ധോ ന നിരുജ്ഝതി തസ്സ വേദനാക്ഖന്ധോ നുപ്പജ്ജതീതി?

ചതുവോകാരം പഞ്ചവോകാരം ഉപപജ്ജന്താനം തേസം സഞ്ഞാക്ഖന്ധോ ന നിരുജ്ഝതി, നോ ച തേസം വേദനാക്ഖന്ധോ നുപ്പജ്ജതി. അസഞ്ഞസത്താനം തേസം സഞ്ഞാക്ഖന്ധോ ച ന നിരുജ്ഝതി വേദനാക്ഖന്ധോ ച നുപ്പജ്ജതി.

(ങ) പച്ചനീകഓകാസോ

൧൬൧. (ക) യത്ഥ രൂപക്ഖന്ധോ നുപ്പജ്ജതി തത്ഥ വേദനാക്ഖന്ധോ ന നിരുജ്ഝതീതി? നിരുജ്ഝതി.

(ഖ) യത്ഥ വാ പന വേദനാക്ഖന്ധോ ന നിരുജ്ഝതി തത്ഥ രൂപക്ഖന്ധോ നുപ്പജ്ജതീതി? ഉപ്പജ്ജതി.

൧൬൨. (ക) യത്ഥ വേദനാക്ഖന്ധോ നുപ്പജ്ജതി തത്ഥ സഞ്ഞാക്ഖന്ധോ ന നിരുജ്ഝതീതി? ആമന്താ.

(ഖ) യത്ഥ വാ പന സഞ്ഞാക്ഖന്ധോ ന നിരുജ്ഝതി തത്ഥ വേദനാക്ഖന്ധോ നുപ്പജ്ജതീതി? ആമന്താ.

(ച) പച്ചനീകപുഗ്ഗലോകാസാ

൧൬൩. (ക) യസ്സ യത്ഥ രൂപക്ഖന്ധോ നുപ്പജ്ജതി തസ്സ തത്ഥ വേദനാക്ഖന്ധോ ന നിരുജ്ഝതീതി?

ചതുവോകാരാ പഞ്ചവോകാരാ ചവന്താനം തേസം തത്ഥ രൂപക്ഖന്ധോ നുപ്പജ്ജതി, നോ ച തേസം തത്ഥ വേദനാക്ഖന്ധോ ന നിരുജ്ഝതി. അരൂപം ഉപപജ്ജന്താനം അസഞ്ഞസത്താ ചവന്താനം തേസം തത്ഥ രൂപക്ഖന്ധോ നുപ്പജ്ജതി വേദനാക്ഖന്ധോ ച ന നിരുജ്ഝതി.

(ഖ) യസ്സ വാ പന യത്ഥ വേദനാക്ഖന്ധോ ന നിരുജ്ഝതി തസ്സ തത്ഥ രൂപക്ഖന്ധോ നുപ്പജ്ജതീതി?

പഞ്ചവോകാരം ഉപപജ്ജന്താനം അസഞ്ഞസത്തം ഉപപജ്ജന്താനം തേസം തത്ഥ വേദനാക്ഖന്ധോ ന നിരുജ്ഝതി, നോ ച തേസം തത്ഥ രൂപക്ഖന്ധോ നുപ്പജ്ജതി. അരൂപം ഉപപജ്ജന്താനം അസഞ്ഞസത്താ ചവന്താനം തേസം തത്ഥ വേദനാക്ഖന്ധോ ച ന നിരുജ്ഝതി രൂപക്ഖന്ധോ ച നുപ്പജ്ജതി.

൧൬൪. (ക) യസ്സ യത്ഥ വേദനാക്ഖന്ധോ നുപ്പജ്ജതി തസ്സ തത്ഥ സഞ്ഞാക്ഖന്ധോ ന നിരുജ്ഝതീതി?

ചതുവോകാരാ പഞ്ചവോകാരാ ചവന്താനം തേസം തത്ഥ വേദനാക്ഖന്ധോ നുപ്പജ്ജതി, നോ ച തേസം തത്ഥ സഞ്ഞാക്ഖന്ധോ ന നിരുജ്ഝതി. അസഞ്ഞസത്താനം തേസം തത്ഥ വേദനാക്ഖന്ധോ ച നുപ്പജ്ജതി സഞ്ഞാക്ഖന്ധോ ച ന നിരുജ്ഝതി.

(ഖ) യസ്സ വാ പന യത്ഥ സഞ്ഞാക്ഖന്ധോ ന നിരുജ്ഝതി തസ്സ തത്ഥ വേദനാക്ഖന്ധോ നുപ്പജ്ജതീതി?

ചതുവോകാരം പഞ്ചവോകാരം ഉപപജ്ജന്താനം തേസം തത്ഥ സഞ്ഞാക്ഖന്ധോ ന നിരുജ്ഝതി, നോ ച തേസം തത്ഥ വേദനാക്ഖന്ധോ നുപ്പജ്ജതി. അസഞ്ഞസത്താനം തേസം തത്ഥ സഞ്ഞാക്ഖന്ധോ ച ന നിരുജ്ഝതി വേദനാക്ഖന്ധോ ച നുപ്പജ്ജതി.