(൨) അതീതവാരോ

(ക) അനുലോമപുഗ്ഗലോ

൫൬. (ക) യസ്സ രൂപക്ഖന്ധോ ഉപ്പജ്ജിത്ഥ തസ്സ വേദനാക്ഖന്ധോ ഉപ്പജ്ജിത്ഥാതി? ആമന്താ.

(ഖ) യസ്സ വാ പന വേദനാക്ഖന്ധോ ഉപ്പജ്ജിത്ഥ തസ്സ രൂപക്ഖന്ധോ ഉപ്പജ്ജിത്ഥാതി? ആമന്താ.

(ഖ) അനുലോമഓകാസോ

൫൭. (ക) യത്ഥ രൂപക്ഖന്ധോ ഉപ്പജ്ജിത്ഥ തത്ഥ വേദനാക്ഖന്ധോ ഉപ്പജ്ജിത്ഥാതി?

അസഞ്ഞസത്തേ തത്ഥ രൂപക്ഖന്ധോ ഉപ്പജ്ജിത്ഥ, നോ ച തത്ഥ വേദനാക്ഖന്ധോ ഉപ്പജ്ജിത്ഥ. പഞ്ചവോകാരേ തത്ഥ രൂപക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച ഉപ്പജ്ജിത്ഥ.

(ഖ) യത്ഥ വാ പന വേദനാക്ഖന്ധോ ഉപ്പജ്ജിത്ഥ തത്ഥ രൂപക്ഖന്ധോ ഉപ്പജ്ജിത്ഥാതി?

അരൂപേ തത്ഥ വേദനാക്ഖന്ധോ ഉപ്പജ്ജിത്ഥ, നോ ച തത്ഥ രൂപക്ഖന്ധോ ഉപ്പജ്ജിത്ഥ. പഞ്ചവോകാരേ തത്ഥ വേദനാക്ഖന്ധോ ച ഉപ്പജ്ജിത്ഥ രൂപക്ഖന്ധോ ച ഉപ്പജ്ജിത്ഥ.

(ഗ) അനുലോമപുഗ്ഗലോകാസാ

൫൮. (ക) യസ്സ യത്ഥ രൂപക്ഖന്ധോ ഉപ്പജ്ജിത്ഥ തസ്സ തത്ഥ വേദനാക്ഖന്ധോ ഉപ്പജ്ജിത്ഥാതി?

അസഞ്ഞസത്താനം തേസം തത്ഥ രൂപക്ഖന്ധോ ഉപ്പജ്ജിത്ഥ, നോ ച തേസം തത്ഥ വേദനാക്ഖന്ധോ ഉപ്പജ്ജിത്ഥ. പഞ്ചവോകാരാനം തേസം തത്ഥ രൂപക്ഖന്ധോ ച ഉപ്പജ്ജിത്ഥ വേദനാക്ഖന്ധോ ച ഉപ്പജ്ജിത്ഥ.

(ഖ) യസ്സ വാ പന യത്ഥ വേദനാക്ഖന്ധോ ഉപ്പജ്ജിത്ഥ തസ്സ തത്ഥ രൂപക്ഖന്ധോ ഉപ്പജ്ജിത്ഥാതി?

അരൂപാനം തേസം തത്ഥ വേദനാക്ഖന്ധോ ഉപ്പജ്ജിത്ഥ, നോ ച തേസം തത്ഥ രൂപക്ഖന്ധോ ഉപ്പജ്ജിത്ഥ. പഞ്ചവോകാരാനം തേസം തത്ഥ വേദനാക്ഖന്ധോ ച ഉപ്പജ്ജിത്ഥ രൂപക്ഖന്ധോ ച ഉപ്പജ്ജിത്ഥ.

(ഘ) പച്ചനീകപുഗ്ഗലോ

൫൯. (ക) യസ്സ രൂപക്ഖന്ധോ നുപ്പജ്ജിത്ഥ തസ്സ വേദനാക്ഖന്ധോ നുപ്പജ്ജിത്ഥാതി? നത്ഥി.

(ഖ) യസ്സ വാ പന വേദനാക്ഖന്ധോ നുപ്പജ്ജിത്ഥ തസ്സ രൂപക്ഖന്ധോ നുപ്പജ്ജിത്ഥാതി? നത്ഥി.

(ങ) പച്ചനീകഓകാസോ

൬൦. (ക) യത്ഥ രൂപക്ഖന്ധോ നുപ്പജ്ജിത്ഥ തത്ഥ വേദനാക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

(ഖ) യത്ഥ വാ പന വേദനാക്ഖന്ധോ നുപ്പജ്ജിത്ഥ തത്ഥ രൂപക്ഖന്ധോ നുപ്പജ്ജിത്ഥാതി? ഉപ്പജ്ജിത്ഥ.

(ച) പച്ചനീകപുഗ്ഗലോകാസാ

൬൧. (ക) യസ്സ യത്ഥ രൂപക്ഖന്ധോ നുപ്പജ്ജിത്ഥ തസ്സ തത്ഥ വേദനാക്ഖന്ധോ നുപ്പജ്ജിത്ഥാതി?

അരൂപാനം തേസം തത്ഥ രൂപക്ഖന്ധോ നുപ്പജ്ജിത്ഥ, നോ ച തേസം തത്ഥ വേദനാക്ഖന്ധോ നുപ്പജ്ജിത്ഥ. സുദ്ധാവാസാനം തേസം തത്ഥ രൂപക്ഖന്ധോ ച നുപ്പജ്ജിത്ഥ വേദനാക്ഖന്ധോ ച നുപ്പജ്ജിത്ഥ.

(ക) യസ്സ വാ പന യത്ഥ വേദനാക്ഖന്ധോ നുപ്പജ്ജിത്ഥ തസ്സ തത്ഥ രൂപക്ഖന്ധോ നുപ്പജ്ജിത്ഥാതി?

അസഞ്ഞസത്താനം തേസം തത്ഥ വേദനാക്ഖന്ധോ നുപ്പജ്ജിത്ഥ, നോ ച തേസം തത്ഥ രൂപക്ഖന്ധോ നുപ്പജ്ജിത്ഥ. സുദ്ധാവാസാനം തേസം തത്ഥ വേദനാക്ഖന്ധോ ച നുപ്പജ്ജിത്ഥ രൂപക്ഖന്ധോ ച നുപ്പജ്ജിത്ഥ.