൧. കുസലാ ധമ്മാ (൧) മൂലനയോ
൫൦. (ക) യേ കേചി കുസലാ ധമ്മാ, സബ്ബേ തേ കുസലമൂലാതി? തീണേവ കുസലമൂലാനി. അവസേസാ കുസലാ ധമ്മാ ന കുസലമൂലാ.
(ഖ) യേ വാ പന കുസലമൂലാ, സബ്ബേ തേ ധമ്മാ കുസലാതി? ആമന്താ.
൫൧. (ക) യേ കേചി കുസലാ ധമ്മാ, സബ്ബേ തേ കുസലമൂലേന ഏകമൂലാതി? ആമന്താ.
(ഖ) യേ വാ പന കുസലമൂലേന ഏകമൂലാ, സബ്ബേ തേ ധമ്മാ കുസലാതി?
കുസലസമുട്ഠാനം രൂപം കുസലമൂലേന ഏകമൂലം, ന കുസലം. കുസലം കുസലമൂലേന ഏകമൂലഞ്ചേവ കുസലഞ്ച.
൫൨. (ക) യേ കേചി കുസലമൂലേന ഏകമൂലാ ധമ്മാ, സബ്ബേ തേ കുസലമൂലേന അഞ്ഞമഞ്ഞമൂലാതി?
മൂലാനി യാനി ഏകതോ ഉപ്പജ്ജന്തി കുസലമൂലാനി ഏകമൂലാനി ചേവ അഞ്ഞമഞ്ഞമൂലാനി ച. അവസേസാ കുസലമൂലസഹജാതാ ധമ്മാ കുസലമൂലേന ഏകമൂലാ, ന ച അഞ്ഞമഞ്ഞമൂലാ.
(ഖ) യേ വാ പന കുസലമൂലേന അഞ്ഞമഞ്ഞമൂലാ, സബ്ബേ തേ ധമ്മാ കുസലാതി? ആമന്താ.
(൨) മൂലമൂലനയോ
൫൩. (ക) യേ കേചി കുസലാ ധമ്മാ, സബ്ബേ തേ കുസലമൂലമൂലാതി? തീണേവ കുസലമൂലമൂലാനി. അവസേസാ കുസലാ ധമ്മാ ന കുസലമൂലമൂലാ.
(ഖ) യേ വാ പന കുസലമൂലമൂലാ, സബ്ബേ തേ ധമ്മാ കുസലാതി? ആമന്താ.
൫൪. (ക) യേ കേചി കുസലാ ധമ്മാ, സബ്ബേ തേ കുസലമൂലേന ഏകമൂലമൂലാതി? ആമന്താ.
(ഖ) യേ വാ പന കുസലമൂലേന ഏകമൂലമൂലാ, സബ്ബേ തേ ധമ്മാ കുസലാതി?
കുസലസമുട്ഠാനം രൂപം കുസലമൂലേന ഏകമൂലമൂലം, ന കുസലം. കുസലം കുസലമൂലേന ഏകമൂലമൂലഞ്ചേവ കുസലഞ്ച.
൫൫. (ക) യേ കേചി കുസലമൂലേന ഏകമൂലമൂലാ ധമ്മാ, സബ്ബേ തേ കുസലമൂലേന അഞ്ഞമഞ്ഞമൂലമൂലാതി?
മൂലാനി യാനി ഏകതോ ഉപ്പജ്ജന്തി കുസലമൂലാനി ഏകമൂലമൂലാനി ചേവ അഞ്ഞമഞ്ഞമൂലമൂലാനി ച. അവസേസാ കുസലമൂലസഹജാതാ ധമ്മാ കുസലമൂലേന ഏകമൂലമൂലാ, ന ച അഞ്ഞമഞ്ഞമൂലമൂലാ.
(ഖ) യേ വാ പന കുസലമൂലേന അഞ്ഞമഞ്ഞമൂലമൂലാ, സബ്ബേ തേ ധമ്മാ കുസലാതി? ആമന്താ.
(൩) മൂലകനയോ
൫൬. (ക) യേ കേചി കുസലാ ധമ്മാ, സബ്ബേ തേ കുസലമൂലകാതി? ആമന്താ.
(ഖ) യേ വാ പന കുസലമൂലകാ, സബ്ബേ തേ ധമ്മാ കുസലാതി?
കുസലസമുട്ഠാനം രൂപം കുസലമൂലകം ന കുസലം. കുസലം കുസലമൂലകഞ്ചേവ കുസലഞ്ച.
൫൭. (ക) യേ കേചി കുസലാ ധമ്മാ, സബ്ബേ തേ കുസലമൂലേന ഏകമൂലകാതി? ആമന്താ.
(ഖ) യേ വാ പന കുസലമൂലേന ഏകമൂലകാ, സബ്ബേ തേ ധമ്മാ കുസലാതി?
കുസലസമുട്ഠാനം രൂപം കുസലമൂലേന ഏകമൂലകം, ന കുസലം. കുസലം കുസലമൂലേന ഏകമൂലകഞ്ചേവ കുസലഞ്ച.
൫൮. (ക) യേ കേചി കുസലമൂലേന ഏകമൂലകാ ധമ്മാ, സബ്ബേ തേ കുസലമൂലേന അഞ്ഞമഞ്ഞമൂലകാതി?
മൂലാനി യാനി ഏകതോ ഉപ്പജ്ജന്തി കുസലമൂലാനി ഏകമൂലകാനി ചേവ അഞ്ഞമഞ്ഞമൂലകാനി ച. അവസേസാ കുസലമൂലസഹജാതാ ധമ്മാ കുസലമൂലേന ഏകമൂലകാ, ന ച അഞ്ഞമഞ്ഞമൂലകാ.
(ഖ) യേ വാ പന കുസലമൂലേന അഞ്ഞമഞ്ഞമൂലകാ, സബ്ബേ തേ ധമ്മാ കുസലാതി? ആമന്താ.
(൪) മൂലമൂലകനയോ
൫൯. (ക) യേ കേചി കുസലാ ധമ്മാ, സബ്ബേ തേ കുസലമൂലമൂലകാതി? ആമന്താ.
(ഖ) യേ വാ പന കുസലമൂലമൂലകാ, സബ്ബേ തേ ധമ്മാ കുസലാതി?
കുസലസമുട്ഠാനം രൂപം കുസലമൂലമൂലകം ന കുസലം. കുസലം കുസലമൂലമൂലകഞ്ചേവ കുസലഞ്ച.
൬൦. (ക) യേ കേചി കുസലാ ധമ്മാ, സബ്ബേ തേ കുസലമൂലേന ഏകമൂലമൂലകാതി? ആമന്താ.
(ഖ) യേ വാ പന കുസലമൂലേന ഏകമൂലമൂലകാ, സബ്ബേ തേ ധമ്മാ കുസലാതി?
കുസലസമുട്ഠാനം രൂപം കുസലമൂലേന ഏകമൂലമൂലകം, ന കുസലം. കുസലം കുസലമൂലേന ഏകമൂലമൂലകഞ്ചേവ കുസലഞ്ച.
൬൧. (ക) യേ കേചി കുസലമൂലേന ഏകമൂലമൂലകാ ധമ്മാ, സബ്ബേ തേ കുസലമൂലേന അഞ്ഞമഞ്ഞമൂലമൂലകാതി?
മൂലാനി യാനി ഏകതോ ഉപ്പജ്ജന്തി കുസലമൂലാനി ഏകമൂലമൂലകാനി ചേവ അഞ്ഞമഞ്ഞമൂലമൂലകാനി ച. അവസേസാ കുസലമൂലസഹജാതാ ധമ്മാ കുസലമൂലേന ഏകമൂലമൂലകാ, ന ച അഞ്ഞമഞ്ഞമൂലമൂലകാ.
(ഖ) യേ വാ പന കുസലമൂലേന അഞ്ഞമഞ്ഞമൂലമൂലകാ, സബ്ബേ തേ ധമ്മാ കുസലാതി? ആമന്താ.