൭. അഭിഞ്ഞേയ്യാദിവാരോ

൧൦൩൦. പഞ്ചന്നം ഖന്ധാനം കതി അഭിഞ്ഞേയ്യാ, കതി പരിഞ്ഞേയ്യാ, കതി പഹാതബ്ബാ, കതി ഭാവേതബ്ബാ, കതി സച്ഛികാതബ്ബാ, കതി ന പഹാതബ്ബാ, ന ഭാവേതബ്ബാ, ന സച്ഛികാതബ്ബാ…പേ… സത്തന്നം ചിത്താനം കതി അഭിഞ്ഞേയ്യാ, കതി പരിഞ്ഞേയ്യാ, കതി പഹാതബ്ബാ, കതി ഭാവേതബ്ബാ, കതി സച്ഛികാതബ്ബാ, കതി ന പഹാതബ്ബാ ന ഭാവേതബ്ബാ ന സച്ഛികാതബ്ബാ?

൧൦൩൧. രൂപക്ഖന്ധോ അഭിഞ്ഞേയ്യോ പരിഞ്ഞേയ്യോ ന പഹാതബ്ബോ ന ഭാവേതബ്ബോ ന സച്ഛികാതബ്ബോ. ചത്താരോ ഖന്ധാ അഭിഞ്ഞേയ്യാ പരിഞ്ഞേയ്യാ, സിയാ പഹാതബ്ബാ, സിയാ ഭാവേതബ്ബാ, സിയാ സച്ഛികാതബ്ബാ, സിയാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ.

ദസായതനാ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ. ദ്വേ ആയതനാ അഭിഞ്ഞേയ്യാ പരിഞ്ഞേയ്യാ, സിയാ പഹാതബ്ബാ, സിയാ ഭാവേതബ്ബാ, സിയാ സച്ഛികാതബ്ബാ, സിയാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ.

സോളസ ധാതുയോ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ. ദ്വേ ധാതുയോ അഭിഞ്ഞേയ്യാ പരിഞ്ഞേയ്യാ, സിയാ പഹാതബ്ബാ, സിയാ ഭാവേതബ്ബാ, സിയാ സച്ഛികാതബ്ബാ, സിയാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ.

സമുദയസച്ചം അഭിഞ്ഞേയ്യം പരിഞ്ഞേയ്യം പഹാതബ്ബം ന ഭാവേതബ്ബം ന സച്ഛികാതബ്ബം. മഗ്ഗസച്ചം അഭിഞ്ഞേയ്യം പരിഞ്ഞേയ്യം ന പഹാതബ്ബം ഭാവേതബ്ബം ന സച്ഛികാതബ്ബം. നിരോധസച്ചം അഭിഞ്ഞേയ്യം പരിഞ്ഞേയ്യം ന പഹാതബ്ബം ന ഭാവേതബ്ബം സച്ഛികാതബ്ബം. ദുക്ഖസച്ചം അഭിഞ്ഞേയ്യം പരിഞ്ഞേയ്യം, സിയാ പഹാതബ്ബം, ന ഭാവേതബ്ബം, ന സച്ഛികാതബ്ബം, സിയാ ന പഹാതബ്ബം.

നവിന്ദ്രിയാ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ. ദോമനസ്സിന്ദ്രിയം അഭിഞ്ഞേയ്യം പരിഞ്ഞേയ്യം പഹാതബ്ബം ന ഭാവേതബ്ബം ന സച്ഛികാതബ്ബം. അനഞ്ഞാതഞ്ഞസ്സാമീതിന്ദ്രിയം അഭിഞ്ഞേയ്യം പരിഞ്ഞേയ്യം ന പഹാതബ്ബം ഭാവേതബ്ബം ന സച്ഛികാതബ്ബം. അഞ്ഞിന്ദ്രിയം അഭിഞ്ഞേയ്യം പരിഞ്ഞേയ്യം ന പഹാതബ്ബം, സിയാ ഭാവേതബ്ബം, സിയാ സച്ഛികാതബ്ബം. അഞ്ഞാതാവിന്ദ്രിയം അഭിഞ്ഞേയ്യം പരിഞ്ഞേയ്യം ന പഹാതബ്ബം ന ഭാവേതബ്ബം സച്ഛികാതബ്ബം. തീണിന്ദ്രിയാ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ, സിയാ ഭാവേതബ്ബാ, സിയാ സച്ഛികാതബ്ബാ, സിയാ ന ഭാവേതബ്ബാ, സച്ഛികാതബ്ബാ. ഛ ഇന്ദ്രിയാ അഭിഞ്ഞേയ്യാ പരിഞ്ഞേയ്യാ, സിയാ പഹാതബ്ബാ, സിയാ ഭാവേതബ്ബാ, സിയാ സച്ഛികാതബ്ബാ, സിയാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ.

തയോ അകുസലഹേതൂ അഭിഞ്ഞേയ്യാ പരിഞ്ഞേയ്യാ പഹാതബ്ബാ ന ഭാവേതബ്ബാ ന സച്ഛികാതബ്ബാ. തയോ കുസലഹേതൂ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ, സിയാ ഭാവേതബ്ബാ, ന സച്ഛികാതബ്ബാ, സിയാ ന ഭാവേതബ്ബാ. തയോ അബ്യാകതഹേതൂ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ ന ഭാവേതബ്ബാ, സിയാ സച്ഛികാതബ്ബാ, സിയാ ന സച്ഛികാതബ്ബാ.

കബളീകാരോ ആഹാരോ അഭിഞ്ഞേയ്യോ പരിഞ്ഞേയ്യോ ന പഹാതബ്ബോ ന ഭാവേതബ്ബോ ന സച്ഛികാതബ്ബോ. തയോ ആഹാരാ അഭിഞ്ഞേയ്യാ പരിഞ്ഞേയ്യാ, സിയാ പഹാതബ്ബാ, സിയാ ഭാവേതബ്ബാ, സിയാ സച്ഛികാതബ്ബാ, സിയാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ.

ഛ ഫസ്സാ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ. മനോവിഞ്ഞാണധാതുസമ്ഫസ്സോ അഭിഞ്ഞേയ്യോ പരിഞ്ഞേയ്യോ, സിയാ പഹാതബ്ബോ, സിയാ ഭാവേതബ്ബോ, സിയാ സച്ഛികാതബ്ബോ, സിയാ ന പഹാതബ്ബോ ന ഭാവേതബ്ബോ ന സച്ഛികാതബ്ബോ.

ഛ വേദനാ…പേ… ഛ സഞ്ഞാ… ഛ ചേതനാ… ഛ ചിത്താ അഭിഞ്ഞേയ്യാ പരിഞ്ഞേയ്യാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ. മനോവിഞ്ഞാണധാതു അഭിഞ്ഞേയ്യാ പരിഞ്ഞേയ്യാ, സിയാ പഹാതബ്ബാ, സിയാ ഭാവേതബ്ബാ, സിയാ സച്ഛികാതബ്ബാ, സിയാ ന പഹാതബ്ബാ ന ഭാവേതബ്ബാ ന സച്ഛികാതബ്ബാ.