(൩) അനാഗതവാരോ

(ക) അനുലോമപുഗ്ഗലോ

൬൨. (ക) യസ്സ രൂപക്ഖന്ധോ ഉപ്പജ്ജിസ്സതി തസ്സ വേദനാക്ഖന്ധോ ഉപ്പജ്ജിസ്സതീതി? ആമന്താ.

(ഖ) യസ്സ വാ പന വേദനാക്ഖന്ധോ ഉപ്പജ്ജിസ്സതി തസ്സ രൂപക്ഖന്ധോ ഉപ്പജ്ജിസ്സതീതി?

യേ അരൂപം ഉപപജ്ജിത്വാ പരിനിബ്ബായിസ്സന്തി തേസം വേദനാക്ഖന്ധോ ഉപ്പജ്ജിസ്സതി, നോ ച തേസം രൂപക്ഖന്ധോ ഉപ്പജ്ജിസ്സതി. ഇതരേസം തേസം വേദനാക്ഖന്ധോ ച ഉപ്പജ്ജിസ്സതി രൂപക്ഖന്ധോ ച ഉപ്പജ്ജിസ്സതി.

(ഖ) അനുലോമഓകാസോ

൬൩. (ക) യത്ഥ രൂപക്ഖന്ധോ ഉപ്പജ്ജിസ്സതി തത്ഥ വേദനാക്ഖന്ധോ ഉപ്പജ്ജിസ്സതീതി?

അസഞ്ഞസത്തേ തത്ഥ രൂപക്ഖന്ധോ ഉപ്പജ്ജിസ്സതി, നോ ച തത്ഥ വേദനാക്ഖന്ധോ ഉപ്പജ്ജിസ്സതി. പഞ്ചവോകാരേ തത്ഥ രൂപക്ഖന്ധോ ച ഉപ്പജ്ജിസ്സതി വേദനാക്ഖന്ധോ ച ഉപ്പജ്ജിസ്സതി.

(ഖ) യത്ഥ വാ പന വേദനാക്ഖന്ധോ ഉപ്പജ്ജിസ്സതി തത്ഥ രൂപക്ഖന്ധോ ഉപ്പജ്ജിസ്സതീതി?

അരൂപേ തത്ഥ വേദനാക്ഖന്ധോ ഉപ്പജ്ജിസ്സതി, നോ ച തത്ഥ രൂപക്ഖന്ധോ ഉപ്പജ്ജിസ്സതി. പഞ്ചവോകാരേ തത്ഥ വേദനാക്ഖന്ധോ ച ഉപ്പജ്ജിസ്സതി രൂപക്ഖന്ധോ ച ഉപ്പജ്ജിസ്സതി.

(ഗ) അനുലോമപുഗ്ഗലോകാസാ

൬൪. (ക) യസ്സ യത്ഥ രൂപക്ഖന്ധോ ഉപ്പജ്ജിസ്സതി തസ്സ തത്ഥ വേദനാക്ഖന്ധോ ഉപ്പജ്ജിസ്സതീതി?

അസഞ്ഞസത്താനം തേസം തത്ഥ രൂപക്ഖന്ധോ ഉപ്പജ്ജിസ്സതി, നോ ച തേസം തത്ഥ വേദനാക്ഖന്ധോ ഉപ്പജ്ജിസ്സതി. പഞ്ചവോകാരാനം തേസം തത്ഥ രൂപക്ഖന്ധോ ച ഉപ്പജ്ജിസ്സതി വേദനാക്ഖന്ധോ ച ഉപ്പജ്ജിസ്സതി.

(ഖ) യസ്സ വാ പന യത്ഥ വേദനാക്ഖന്ധോ ഉപ്പജ്ജിസ്സതി തസ്സ തത്ഥ രൂപക്ഖന്ധോ ഉപ്പജ്ജിസ്സതീതി?

അരൂപാനം തേസം തത്ഥ വേദനാക്ഖന്ധോ ഉപ്പജ്ജിസ്സതി, നോ ച തേസം തത്ഥ രൂപക്ഖന്ധോ ഉപ്പജ്ജിസ്സതി. പഞ്ചവോകാരാനം തേസം തത്ഥ വേദനാക്ഖന്ധോ ച ഉപ്പജ്ജിസ്സതി രൂപക്ഖന്ധോ ച ഉപ്പജ്ജിസ്സതി.

(ഘ) പച്ചനീകപുഗ്ഗലോ

൬൫. (ക) യസ്സ രൂപക്ഖന്ധോ നുപ്പജ്ജിസ്സതി തസ്സ വേദനാക്ഖന്ധോ നുപ്പജ്ജിസ്സതീതി?

യേ അരൂപം ഉപപജ്ജിത്വാ പരിനിബ്ബായിസ്സന്തി തേസം രൂപക്ഖന്ധോ നുപ്പജ്ജിസ്സതി, നോ ച തേസം വേദനാക്ഖന്ധോ നുപ്പജ്ജിസ്സതി. പച്ഛിമഭവികാനം തേസം രൂപക്ഖന്ധോ ച നുപ്പജ്ജിസ്സതി വേദനാക്ഖന്ധോ ച നുപ്പജ്ജിസ്സതി.

(ഖ) യസ്സ വാ പന വേദനാക്ഖന്ധോ നുപ്പജ്ജിസ്സതി തസ്സ രൂപക്ഖന്ധോ നുപ്പജ്ജിസ്സതീതി? ആമന്താ.

(ങ) പച്ചനീകഓകാസോ

൬൬. (ക) യത്ഥ രൂപക്ഖന്ധോ നുപ്പജ്ജിസ്സതി തത്ഥ വേദനാക്ഖന്ധോ നുപ്പജ്ജിസ്സതീതി? ഉപ്പജ്ജിസ്സതി.

(ഖ) യത്ഥ വാ പന വേദനാക്ഖന്ധോ നുപ്പജ്ജിസ്സതി തത്ഥ രൂപക്ഖന്ധോ നുപ്പജ്ജിസ്സതീതി? ഉപ്പജ്ജിസ്സതി.

(ച) പച്ചനീകപുഗ്ഗലോകാസാ

൬൭. (ക) യസ്സ യത്ഥ രൂപക്ഖന്ധോ നുപ്പജ്ജിസ്സതി തസ്സ തത്ഥ വേദനാക്ഖന്ധോ നുപ്പജ്ജിസ്സതീതി?

അരൂപാനം തേസം തത്ഥ രൂപക്ഖന്ധോ നുപ്പജ്ജിസ്സതി, നോ ച തേസം തത്ഥ വേദനാക്ഖന്ധോ നുപ്പജ്ജിസ്സതി. പച്ഛിമഭവികാനം തേസം തത്ഥ രൂപക്ഖന്ധോ ച നുപ്പജ്ജിസ്സതി വേദനാക്ഖന്ധോ ച നുപ്പജ്ജിസ്സതി.

(ഖ) യസ്സ വാ പന യത്ഥ വേദനാക്ഖന്ധോ നുപ്പജ്ജിസ്സതി തസ്സ തത്ഥ രൂപക്ഖന്ധോ നുപ്പജ്ജിസ്സതീതി?

അസഞ്ഞസത്താനം തേസം തത്ഥ വേദനാക്ഖന്ധോ നുപ്പജ്ജിസ്സതി, നോ ച തേസം തത്ഥ രൂപക്ഖന്ധോ നുപ്പജ്ജിസ്സതി. പച്ഛിമഭവികാനം തേസം തത്ഥ വേദനാക്ഖന്ധോ ച നുപ്പജ്ജിസ്സതി രൂപക്ഖന്ധോ ച നുപ്പജ്ജിസ്സതി.