(൬) അതീതാനാഗതവാരോ

(ക) അനുലോമപുഗ്ഗലോ

൧൪൩. (ക) യസ്സ രൂപക്ഖന്ധോ നിരുജ്ഝിത്ഥ തസ്സ വേദനാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം രൂപക്ഖന്ധോ നിരുജ്ഝിത്ഥ, നോ ച തേസം വേദനാക്ഖന്ധോ നിരുജ്ഝിസ്സതി. ഇതരേസം തേസം രൂപക്ഖന്ധോ ച നിരുജ്ഝിത്ഥ വേദനാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന വേദനാക്ഖന്ധോ നിരുജ്ഝിസ്സതി തസ്സ രൂപക്ഖന്ധോ നിരുജ്ഝിത്ഥാതി? ആമന്താ.

൧൪൪. (ക) യസ്സ വേദനാക്ഖന്ധോ നിരുജ്ഝിത്ഥ തസ്സ സഞ്ഞാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം വേദനാക്ഖന്ധോ നിരുജ്ഝിത്ഥ, നോ ച തേസം സഞ്ഞാക്ഖന്ധോ നിരുജ്ഝിസ്സതി. ഇതരേസം തേസം വേദനാക്ഖന്ധോ ച നിരുജ്ഝിത്ഥ സഞ്ഞാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന സഞ്ഞാക്ഖന്ധോ നിരുജ്ഝിസ്സതി തസ്സ വേദനാക്ഖന്ധോ നിരുജ്ഝിത്ഥാതി? ആമന്താ.

(ഖ) അനുലോമഓകാസോ

൧൪൫. യത്ഥ രൂപക്ഖന്ധോ നിരുജ്ഝിത്ഥ…പേ….

(ഗ) അനുലോമപുഗ്ഗലോകാസാ

൧൪൬. (ക) യസ്സ യത്ഥ രൂപക്ഖന്ധോ നിരുജ്ഝിത്ഥ തസ്സ തത്ഥ വേദനാക്ഖന്ധോ നിരുജ്ഝിസ്സതീതി?

പഞ്ചവോകാരേ പരിനിബ്ബന്താനം അസഞ്ഞസത്താനം തേസം തത്ഥ രൂപക്ഖന്ധോ നിരുജ്ഝിത്ഥ, നോ ച തേസം തത്ഥ വേദനാക്ഖന്ധോ നിരുജ്ഝിസ്സതി. ഇതരേസം പഞ്ചവോകാരാനം തേസം തത്ഥ രൂപക്ഖന്ധോ ച നിരുജ്ഝിത്ഥ വേദനാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ നിരുജ്ഝിസ്സതി തസ്സ തത്ഥ രൂപക്ഖന്ധോ നിരുജ്ഝിത്ഥാതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ വേദനാക്ഖന്ധോ നിരുജ്ഝിസ്സതി, നോ ച തേസം തത്ഥ രൂപക്ഖന്ധോ നിരുജ്ഝിത്ഥ. ഇതരേസം പഞ്ചവോകാരാനം തേസം തത്ഥ വേദനാക്ഖന്ധോ ച നിരുജ്ഝിസ്സതി രൂപക്ഖന്ധോ ച നിരുജ്ഝിത്ഥ.

൧൪൭. (ക) യസ്സ യത്ഥ വേദനാക്ഖന്ധോ നിരുജ്ഝിത്ഥ തസ്സ തത്ഥ സഞ്ഞാക്ഖന്ധോ നിരുജ്ഝിസ്സതീതി?

പരിനിബ്ബന്താനം തേസം തത്ഥ വേദനാക്ഖന്ധോ നിരുജ്ഝിത്ഥ, നോ ച തേസം തത്ഥ സഞ്ഞാക്ഖന്ധോ നിരുജ്ഝിസ്സതി. ഇതരേസം ചതുവോകാരാനം പഞ്ചവോകാരാനം തേസം തത്ഥ വേദനാക്ഖന്ധോ ച നിരുജ്ഝിത്ഥ സഞ്ഞാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന യത്ഥ സഞ്ഞാക്ഖന്ധോ നിരുജ്ഝിസ്സതി തസ്സ തത്ഥ വേദനാക്ഖന്ധോ നിരുജ്ഝിത്ഥാതി?

സുദ്ധാവാസം ഉപപജ്ജന്താനം തേസം തത്ഥ സഞ്ഞാക്ഖന്ധോ നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ നിരുജ്ഝിത്ഥ. ഇതരേസം ചതുവോകാരാനം പഞ്ചവോകാരാനം തേസം തത്ഥ സഞ്ഞാക്ഖന്ധോ ച നിരുജ്ഝിസ്സതി വേദനാക്ഖന്ധോ ച നിരുജ്ഝിത്ഥ.

(ഘ) പച്ചനീകപുഗ്ഗലോ

൧൪൮. (ക) യസ്സ രൂപക്ഖന്ധോ ന നിരുജ്ഝിത്ഥ തസ്സ വേദനാക്ഖന്ധോ ന നിരുജ്ഝിസ്സതീതി? നത്ഥി.

(ഖ) യസ്സ വാ പന വേദനാക്ഖന്ധോ ന നിരുജ്ഝിസ്സതി തസ്സ രൂപക്ഖന്ധോ ന നിരുജ്ഝിത്ഥാതി? നിരുജ്ഝിത്ഥ.

൧൪൯. (ക) യസ്സ വേദനാക്ഖന്ധോ ന നിരുജ്ഝിത്ഥ തസ്സ സഞ്ഞാക്ഖന്ധോ ന നിരുജ്ഝിസ്സതീതി? നത്ഥി.

(ഖ) യസ്സ വാ പന സഞ്ഞാക്ഖന്ധോ ന നിരുജ്ഝിസ്സതി തസ്സ വേദനാക്ഖന്ധോ ന നിരുജ്ഝിത്ഥാതി? നിരുജ്ഝിത്ഥ.

(ങ) പച്ചനീകഓകാസോ

൧൫൦. യത്ഥ രൂപക്ഖന്ധോ ന നിരുജ്ഝിത്ഥ…പേ….

(ച) പച്ചനീകപുഗ്ഗലോകാസാ

൧൫൧. (ക) യസ്സ യത്ഥ രൂപക്ഖന്ധോ ന നിരുജ്ഝിത്ഥ തസ്സ തത്ഥ വേദനാക്ഖന്ധോ ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം അരൂപാനം തേസം തത്ഥ രൂപക്ഖന്ധോ ന നിരുജ്ഝിത്ഥ, നോ ച തേസം തത്ഥ വേദനാക്ഖന്ധോ ന നിരുജ്ഝിസ്സതി. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ രൂപക്ഖന്ധോ ച ന നിരുജ്ഝിത്ഥ, വേദനാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ ന നിരുജ്ഝിസ്സതി തസ്സ തത്ഥ രൂപക്ഖന്ധോ ന നിരുജ്ഝിത്ഥാതി?

പഞ്ചവോകാരേ പരിനിബ്ബന്താനം അസഞ്ഞസത്താനം തേസം തത്ഥ വേദനാക്ഖന്ധോ ന നിരുജ്ഝിസ്സതി, നോ ച തേസം തത്ഥ രൂപക്ഖന്ധോ ന നിരുജ്ഝിത്ഥ. സുദ്ധാവാസേ പരിനിബ്ബന്താനം അരൂപേ പരിനിബ്ബന്താനം തേസം തത്ഥ വേദനാക്ഖന്ധോ ച ന നിരുജ്ഝിസ്സതി രൂപക്ഖന്ധോ ച ന നിരുജ്ഝിത്ഥ.

൧൫൨. (ക) യസ്സ യത്ഥ വേദനാക്ഖന്ധോ ന നിരുജ്ഝിത്ഥ തസ്സ തത്ഥ സഞ്ഞാക്ഖന്ധോ ന നിരുജ്ഝിസ്സതീതി?

സുദ്ധാവാസം ഉപപജ്ജന്താനം തേസം തത്ഥ വേദനാക്ഖന്ധോ ന നിരുജ്ഝിത്ഥ, നോ ച തേസം തത്ഥ സഞ്ഞാക്ഖന്ധോ ന നിരുജ്ഝിസ്സതി. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ വേദനാക്ഖന്ധോ ച ന നിരുജ്ഝിത്ഥ സഞ്ഞാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന യത്ഥ സഞ്ഞാക്ഖന്ധോ ന നിരുജ്ഝിസ്സതി തസ്സ തത്ഥ വേദനാക്ഖന്ധോ ന നിരുജ്ഝിത്ഥാതി?

പരിനിബ്ബന്താനം തേസം തത്ഥ സഞ്ഞാക്ഖന്ധോ ന നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ ന നിരുജ്ഝിത്ഥ. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ സഞ്ഞാക്ഖന്ധോ ച ന നിരുജ്ഝിസ്സതി വേദനാക്ഖന്ധോ ച ന നിരുജ്ഝിത്ഥ.

നിരോധവാരോ.