(൧) പച്ചുപ്പന്നവാരോ

(ക) അനുലോമപുഗ്ഗലോ

൧൦൪. (ക) യസ്സ രൂപക്ഖന്ധോ നിരുജ്ഝതി തസ്സ വേദനാക്ഖന്ധോ നിരുജ്ഝതീതി?

അസഞ്ഞസത്താ ചവന്താനം തേസം രൂപക്ഖന്ധോ നിരുജ്ഝതി, നോ ച തേസം വേദനാക്ഖന്ധോ നിരുജ്ഝതി. പഞ്ചവോകാരാ ചവന്താനം തേസം രൂപക്ഖന്ധോ ച നിരുജ്ഝതി വേദനാക്ഖന്ധോ ച നിരുജ്ഝതി.

(ഖ) യസ്സ വാ പന വേദനാക്ഖന്ധോ നിരുജ്ഝതി തസ്സ രൂപക്ഖന്ധോ നിരുജ്ഝതീതി?

അരൂപാ ചവന്താനം തേസം വേദനാക്ഖന്ധോ നിരുജ്ഝതി, നോ ച തേസം രൂപക്ഖന്ധോ നിരുജ്ഝതി. പഞ്ചവോകാരാ ചവന്താനം തേസം വേദനാക്ഖന്ധോ ച നിരുജ്ഝതി രൂപക്ഖന്ധോ ച നിരുജ്ഝതി.

(ഖ) അനുലോമഓകാസോ

൧൦൫. (ക) യത്ഥ രൂപക്ഖന്ധോ നിരുജ്ഝതി തത്ഥ വേദനാക്ഖന്ധോ നിരുജ്ഝതീതി?

അസഞ്ഞസത്തേ തത്ഥ രൂപക്ഖന്ധോ നിരുജ്ഝതി, നോ ച തത്ഥ വേദനാക്ഖന്ധോ നിരുജ്ഝതി. പഞ്ചവോകാരേ തത്ഥ രൂപക്ഖന്ധോ ച നിരുജ്ഝതി വേദനാക്ഖന്ധോ ച നിരുജ്ഝതി.

(ഖ) യത്ഥ വാ പന വേദനാക്ഖന്ധോ നിരുജ്ഝതി തത്ഥ രൂപക്ഖന്ധോ നിരുജ്ഝതീതി?

അരൂപേ തത്ഥ വേദനാക്ഖന്ധോ നിരുജ്ഝതി, നോ ച തത്ഥ രൂപക്ഖന്ധോ നിരുജ്ഝതി. പഞ്ചവോകാരേ തത്ഥ വേദനാക്ഖന്ധോ ച നിരുജ്ഝതി രൂപക്ഖന്ധോ ച നിരുജ്ഝതി.

(ഗ) അനുലോമപുഗ്ഗലോകാസാ

൧൦൬. (ക) യസ്സ യത്ഥ രൂപക്ഖന്ധോ നിരുജ്ഝതി തസ്സ തത്ഥ വേദനാക്ഖന്ധോ നിരുജ്ഝതീതി?

അസഞ്ഞസത്താ ചവന്താനം തേസം തത്ഥ രൂപക്ഖന്ധോ നിരുജ്ഝതി, നോ ച തേസം തത്ഥ വേദനാക്ഖന്ധോ നിരുജ്ഝതി. പഞ്ചവോകാരാ ചവന്താനം തേസം തത്ഥ രൂപക്ഖന്ധോ ച നിരുജ്ഝതി വേദനാക്ഖന്ധോ ച നിരുജ്ഝതി.

(ഖ) യസ്സ വാ പന യത്ഥ വേദനാക്ഖന്ധോ നിരുജ്ഝതി തസ്സ തത്ഥ രൂപക്ഖന്ധോ നിരുജ്ഝതീതി?

അരൂപാ ചവന്താനം തേസം തത്ഥ വേദനാക്ഖന്ധോ നിരുജ്ഝതി, നോ ച തേസം തത്ഥ രൂപക്ഖന്ധോ നിരുജ്ഝതി. പഞ്ചവോകാരാ ചവന്താനം തേസം തത്ഥ വേദനാക്ഖന്ധോ ച നിരുജ്ഝതി രൂപക്ഖന്ധോ ച നിരുജ്ഝതി.

(ഘ) പച്ചനീകപുഗ്ഗലോ

൧൦൭. (ക) യസ്സ രൂപക്ഖന്ധോ ന നിരുജ്ഝതി തസ്സ വേദനാക്ഖന്ധോ ന നിരുജ്ഝതീതി?

അരൂപാ ചവന്താനം തേസം രൂപക്ഖന്ധോ ന നിരുജ്ഝതി, നോ ച തേസം വേദനാക്ഖന്ധോ ന നിരുജ്ഝതി. സബ്ബേസം ഉപപജ്ജന്താനം തേസം രൂപക്ഖന്ധോ ച ന നിരുജ്ഝതി വേദനാക്ഖന്ധോ ച ന നിരുജ്ഝതി.

(ഖ) യസ്സ വാ പന വേദനാക്ഖന്ധോ ന നിരുജ്ഝതി തസ്സ രൂപക്ഖന്ധോ ന നിരുജ്ഝതീതി?

അസഞ്ഞസത്താ ചവന്താനം തേസം വേദനാക്ഖന്ധോ ന നിരുജ്ഝതി, നോ ച തേസം രൂപക്ഖന്ധോ ന നിരുജ്ഝതി. സബ്ബേസം ഉപപജ്ജന്താനം തേസം വേദനാക്ഖന്ധോ ച ന നിരുജ്ഝതി രൂപക്ഖന്ധോ ച ന നിരുജ്ഝതി.

(ങ) പച്ചനീകഓകാസോ

൧൦൮. (ക) യത്ഥ രൂപക്ഖന്ധോ ന നിരുജ്ഝതി തത്ഥ വേദനാക്ഖന്ധോ ന നിരുജ്ഝതീതി? നിരുജ്ഝതി.

(ഖ) യത്ഥ വാ പന വേദനാക്ഖന്ധോ ന നിരുജ്ഝതി തത്ഥ രൂപക്ഖന്ധോ ന നിരുജ്ഝതീതി? നിരുജ്ഝതി.

(ച) പച്ചനീകപുഗ്ഗലോകാസാ

൧൦൯. (ക) യസ്സ യത്ഥ രൂപക്ഖന്ധോ ന നിരുജ്ഝതി തസ്സ തത്ഥ വേദനാക്ഖന്ധോ ന നിരുജ്ഝതീതി?

അരൂപാ ചവന്താനം തേസം തത്ഥ രൂപക്ഖന്ധോ ന നിരുജ്ഝതി, നോ ച തേസം തത്ഥ വേദനാക്ഖന്ധോ ന നിരുജ്ഝതി. സബ്ബേസം ഉപപജ്ജന്താനം തേസം തത്ഥ രൂപക്ഖന്ധോ ച ന നിരുജ്ഝതി വേദനാക്ഖന്ധോ ച ന നിരുജ്ഝതി.

(ഖ) യസ്സ വാ പന യത്ഥ വേദനാക്ഖന്ധോ ന നിരുജ്ഝതി തസ്സ തത്ഥ രൂപക്ഖന്ധോ ന നിരുജ്ഝതീതി?

അസഞ്ഞസത്താ ചവന്താനം തേസം തത്ഥ വേദനാക്ഖന്ധോ ന നിരുജ്ഝതി, നോ ച തേസം തത്ഥ രൂപക്ഖന്ധോ ന നിരുജ്ഝതി. സബ്ബേസം ഉപപജ്ജന്താനം തേസം തത്ഥ വേദനാക്ഖന്ധോ ച ന നിരുജ്ഝതി രൂപക്ഖന്ധോ ച ന നിരുജ്ഝതി.