(൨) അതീതവാരോ

(ക) അനുലോമപുഗ്ഗലോ

൧൧൦. (ക) യസ്സ രൂപക്ഖന്ധോ നിരുജ്ഝിത്ഥ തസ്സ വേദനാക്ഖന്ധോ നിരുജ്ഝിത്ഥാതി? ആമന്താ.

(ഖ) യസ്സ വാ പന വേദനാക്ഖന്ധോ നിരുജ്ഝിത്ഥ തസ്സ രൂപക്ഖന്ധോ നിരുജ്ഝിത്ഥാതി? ആമന്താ.

(ഖ) അനുലോമഓകാസോ

൧൧൧. (ക) യത്ഥ രൂപക്ഖന്ധോ നിരുജ്ഝിത്ഥ തത്ഥ വേദനാക്ഖന്ധോ നിരുജ്ഝിത്ഥാതി?

അസഞ്ഞസത്തേ തത്ഥ രൂപക്ഖന്ധോ നിരുജ്ഝത്ഥ, നോ ച തത്ഥ വേദനാക്ഖന്ധോ നിരുജ്ഝിത്ഥ. പഞ്ചവോകാരേ തത്ഥ രൂപക്ഖന്ധോ ച നിരുജ്ഝിത്ഥ വേദനാക്ഖന്ധോ ച നിരുജ്ഝിത്ഥ.

(ഖ) യത്ഥ വാ പന വേദനാക്ഖന്ധോ നിരുജ്ഝിത്ഥ തത്ഥ രൂപക്ഖന്ധോ നിരുജ്ഝിത്ഥാതി?

അരൂപേ തത്ഥ വേദനാക്ഖന്ധോ നിരുജ്ഝിത്ഥ, നോ ച തത്ഥ രൂപക്ഖന്ധോ നിരുജ്ഝിത്ഥ. പഞ്ചവോകാരേ തത്ഥ വേദനാക്ഖന്ധോ ച നിരുജ്ഝിത്ഥ രൂപക്ഖന്ധോ ച നിരുജ്ഝിത്ഥ.

(ഗ) അനുലോമപുഗ്ഗലോകാസാ

൧൧൨. (ക) യസ്സ യത്ഥ രൂപക്ഖന്ധോ നിരുജ്ഝിത്ഥ തസ്സ തത്ഥ വേദനാക്ഖന്ധോ നിരുജ്ഝിത്ഥാതി?

അസഞ്ഞസത്താനം തേസം തത്ഥ രൂപക്ഖന്ധോ നിരുജ്ഝിത്ഥ, നോ ച തേസം തത്ഥ വേദനാക്ഖന്ധോ നിരുജ്ഝിത്ഥ. പഞ്ചവോകാരാനം തേസം തത്ഥ രൂപക്ഖന്ധോ ച നിരുജ്ഝിത്ഥ വേദനാക്ഖന്ധോ ച നിരുജ്ഝിത്ഥ.

(ഖ) യസ്സ വാ പന യത്ഥ വേദനാക്ഖന്ധോ നിരുജ്ഝിത്ഥ തസ്സ തത്ഥ രൂപക്ഖന്ധോ നിരുജ്ഝിത്ഥാതി?

അരൂപാനം തേസം തത്ഥ വേദനാക്ഖന്ധോ നിരുജ്ഝിത്ഥ, നോ ച തേസം തത്ഥ രൂപക്ഖന്ധോ നിരുജ്ഝിത്ഥ. പഞ്ചവോകാരാനം തേസം തത്ഥ വേദനാക്ഖന്ധോ ച നിരുജ്ഝിത്ഥ രൂപക്ഖന്ധോ ച നിരുജ്ഝിത്ഥ.

(ഘ) പച്ചനീകപുഗ്ഗലോ

൧൧൩. (ക) യസ്സ രൂപക്ഖന്ധോ ന നിരുജ്ഝിത്ഥ തസ്സ വേദനാക്ഖന്ധോ ന നിരുജ്ഝിത്ഥാതി? നത്ഥി.

(ഖ) യസ്സ വാ പന വേദനാക്ഖന്ധോ ന നിരുജ്ഝിത്ഥ തസ്സ രൂപക്ഖന്ധോ ന നിരുജ്ഝിത്ഥാതി? നത്ഥി.

(ങ) പച്ചനീകഓകാസോ

൧൧൪. (ക) യത്ഥ രൂപക്ഖന്ധോ ന നിരുജ്ഝിത്ഥ തത്ഥ വേദനാക്ഖന്ധോ ന നിരുജ്ഝിത്ഥാതി? നിരുജ്ഝിത്ഥ.

(ഖ) യത്ഥ വാ പന വേദനാക്ഖന്ധോ ന നിരുജ്ഝിത്ഥ തത്ഥ രൂപക്ഖന്ധോ ന നിരുജ്ഝിത്ഥാതി? നിരുജ്ഝിത്ഥ.

(ച) പച്ചനീകപുഗ്ഗലോകാസാ

൧൧൫. (ക) യസ്സ യത്ഥ രൂപക്ഖന്ധോ ന നിരുജ്ഝിത്ഥ തസ്സ തത്ഥ വേദനാക്ഖന്ധോ ന നിരുജ്ഝിത്ഥാതി?

അരൂപാനം തേസം തത്ഥ രൂപക്ഖന്ധോ ന നിരുജ്ഝിത്ഥ, നോ ച തേസം തത്ഥ വേദനാക്ഖന്ധോ ന നിരുജ്ഝിത്ഥ. സുദ്ധാവാസാനം തേസം തത്ഥ രൂപക്ഖന്ധോ ച ന നിരുജ്ഝിത്ഥ വേദനാക്ഖന്ധോ ച ന നിരുജ്ഝിത്ഥ.

(ഖ) യസ്സ വാ പന യത്ഥ വേദനാക്ഖന്ധോ ന നിരുജ്ഝിത്ഥ തസ്സ തത്ഥ രൂപക്ഖന്ധോ ന നിരുജ്ഝിത്ഥാതി?

അസഞ്ഞസത്താനം തേസം തത്ഥ വേദനാക്ഖന്ധോ ന നിരുജ്ഝിത്ഥ, നോ ച തേസം തത്ഥ രൂപക്ഖന്ധോ ന നിരുജ്ഝിത്ഥ. സുദ്ധാവാസാനം തേസം തത്ഥ വേദനാക്ഖന്ധോ ച ന നിരുജ്ഝിത്ഥ രൂപക്ഖന്ധോ ച ന നിരുജ്ഝിത്ഥ.