(൩) അനാഗതവാരോ

(ക) അനുലോമപുഗ്ഗലോ

൧൧൬. (ക) യസ്സ രൂപക്ഖന്ധോ നിരുജ്ഝിസ്സതി തസ്സ വേദനാക്ഖന്ധോ നിരുജ്ഝിസ്സതീതി? ആമന്താ.

(ഖ) യസ്സ വാ പന വേദനാക്ഖന്ധോ നിരുജ്ഝിസ്സതി തസ്സ രൂപക്ഖന്ധോ നിരുജ്ഝിസ്സതീതി?

പച്ഛിമഭവികാനം അരൂപം ഉപപജ്ജന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം വേദനാക്ഖന്ധോ നിരുജ്ഝിസ്സതി, നോ ച തേസം രൂപക്ഖന്ധോ നിരുജ്ഝിസ്സതി. ഇതരേസം തേസം വേദനാക്ഖന്ധോ ച നിരുജ്ഝിസ്സതി രൂപക്ഖന്ധോ ച നിരുജ്ഝിസ്സതി.

(ഖ) അനുലോമഓകാസോ

൧൧൭. (ക) യത്ഥ രൂപക്ഖന്ധോ നിരുജ്ഝിസ്സതി തത്ഥ വേദനാക്ഖന്ധോ നിരുജ്ഝിസ്സതീതി?

അസഞ്ഞസത്തേ തത്ഥ രൂപക്ഖന്ധോ നിരുജ്ഝിസ്സതി, നോ ച തത്ഥ വേദനാക്ഖന്ധോ നിരുജ്ഝിസ്സതി. പഞ്ചവോകാരേ തത്ഥ രൂപക്ഖന്ധോ ച നിരുജ്ഝിസ്സതി വേദനാക്ഖന്ധോ ച നിരുജ്ഝിസ്സതി.

(ഖ) യത്ഥ വാ പന വേദനാക്ഖന്ധോ നിരുജ്ഝിസ്സതി തത്ഥ രൂപക്ഖന്ധോ നിരുജ്ഝിസ്സതീതി?

അരൂപേ തത്ഥ വേദനാക്ഖന്ധോ നിരുജ്ഝിസ്സതി, നോ ച തത്ഥ രൂപക്ഖന്ധോ നിരുജ്ഝിസ്സതി. പഞ്ചവോകാരേ തത്ഥ വേദനാക്ഖന്ധോ ച നിരുജ്ഝിസ്സതി രൂപക്ഖന്ധോ ച നിരുജ്ഝിസ്സതി.

(ഗ) അനുലോമപുഗ്ഗലോകാസാ

൧൧൮. (ക) യസ്സ യത്ഥ രൂപക്ഖന്ധോ നിരുജ്ഝിസ്സതി തസ്സ തത്ഥ വേദനാക്ഖന്ധോ നിരുജ്ഝിസ്സതീതി?

അസഞ്ഞസത്താനം തേസം തത്ഥ രൂപക്ഖന്ധോ നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ നിരുജ്ഝിസ്സതി. പഞ്ചവോകാരാനം തേസം തത്ഥ രൂപക്ഖന്ധോ ച നിരുജ്ഝിസ്സതി വേദനാക്ഖന്ധോ ച നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ നിരുജ്ഝിസ്സതി തസ്സ തത്ഥ രൂപക്ഖന്ധോ നിരുജ്ഝിസ്സതീതി?

അരൂപാനം തേസം തത്ഥ വേദനാക്ഖന്ധോ നിരുജ്ഝിസ്സതി, നോ ച തേസം തത്ഥ രൂപക്ഖന്ധോ നിരുജ്ഝിസ്സതി. പഞ്ചവോകാരാനം തേസം തത്ഥ വേദനാക്ഖന്ധോ ച നിരുജ്ഝിസ്സതി രൂപക്ഖന്ധോ ച നിരുജ്ഝിസ്സതി.

(ഘ) പച്ചനീകപുഗ്ഗലോ

൧൧൯. (ക) യസ്സ രൂപക്ഖന്ധോ ന നിരുജ്ഝിസ്സതി തസ്സ വേദനാക്ഖന്ധോ ന നിരുജ്ഝിസ്സതീതി?

പച്ഛിമഭവികാനം അരൂപം ഉപപജ്ജന്താനം യേ ച അരൂപം ഉപപജ്ജിത്വാ പരിനിബ്ബായിസ്സന്തി തേസം ചവന്താനം തേസം രൂപക്ഖന്ധോ ന നിരുജ്ഝിസ്സതി, നോ ച തേസം വേദനാക്ഖന്ധോ ന നിരുജ്ഝിസ്സതി. പരിനിബ്ബന്താനം തേസം രൂപക്ഖന്ധോ ച ന നിരുജ്ഝിസ്സതി വേദനാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന വേദനാക്ഖന്ധോ ന നിരുജ്ഝിസ്സതി തസ്സ രൂപക്ഖന്ധോ ന നിരുജ്ഝിസ്സതീതി? ആമന്താ.

(ങ) പച്ചനീകഓകാസോ

൧൨൦. (ക) യത്ഥ രൂപക്ഖന്ധോ ന നിരുജ്ഝിസ്സതി തത്ഥ വേദനാക്ഖന്ധോ ന നിരുജ്ഝിസ്സതീതി? നിരുജ്ഝിസ്സതി.

(ഖ) യത്ഥ വാ പന വേദനാക്ഖന്ധോ ന നിരുജ്ഝിസ്സതി തത്ഥ രൂപക്ഖന്ധോ ന നിരുജ്ഝിസ്സതീതി? നിരുജ്ഝിസ്സതി.

(ച) പച്ചനീകപുഗ്ഗലോകാസാ

൧൨൧. (ക) യസ്സ യത്ഥ രൂപക്ഖന്ധോ ന നിരുജ്ഝിസ്സതി തസ്സ തത്ഥ വേദനാക്ഖന്ധോ ന നിരുജ്ഝിസ്സതീതി?

അരൂപാനം തേസം തത്ഥ രൂപക്ഖന്ധോ ന നിരുജ്ഝിസ്സതി, നോ ച തേസം തത്ഥ വേദനാക്ഖന്ധോ ന നിരുജ്ഝിസ്സതി. പരിനിബ്ബന്താനം തേസം തത്ഥ രൂപക്ഖന്ധോ ച ന നിരുജ്ഝിസ്സതി വേദനാക്ഖന്ധോ ച ന നിരുജ്ഝിസ്സതി.

(ഖ) യസ്സ വാ പന യത്ഥ വേദനാക്ഖന്ധോ ന നിരുജ്ഝിസ്സതി തസ്സ തത്ഥ രൂപക്ഖന്ധോ ന നിരുജ്ഝിസ്സതീതി?

അസഞ്ഞസത്താനം തേസം തത്ഥ വേദനാക്ഖന്ധോ ന നിരുജ്ഝിസ്സതി, നോ ച തേസം തത്ഥ രൂപക്ഖന്ധോ ന നിരുജ്ഝിസ്സതി. പരിനിബ്ബന്താനം തേസം തത്ഥ വേദനാക്ഖന്ധോ ച ന നിരുജ്ഝിസ്സതി രൂപക്ഖന്ധോ ച ന നിരുജ്ഝിസ്സതി.