(൫) പച്ചുപ്പന്നാനാഗതവാരോ

(ക) അനുലോമപുഗ്ഗലോ

൧൩൩. (ക) യസ്സ രൂപക്ഖന്ധോ നിരുജ്ഝതി തസ്സ വേദനാക്ഖന്ധോ നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം തേസം രൂപക്ഖന്ധോ നിരുജ്ഝതി, നോ ച തേസം വേദനാക്ഖന്ധോ നിരുജ്ഝിസ്സതി. ഇതരേസം പഞ്ചവോകാരാ ചവന്താനം അസഞ്ഞസത്താ ചവന്താനം തേസം രൂപക്ഖന്ധോ ച നിരുജ്ഝതി വേദനാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന വേദനാക്ഖന്ധോ നിരുജ്ഝിസ്സതി തസ്സ രൂപക്ഖന്ധോ നിരുജ്ഝതീതി?

സബ്ബേസം ഉപപജ്ജന്താനം അരൂപാ ചവന്താനം തേസം വേദനാക്ഖന്ധോ നിരുജ്ഝിസ്സതി, നോ ച തേസം രൂപക്ഖന്ധോ നിരുജ്ഝതി. പഞ്ചവോകാരാ ചവന്താനം അസഞ്ഞസത്താ ചവന്താനം തേസം വേദനാക്ഖന്ധോ ച നിരുജ്ഝിസ്സതി രൂപക്ഖന്ധോ ച നിരുജ്ഝതി.

൧൩൪. (ക) യസ്സ വേദനാക്ഖന്ധോ നിരുജ്ഝതി തസ്സ സഞ്ഞാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം വേദനാക്ഖന്ധോ നിരുജ്ഝതി, നോ ച തേസം സഞ്ഞാക്ഖന്ധോ നിരുജ്ഝിസ്സതി. ഇതരേസം ചതുവോകാരാ പഞ്ചവോകാരാ ചവന്താനം തേസം വേദനാക്ഖന്ധോ ച നിരുജ്ഝതി സഞ്ഞാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന സഞ്ഞാക്ഖന്ധോ നിരുജ്ഝിസ്സതി തസ്സ വേദനാക്ഖന്ധോ നിരുജ്ഝതീതി?

സബ്ബേസം ഉപപജ്ജന്താനം അസഞ്ഞസത്താ ചവന്താനം തേസം സഞ്ഞാക്ഖന്ധോ നിരുജ്ഝിസ്സതി, നോ ച തേസം വേദനാക്ഖന്ധോ നിരുജ്ഝതി. ചതുവോകാരാ പഞ്ചവോകാരാ ചവന്താനം തേസം സഞ്ഞാക്ഖന്ധോ ച നിരുജ്ഝിസ്സതി വേദനാക്ഖന്ധോ നിരുജ്ഝതി.

(ഖ) അനുലോമഓകാസോ

൧൩൫. യത്ഥ രൂപക്ഖന്ധോ നിരുജ്ഝതി…പേ….

(ഗ) അനുലോമപുഗ്ഗലോകാസാ

൧൩൬. (ക) യസ്സ യത്ഥ രൂപക്ഖന്ധോ നിരുജ്ഝതി തസ്സ തത്ഥ വേദനാക്ഖന്ധോ നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ രൂപക്ഖന്ധോ നിരുജ്ഝതി, നോ ച തേസം തത്ഥ വേദനാക്ഖന്ധോ നിരുജ്ഝിസ്സതി. ഇതരേസം പഞ്ചവോകാരാ ചവന്താനം തേസം തത്ഥ രൂപക്ഖന്ധോ ച നിരുജ്ഝതി വേദനാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ നിരുജ്ഝിസ്സതി തസ്സ തത്ഥ രൂപക്ഖന്ധോ നിരുജ്ഝതീതി?

പഞ്ചവോകാരം ഉപപജ്ജന്താനം അരൂപാനം തേസം തത്ഥ വേദനാക്ഖന്ധോ നിരുജ്ഝിസ്സതി, നോ ച തേസം തത്ഥ രൂപക്ഖന്ധോ നിരുജ്ഝതി. പഞ്ചവോകാരാ ചവന്താനം തേസം തത്ഥ വേദനാക്ഖന്ധോ ച നിരുജ്ഝിസ്സതി രൂപക്ഖന്ധോ ച നിരുജ്ഝതി.

൧൩൭. (ക) യസ്സ യത്ഥ വേദനാക്ഖന്ധോ നിരുജ്ഝതി തസ്സ തത്ഥ സഞ്ഞാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം തത്ഥ വേദനാക്ഖന്ധോ നിരുജ്ഝതി, നോ ച തേസം തത്ഥ സഞ്ഞാക്ഖന്ധോ നിരുജ്ഝിസ്സതി. ഇതരേസം ചതുവോകാരാ പഞ്ചവോകാരാ ചവന്താനം തേസം തത്ഥ വേദനാക്ഖന്ധോ ച നിരുജ്ഝതി സഞ്ഞാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന യത്ഥ സഞ്ഞാക്ഖന്ധോ നിരുജ്ഝിസ്സതി തസ്സ തത്ഥ വേദനാക്ഖന്ധോ നിരുജ്ഝതീതി?

ചതുവോകാരം പഞ്ചവോകാരം ഉപപജ്ജന്താനം തേസം തത്ഥ സഞ്ഞാക്ഖന്ധോ നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ നിരുജ്ഝതി. ചതുവോകാരാ പഞ്ചവോകാരാ ചവന്താനം തേസം തത്ഥ സഞ്ഞാക്ഖന്ധോ ച നിരുജ്ഝിസ്സതി വേദനാക്ഖന്ധോ ച നിരുജ്ഝതി.

(ഘ) പച്ചനീകപുഗ്ഗലോ

൧൩൮. (ക) യസ്സ രൂപക്ഖന്ധോ ന നിരുജ്ഝതി തസ്സ വേദനാക്ഖന്ധോ ന നിരുജ്ഝിസ്സതീതി?

സബ്ബേസം ഉപപജ്ജന്താനം അരൂപാ ചവന്താനം തേസം രൂപക്ഖന്ധോ ന നിരുജ്ഝതി, നോ ച തേസം വേദനാക്ഖന്ധോ ന നിരുജ്ഝിസ്സതി. അരൂപേ പരിനിബ്ബന്താനം തേസം രൂപക്ഖന്ധോ ച ന നിരുജ്ഝതി വേദനാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന വേദനാക്ഖന്ധോ ന നിരുജ്ഝിസ്സതി തസ്സ രൂപക്ഖന്ധോ ന നിരുജ്ഝതീതി?

പഞ്ചവോകാരേ പരിനിബ്ബന്താനം തേസം വേദനാക്ഖന്ധോ ന നിരുജ്ഝിസ്സതി, നോ ച തേസം രൂപക്ഖന്ധോ ന നിരുജ്ഝതി. അരൂപേ പരിനിബ്ബന്താനം തേസം വേദനാക്ഖന്ധോ ച ന നിരുജ്ഝിസ്സതി രൂപക്ഖന്ധോ ച ന നിരുജ്ഝതി.

൧൩൯. (ക) യസ്സ വേദനാക്ഖന്ധോ ന നിരുജ്ഝതി തസ്സ സഞ്ഞാക്ഖന്ധോ ന നിരുജ്ഝിസ്സതീതി? നിരുജ്ഝിസ്സതി.

(ഖ) യസ്സ വാ പന സഞ്ഞാക്ഖന്ധോ ന നിരുജ്ഝിസ്സതി തസ്സ വേദനാക്ഖന്ധോ ന നിരുജ്ഝതീതി? നിരുജ്ഝതി.

(ങ) പച്ചനീകഓകാസോ

൧൪൦. യത്ഥ രൂപക്ഖന്ധോ ന നിരുജ്ഝതി…പേ….

(ച) പച്ചനീകപുഗ്ഗലോകാസാ

൧൪൧. (ക) യസ്സ യത്ഥ രൂപക്ഖന്ധോ ന നിരുജ്ഝതി തസ്സ തത്ഥ വേദനാക്ഖന്ധോ ന നിരുജ്ഝിസ്സതീതി?

പഞ്ചവോകാരം ഉപപജ്ജന്താനം അരൂപാനം തേസം തത്ഥ രൂപക്ഖന്ധോ ന നിരുജ്ഝതി, നോ ച തേസം തത്ഥ വേദനാക്ഖന്ധോ ന നിരുജ്ഝിസ്സതി. അരൂപേ പരിനിബ്ബന്താനം അസഞ്ഞസത്തം ഉപപജ്ജന്താനം തേസം തത്ഥ രൂപക്ഖന്ധോ ച ന നിരുജ്ഝതി വേദനാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ ന നിരുജ്ഝിസ്സതി തസ്സ തത്ഥ രൂപക്ഖന്ധോ ന നിരുജ്ഝതീതി?

പഞ്ചവോകാരേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ വേദനാക്ഖന്ധോ ന നിരുജ്ഝിസ്സതി, നോ ച തേസം തത്ഥ രൂപക്ഖന്ധോ ന നിരുജ്ഝതി. അരൂപേ പരിനിബ്ബന്താനം അസഞ്ഞസത്തം ഉപപജ്ജന്താനം തേസം തത്ഥ വേദനാക്ഖന്ധോ ച ന നിരുജ്ഝിസ്സതി രൂപക്ഖന്ധോ ച ന നിരുജ്ഝതി.

൧൪൨. (ക) യസ്സ യത്ഥ വേദനാക്ഖന്ധോ ന നിരുജ്ഝതി തസ്സ തത്ഥ സഞ്ഞാക്ഖന്ധോ ന നിരുജ്ഝിസ്സതീതി?

ചതുവോകാരം പഞ്ചവോകാരം ഉപപജ്ജന്താനം തേസം തത്ഥ വേദനാക്ഖന്ധോ ന നിരുജ്ഝതി, നോ ച തേസം തത്ഥ സഞ്ഞാക്ഖന്ധോ ന നിരുജ്ഝിസ്സതി. അസഞ്ഞസത്താനം തേസം തത്ഥ വേദനാക്ഖന്ധോ ച ന നിരുജ്ഝതി സഞ്ഞാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന യത്ഥ സഞ്ഞാക്ഖന്ധോ ന നിരുജ്ഝിസ്സതി തസ്സ തത്ഥ വേദനാക്ഖന്ധോ ന നിരുജ്ഝതീതി?

പരിനിബ്ബന്താനം തേസം തത്ഥ സഞ്ഞാക്ഖന്ധോ ന നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ ന നിരുജ്ഝതി. അസഞ്ഞസത്താനം തേസം തത്ഥ സഞ്ഞാക്ഖന്ധോ ച ന നിരുജ്ഝിസ്സതി വേദനാക്ഖന്ധോ ച ന നിരുജ്ഝതി.