(൧) പച്ചുപ്പന്നവാരോ

(ക) അനുലോമപുഗ്ഗലോ

൫൦. (ക) യസ്സ രൂപക്ഖന്ധോ ഉപ്പജ്ജതി തസ്സ വേദനാക്ഖന്ധോ ഉപ്പജ്ജതീതി?

അസഞ്ഞസത്തം ഉപപജ്ജന്താനം തേസം രൂപക്ഖന്ധോ ഉപ്പജ്ജതി, നോ ച തേസം വേദനാക്ഖന്ധോ ഉപ്പജ്ജതി. പഞ്ചവോകാരം ഉപപജ്ജന്താനം തേസം രൂപക്ഖന്ധോ ച ഉപ്പജ്ജതി വേദനാക്ഖന്ധോ ച ഉപ്പജ്ജതി.

(ഖ) യസ്സ വാ പന വേദനാക്ഖന്ധോ ഉപ്പജ്ജതി തസ്സ രൂപക്ഖന്ധോ ഉപ്പജ്ജതീതി?

അരൂപം ഉപപജ്ജന്താനം തേസം വേദനാക്ഖന്ധോ ഉപ്പജ്ജതി, നോ ച തേസം രൂപക്ഖന്ധോ ഉപ്പജ്ജതി. പഞ്ചവോകാരം ഉപപജ്ജന്താനം തേസം വേദനാക്ഖന്ധോ ച ഉപ്പജ്ജതി രൂപക്ഖന്ധോ ച ഉപ്പജ്ജതി.

(ഖ) അനുലോമഓകാസോ

൫൧. (ക) യത്ഥ രൂപക്ഖന്ധോ ഉപ്പജ്ജതി തത്ഥ വേദനാക്ഖന്ധോ ഉപ്പജ്ജതീതി?

അസഞ്ഞസത്തേ തത്ഥ രൂപക്ഖന്ധോ ഉപ്പജ്ജതി, നോ ച തത്ഥ വേദനാക്ഖന്ധോ ഉപ്പജ്ജതി. പഞ്ചവോകാരേ തത്ഥ രൂപക്ഖന്ധോ ച ഉപ്പജ്ജതി വേദനാക്ഖന്ധോ ച ഉപ്പജ്ജതി.

(ഖ) യത്ഥ വാ പന വേദനാക്ഖന്ധോ ഉപ്പജ്ജതി തത്ഥ രൂപക്ഖന്ധോ ഉപ്പജ്ജതീതി?

അരൂപേ തത്ഥ വേദനാക്ഖന്ധോ ഉപ്പജ്ജതി, നോ ച തത്ഥ രൂപക്ഖന്ധോ ഉപ്പജ്ജതി. പഞ്ചവോകാരേ തത്ഥ വേദനാക്ഖന്ധോ ച ഉപ്പജ്ജതി രൂപക്ഖന്ധോ ച ഉപ്പജ്ജതി.

(ഗ) അനുലോമപുഗ്ഗലോകാസാ

൫൨. (ക) യസ്സ യത്ഥ രൂപക്ഖന്ധോ ഉപ്പജ്ജതി തസ്സ തത്ഥ വേദനാക്ഖന്ധോ ഉപ്പജ്ജതീതി?

അസഞ്ഞസത്തം ഉപപജ്ജന്താനം തേസം തത്ഥ രൂപക്ഖന്ധോ ഉപ്പജ്ജതി, നോ ച തേസം തത്ഥ വേദനാക്ഖന്ധോ ഉപ്പജ്ജതി. പഞ്ചവോകാരം ഉപപജ്ജന്താനം തേസം തത്ഥ രൂപക്ഖന്ധോ ച ഉപ്പജ്ജതി വേദനാക്ഖന്ധോ ച ഉപ്പജ്ജതി.

(ഖ) യസ്സ വാ പന യത്ഥ വേദനാക്ഖന്ധോ ഉപ്പജ്ജതി തസ്സ തത്ഥ രൂപക്ഖന്ധോ ഉപ്പജ്ജതീതി?

അരൂപം ഉപപജ്ജന്താനം തേസം തത്ഥ വേദനാക്ഖന്ധോ ഉപ്പജ്ജതി, നോ ച തേസം തത്ഥ രൂപക്ഖന്ധോ ഉപ്പജ്ജതി. പഞ്ചവോകാരം ഉപപജ്ജന്താനം തേസം തത്ഥ വേദനാക്ഖന്ധോ ച ഉപ്പജ്ജതി രൂപക്ഖന്ധോ ച ഉപ്പജ്ജതി.

(ഘ) പച്ചനീകപുഗ്ഗലോ

൫൩. (ക) യസ്സ രൂപക്ഖന്ധോ നുപ്പജ്ജതി തസ്സ വേദനാക്ഖന്ധോ നുപ്പജ്ജതീതി?

അരൂപം ഉപപജ്ജന്താനം തേസം രൂപക്ഖന്ധോ നുപ്പജ്ജതി, നോ ച തേസം വേദനാക്ഖന്ധോ നുപ്പജ്ജതി. സബ്ബേസം ചവന്താനം തേസം രൂപക്ഖന്ധോ ച നുപ്പജ്ജതി വേദനാക്ഖന്ധോ ച നുപ്പജ്ജതി.

(ഖ) യസ്സ വാ പന വേദനാക്ഖന്ധോ നുപ്പജ്ജതി തസ്സ രൂപക്ഖന്ധോ നുപ്പജ്ജതീതി?

അസഞ്ഞസത്തം ഉപപജ്ജന്താനം തേസം വേദനാക്ഖന്ധോ നുപ്പജ്ജതി, നോ ച തേസം രൂപക്ഖന്ധോ നുപ്പജ്ജതി. സബ്ബേസം ചവന്താനം തേസം വേദനാക്ഖന്ധോ ച നുപ്പജ്ജതി രൂപക്ഖന്ധോ ച നുപ്പജ്ജതി.

(ങ) പച്ചനീകഓകാസോ

൫൪. (ക) യത്ഥ രൂപക്ഖന്ധോ നുപ്പജ്ജതി തത്ഥ വേദനാക്ഖന്ധോ നുപ്പജ്ജതീതി? ഉപ്പജ്ജതി.

(ഖ) യത്ഥ വാ പന വേദനാക്ഖന്ധോ നുപ്പജ്ജതി തത്ഥ രൂപക്ഖന്ധോ നുപ്പജ്ജതീതി? ഉപ്പജ്ജതി.

(ച) പച്ചനീകപുഗ്ഗലോകാസാ

൫൫. (ക) യസ്സ യത്ഥ രൂപക്ഖന്ധോ നുപ്പജ്ജതി തസ്സ തത്ഥ വേദനാക്ഖന്ധോ നുപ്പജ്ജതീതി?

അരൂപം ഉപപജ്ജന്താനം തേസം തത്ഥ രൂപക്ഖന്ധോ നുപ്പജ്ജതി, നോ ച തേസം തത്ഥ വേദനാക്ഖന്ധോ നുപ്പജ്ജതി. സബ്ബേസം ചവന്താനം തേസം തത്ഥ രൂപക്ഖന്ധോ ച നുപ്പജ്ജതി വേദനാക്ഖന്ധോ ച നുപ്പജ്ജതി.

(ഖ) യസ്സ വാ പന യത്ഥ വേദനാക്ഖന്ധോ നുപ്പജ്ജതി തസ്സ തത്ഥ രൂപക്ഖന്ധോ നുപ്പജ്ജതീതി?

അസഞ്ഞസത്തം ഉപപജ്ജന്താനം തേസം തത്ഥ വേദനാക്ഖന്ധോ നുപ്പജ്ജതി, നോ ച തേസം തത്ഥ രൂപക്ഖന്ധോ നുപ്പജ്ജതി. സബ്ബേസം ചവന്താനം തേസം തത്ഥ വേദനാക്ഖന്ധോ ച നുപ്പജ്ജതി രൂപക്ഖന്ധോ ച നുപ്പജ്ജതി.