(൪) പച്ചുപ്പന്നാതീതവാരോ

(ക) അനുലോമപുഗ്ഗലോ

൬൮. (ക) യസ്സ രൂപക്ഖന്ധോ ഉപ്പജ്ജതി തസ്സ വേദനാക്ഖന്ധോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന വേദനാക്ഖന്ധോ ഉപ്പജ്ജിത്ഥ തസ്സ രൂപക്ഖന്ധോ ഉപ്പജ്ജതീതി?

സബ്ബേസം ചവന്താനം അരൂപം ഉപപജ്ജന്താനം തേസം വേദനാക്ഖന്ധോ ഉപ്പജ്ജിത്ഥ, നോ ച തേസം രൂപക്ഖന്ധോ ഉപ്പജ്ജതി. പഞ്ചവോകാരം ഉപപജ്ജന്താനം അസഞ്ഞസത്തം ഉപപജ്ജന്താനം തേസം വേദനാക്ഖന്ധോ ച ഉപ്പജ്ജിത്ഥ രൂപക്ഖന്ധോ ച ഉപ്പജ്ജതി.

൬൯. (ക) യസ്സ വേദനാക്ഖന്ധോ ഉപ്പജ്ജതി തസ്സ സഞ്ഞാക്ഖന്ധോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന സഞ്ഞാക്ഖന്ധോ ഉപ്പജ്ജിത്ഥ തസ്സ വേദനാക്ഖന്ധോ ഉപ്പജ്ജതീതി?

സബ്ബേസം ചവന്താനം അസഞ്ഞസത്തം ഉപപജ്ജന്താനം തേസം സഞ്ഞാക്ഖന്ധോ ഉപ്പജ്ജിത്ഥ, നോ ച തേസം വേദനാക്ഖന്ധോ ഉപ്പജ്ജതി. ചതുവോകാരം പഞ്ചവോകാരം ഉപപജ്ജന്താനം തേസം സഞ്ഞാക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച ഉപ്പജ്ജതി.

(ഖ) അനുലോമഓകാസോ

൭൦. (ക) യത്ഥ രൂപക്ഖന്ധോ ഉപ്പജ്ജതി തത്ഥ വേദനാക്ഖന്ധോ ഉപ്പജ്ജിത്ഥാതി?

അസഞ്ഞസത്തേ തത്ഥ രൂപക്ഖന്ധോ ഉപ്പജ്ജതി, നോ ച തത്ഥ വേദനാക്ഖന്ധോ ഉപ്പജ്ജിത്ഥ. പഞ്ചവോകാരേ തത്ഥ രൂപക്ഖന്ധോ ച ഉപ്പജ്ജതി വേദനാക്ഖന്ധോ ച ഉപ്പജ്ജിത്ഥ.

(ഖ) യത്ഥ വാ പന വേദനാക്ഖന്ധോ ഉപ്പജ്ജിത്ഥ തത്ഥ രൂപക്ഖന്ധോ ഉപ്പജ്ജതീതി?

അരൂപേ തത്ഥ വേദനാക്ഖന്ധോ ഉപ്പജ്ജിത്ഥ, നോ ച തത്ഥ രൂപക്ഖന്ധോ ഉപ്പജ്ജതി. പഞ്ചവോകാരേ തത്ഥ വേദനാക്ഖന്ധോ ച ഉപ്പജ്ജിത്ഥ രൂപക്ഖന്ധോ ച ഉപ്പജ്ജതി.

൭൧. (ക) യത്ഥ വേദനാക്ഖന്ധോ ഉപ്പജ്ജതി തത്ഥ സഞ്ഞാക്ഖന്ധോ ഉപ്പജ്ജിത്ഥാതി? ആമന്താ.

(ഖ) യത്ഥ വാ പന സഞ്ഞാക്ഖന്ധോ ഉപ്പജ്ജിത്ഥ തത്ഥ വേദനാക്ഖന്ധോ ഉപ്പജ്ജതീതി? ആമന്താ.

(ഗ) അനുലോമപുഗ്ഗലോകാസാ

൭൨. (ക) യസ്സ യത്ഥ രൂപക്ഖന്ധോ ഉപ്പജ്ജതി തസ്സ തത്ഥ വേദനാക്ഖന്ധോ ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം അസഞ്ഞസത്തം ഉപപജ്ജന്താനം തേസം തത്ഥ രൂപക്ഖന്ധോ ഉപ്പജ്ജതി, നോ ച തേസം തത്ഥ വേദനാക്ഖന്ധോ ഉപ്പജ്ജിത്ഥ. ഇതരേസം പഞ്ചവോകാരം ഉപപജ്ജന്താനം തേസം തത്ഥ രൂപക്ഖന്ധോ ച ഉപ്പജ്ജതി വേദനാക്ഖന്ധോ ച ഉപ്പജ്ജിത്ഥ.

(ഖ) യസ്സ വാ പന യത്ഥ വേദനാക്ഖന്ധോ ഉപ്പജ്ജിത്ഥ തസ്സ തത്ഥ രൂപക്ഖന്ധോ ഉപ്പജ്ജതീതി?

പഞ്ചവോകാരാ ചവന്താനം അരൂപാനം തേസം തത്ഥ വേദനാക്ഖന്ധോ ഉപ്പജ്ജിത്ഥ, നോ ച തേസം തത്ഥ രൂപക്ഖന്ധോ ഉപ്പജ്ജതി. പഞ്ചവോകാരം ഉപപജ്ജന്താനം തേസം തത്ഥ വേദനാക്ഖന്ധോ ച ഉപ്പജ്ജിത്ഥ രൂപക്ഖന്ധോ ച ഉപ്പജ്ജതി.

൭൩. (ക) യസ്സ യത്ഥ വേദനാക്ഖന്ധോ ഉപ്പജ്ജതി തസ്സ തത്ഥ സഞ്ഞാക്ഖന്ധോ ഉപ്പജ്ജിത്ഥാതി?

സുദ്ധാവാസം ഉപപജ്ജന്താനം തേസം തത്ഥ വേദനാക്ഖന്ധോ ഉപ്പജ്ജതി, നോ ച തേസം തത്ഥ സഞ്ഞാക്ഖന്ധോ ഉപ്പജ്ജിത്ഥ. ഇതരേസം ചതുവോകാരം പഞ്ചവോകാരം ഉപപജ്ജന്താനം തേസം തത്ഥ വേദനാക്ഖന്ധോ ച ഉപ്പജ്ജതി സഞ്ഞാക്ഖന്ധോ ച ഉപ്പജ്ജിത്ഥ.

(ഖ) യസ്സ വാ പന യത്ഥ സഞ്ഞാക്ഖന്ധോ ഉപ്പജ്ജിത്ഥ തസ്സ തത്ഥ വേദനാക്ഖന്ധോ ഉപ്പജ്ജതീതി?

ചതുവോകാരാ പഞ്ചവോകാരാ ചവന്താനം തേസം തത്ഥ സഞ്ഞാക്ഖന്ധോ ഉപ്പജ്ജിത്ഥ, നോ ച തേസം തത്ഥ വേദനാക്ഖന്ധോ ഉപ്പജ്ജതി. ചതുവോകാരം പഞ്ചവോകാരം ഉപപജ്ജന്താനം തേസം തത്ഥ സഞ്ഞാക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച ഉപ്പജ്ജതി.

(ഘ) പച്ചനീകപുഗ്ഗലോ

൭൪. (ക) യസ്സ രൂപക്ഖന്ധോ നുപ്പജ്ജതി തസ്സ വേദനാക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

(ഖ) യസ്സ വാ പന വേദനാക്ഖന്ധോ നുപ്പജ്ജിത്ഥ തസ്സ രൂപക്ഖന്ധോ നുപ്പജ്ജതീതി? നത്ഥി.

൭൫. (ക) യസ്സ വേദനാക്ഖന്ധോ നുപ്പജ്ജതി തസ്സ സഞ്ഞാക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

(ഖ) യസ്സ വാ പന സഞ്ഞാക്ഖന്ധോ നുപ്പജ്ജിത്ഥ തസ്സ വേദനാക്ഖന്ധോ നുപ്പജ്ജതീതി? നത്ഥി.

(ങ) പച്ചനീകഓകാസോ

൭൬. (ക) യത്ഥ രൂപക്ഖന്ധോ നുപ്പജ്ജതി തത്ഥ വേദനാക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

(ഖ) യത്ഥ വാ പന വേദനാക്ഖന്ധോ നുപ്പജ്ജിത്ഥ തത്ഥ രൂപക്ഖന്ധോ നുപ്പജ്ജതീതി? ഉപ്പജ്ജതി.

൭൭. (ക) യത്ഥ വേദനാക്ഖന്ധോ നുപ്പജ്ജതി തത്ഥ സഞ്ഞാക്ഖന്ധോ നുപ്പജ്ജിത്ഥാതി? ആമന്താ.

(ഖ) യത്ഥ വാ പന സഞ്ഞാക്ഖന്ധോ നുപ്പജ്ജിത്ഥ തത്ഥ വേദനാക്ഖന്ധോ നുപ്പജ്ജതീതി? ആമന്താ.

(ച) പച്ചനീകപുഗ്ഗലോകാസാ

൭൮. (ക) യസ്സ യത്ഥ രൂപക്ഖന്ധോ നുപ്പജ്ജതി തസ്സ തത്ഥ വേദനാക്ഖന്ധോ നുപ്പജ്ജിത്ഥാതി?

പഞ്ചവോകാരാ ചവന്താനം അരൂപാനം തേസം തത്ഥ രൂപക്ഖന്ധോ നുപ്പജ്ജതി, നോ ച തേസം തത്ഥ വേദനാക്ഖന്ധോ നുപ്പജ്ജിത്ഥ. സുദ്ധാവാസേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ രൂപക്ഖന്ധോ ച നുപ്പജ്ജതി വേദനാക്ഖന്ധോ ച നുപ്പജ്ജിത്ഥ.

(ഖ) യസ്സ വാ പന യത്ഥ വേദനാക്ഖന്ധോ നുപ്പജ്ജിത്ഥ തസ്സ തത്ഥ രൂപക്ഖന്ധോ നുപ്പജ്ജതീതി?

സുദ്ധാവാസം ഉപപജ്ജന്താനം അസഞ്ഞസത്തം ഉപപജ്ജന്താനം തേസം തത്ഥ വേദനാക്ഖന്ധോ നുപ്പജ്ജിത്ഥ, നോ ച തേസം തത്ഥ രൂപക്ഖന്ധോ നുപ്പജ്ജതി. സുദ്ധാവാസേ പരിനിബ്ബന്താനം അസഞ്ഞസത്താ ചവന്താനം തേസം തത്ഥ വേദനാക്ഖന്ധോ ച നുപ്പജ്ജിത്ഥ രൂപക്ഖന്ധോ ച നുപ്പജ്ജതി.

൭൯. (ക) യസ്സ യത്ഥ വേദനാക്ഖന്ധോ നുപ്പജ്ജതി തസ്സ തത്ഥ സഞ്ഞാക്ഖന്ധോ നുപ്പജ്ജിത്ഥാതി?

ചതുവോകാരാ പഞ്ചവോകാരാ ചവന്താനം തേസം തത്ഥ വേദനാക്ഖന്ധോ നുപ്പജ്ജതി, നോ ച തേസം തത്ഥ സഞ്ഞാക്ഖന്ധോ നുപ്പജ്ജിത്ഥ. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ വേദനാക്ഖന്ധോ ച നുപ്പജ്ജതി സഞ്ഞാക്ഖന്ധോ ച നുപ്പജ്ജിത്ഥ.

(ഖ) യസ്സ വാ പന യത്ഥ സഞ്ഞാക്ഖന്ധോ നുപ്പജ്ജിത്ഥ തസ്സ തത്ഥ വേദനാക്ഖന്ധോ നുപ്പജ്ജതീതി?

സുദ്ധാവാസം ഉപപജ്ജന്താനം തേസം തത്ഥ സഞ്ഞാക്ഖന്ധോ നുപ്പജ്ജിത്ഥ, നോ ച തേസം തത്ഥ വേദനാക്ഖന്ധോ നുപ്പജ്ജതി. സുദ്ധാവാസേ പരിനിബ്ബന്താനം അസഞ്ഞസത്താനം തേസം തത്ഥ സഞ്ഞാക്ഖന്ധോ ച നുപ്പജ്ജിത്ഥ വേദനാക്ഖന്ധോ ച നുപ്പജ്ജതി.