൩. പരിയാപന്നാപരിയാപന്നവാരോ

൧. കാമധാതു

൯൯൯. പഞ്ചന്നം ഖന്ധാനം കതി കാമധാതുപരിയാപന്നാ, കതി ന കാമധാതുപരിയാപന്നാ…പേ… സത്തന്നം ചിത്താനം കതി കാമധാതുപരിയാപന്നാ, കതി ന കാമധാതുപരിയാപന്നാ?

൧൦൦൦. രൂപക്ഖന്ധോ കാമധാതുപരിയാപന്നോ; ചത്താരോ ഖന്ധാ സിയാ കാമധാതുപരിയാപന്നാ, സിയാ ന കാമധാതുപരിയാപന്നാ.

ദസായതനാ കാമധാതുപരിയാപന്നാ; ദ്വേ ആയതനാ സിയാ കാമധാതുപരിയാപന്നാ, സിയാ ന കാമധാതുപരിയാപന്നാ.

സോളസ ധാതുയോ കാമധാതുപരിയാപന്നാ; ദ്വേ ധാതുയോ സിയാ കാമധാതുപരിയാപന്നാ, സിയാ ന കാമധാതുപരിയാപന്നാ.

സമുദയസച്ചം കാമധാതുപരിയാപന്നം; ദ്വേ സച്ചാ ന കാമധാതുപരിയാപന്നാ; ദുക്ഖസച്ചം സിയാ കാമധാതുപരിയാപന്നം, സിയാ ന കാമധാതുപരിയാപന്നം.

ദസിന്ദ്രിയാ കാമധാതുപരിയാപന്നാ; തീണിന്ദ്രിയാ ന കാമധാതുപരിയാപന്നാ; നവിന്ദ്രിയാ സിയാ കാമധാതുപരിയാപന്നാ, സിയാ ന കാമധാതുപരിയാപന്നാ.

തയോ അകുസലഹേതൂ കാമധാതുപരിയാപന്നാ; ഛ ഹേതൂ സിയാ കാമധാതുപരിയാപന്നാ, സിയാ ന കാമധാതുപരിയാപന്നാ.

കബളീകാരോ ആഹാരോ കാമധാതുപരിയാപന്നോ; തയോ ആഹാരാ സിയാ കാമധാതുപരിയാപന്നാ, സിയാ ന കാമധാതുപരിയാപന്നാ.

ഛ ഫസ്സാ കാമധാതുപരിയാപന്നാ; മനോവിഞ്ഞാണധാതുസമ്ഫസ്സോ സിയാ കാമധാതു പരിയാപന്നോ, സിയാ ന കാമധാതുപരിയാപന്നോ.

ഛ വേദനാ…പേ… ഛ സഞ്ഞാ… ഛ ചേതനാ… ഛ ചിത്താ കാമധാതുപരിയാപന്നാ; മനോവിഞ്ഞാണധാതു സിയാ കാമധാതുപരിയാപന്നാ, സിയാ ന കാമധാതുപരിയാപന്നാ.

൨. രൂപധാതു

൧൦൦൧. പഞ്ചന്നം ഖന്ധാനം കതി രൂപധാതുപരിയാപന്നാ, കതി ന രൂപധാതുപരിയാപന്നാ …പേ… സത്തന്നം ചിത്താനം കതി രൂപധാതുപരിയാപന്നാ, കതി ന രൂപധാതുപരിയാപന്നാ?

൧൦൦൨. രൂപക്ഖന്ധോ ന രൂപധാതുപരിയാപന്നോ; ചത്താരോ ഖന്ധാ സിയാ രൂപധാതുപരിയാപന്നാ, സിയാ ന രൂപധാതുപരിയാപന്നാ.

ദസായതനാ ന രൂപധാതുപരിയാപന്നാ; ദ്വേ ആയതനാ സിയാ രൂപധാതുപരിയാപന്നാ, സിയാ ന രൂപധാതുപരിയാപന്നാ.

സോളസ ധാതുയോ ന രൂപധാതുപരിയാപന്നാ; ദ്വേ ധാതുയോ സിയാ രൂപധാതുപരിയാപന്നാ, സിയാ ന രൂപധാതുപരിയാപന്നാ.

തീണി സച്ചാനി ന രൂപധാതുപരിയാപന്നാ; ദുക്ഖസച്ചം സിയാ രൂപധാതുപരിയാപന്നം, സിയാ ന രൂപധാതുപരിയാപന്നം.

തേരസിന്ദ്രിയാ ന രൂപധാതുപരിയാപന്നാ; നവിന്ദ്രിയാ സിയാ രൂപധാതുപരിയാപന്നാ, സിയാ ന രൂപധാതുപരിയാപന്നാ.

തയോ അകുസലഹേതൂ ന രൂപധാതുപരിയാപന്നാ; ഛ ഹേതൂ സിയാ രൂപധാതുപരിയാപന്നാ, സിയാ ന രൂപധാതുപരിയാപന്നാ.

കബളീകാരോ ആഹാരോ ന രൂപധാതുപരിയാപന്നോ; തയോ ആഹാരാ സിയാ രൂപധാതുപരിയാപന്നാ, സിയാ ന രൂപധാതുപരിയാപന്നാ.

ഛ ഫസ്സാ ന രൂപധാതുപരിയാപന്നാ; മനോവിഞ്ഞാണധാതുസമ്ഫസ്സോ സിയാ രൂപധാതുപരിയാപന്നോ, സിയാ ന രൂപധാതുപരിയാപന്നോ.

ഛ വേദനാ…പേ… ഛ സഞ്ഞാ… ഛ ചേതനാ… ഛ ചിത്താ ന രൂപധാതുപരിയാപന്നാ; മനോവിഞ്ഞാണധാതു സിയാ രൂപധാതുപരിയാപന്നാ, സിയാ ന രൂപധാതുപരിയാപന്നാ.

൩. അരൂപധാതു

൧൦൦൩. പഞ്ചന്നം ഖന്ധാനം കതി അരൂപധാതുപരിയാപന്നാ, കതി ന അരൂപധാതുപരിയാപന്നാ…പേ… സത്തന്നം ചിത്താനം കതി അരൂപധാതുപരിയാപന്നാ, കതി ന അരൂപധാതുപരിയാപന്നാ?

൧൦൦൪. രൂപക്ഖന്ധോ ന അരൂപധാതുപരിയാപന്നോ; ചത്താരോ ഖന്ധാ സിയാ അരൂപധാതുപരിയാപന്നാ, സിയാ ന അരൂപധാതുപരിയാപന്നാ.

ദസായതനാ ന അരൂപധാതുപരിയാപന്നാ; ദ്വേ ആയതനാ സിയാ അരൂപധാതുപരിയാപന്നാ, സിയാ ന അരൂപധാതുപരിയാപന്നാ.

സോളസ ധാതുയോ ന അരൂപധാതുപരിയാപന്നാ; ദ്വേ ധാതുയോ സിയാ അരൂപധാതുപരിയാപന്നാ, സിയാ ന അരൂപധാതുപരിയാപന്നാ.

തീണി സച്ചാനി ന അരൂപധാതുപരിയാപന്നാനി.

ദുക്ഖസച്ചം സിയാ അരൂപധാതുപരിയാപന്നം, സിയാ ന അരൂപധാതുപരിയാപന്നം.

ചുദ്ദസിന്ദ്രിയാ ന അരൂപധാതുപരിയാപന്നാ; അട്ഠിന്ദ്രിയാ സിയാ അരൂപധാതുപരിയാപന്നാ, സിയാ ന അരൂപധാതുപരിയാപന്നാ.

തയോ അകുസലഹേതൂ ന അരൂപധാതുപരിയാപന്നാ; ഛ ഹേതൂ സിയാ അരൂപധാതുപരിയാപന്നാ, സിയാ ന അരൂപധാതുപരിയാപന്നാ.

കബളീകാരോ ആഹാരോ ന അരൂപധാതുപരിയാപന്നോ; തയോ ആഹാരാ സിയാ അരൂപധാതുപരിയാപന്നാ, സിയാ ന അരൂപധാതുപരിയാപന്നാ.

ഛ ഫസ്സാ ന അരൂപധാതുപരിയാപന്നാ; മനോവിഞ്ഞാണധാതുസമ്ഫസ്സോ സിയാ അരൂപധാതുപരിയാപന്നോ, സിയാ ന അരൂപധാതുപരിയാപന്നോ.

ഛ വേദനാ…പേ… ഛ സഞ്ഞാ … ഛ ചേതനാ… ഛ ചിത്താ ന അരൂപധാതുപരിയാപന്നാ; മനോവിഞ്ഞാണധാതു സിയാ അരൂപധാതുപരിയാപന്നാ, സിയാ ന അരൂപധാതുപരിയാപന്നാ.

൪. പരിയാപന്നാപരിയാപന്നം

൧൦൦൫. പഞ്ചന്നം ഖന്ധാനം കതി പരിയാപന്നാ, കതി അപരിയാപന്നാ…പേ… സത്തന്നം ചിത്താനം കതി പരിയാപന്നാ, കതി അപരിയാപന്നാ?

൧൦൦൬. രൂപക്ഖന്ധോ പരിയാപന്നോ; ചത്താരോ ഖന്ധാ സിയാ പരിയാപന്നാ, സിയാ അപരിയാപന്നാ.

ദസായതനാ പരിയാപന്നാ; ദ്വേ ആയതനാ സിയാ പരിയാപന്നാ, സിയാ അപരിയാപന്നാ.

സോളസ ധാതുയോ പരിയാപന്നാ; ദ്വേ ധാതുയോ സിയാ പരിയാപന്നാ, സിയാ അപരിയാപന്നാ.

ദ്വേ സച്ചാ പരിയാപന്നാ; ദ്വേ സച്ചാ അപരിയാപന്നാ.

ദസിന്ദ്രിയാ പരിയാപന്നാ, തീണിന്ദ്രിയാ അപരിയാപന്നാ; നവിന്ദ്രിയാ സിയാ പരിയാപന്നാ, സിയാ അപരിയാപന്നാ.

തയോ അകുസലഹേതൂ പരിയാപന്നാ; ഛ ഹേതൂ സിയാ പരിയാപന്നാ, സിയാ അപരിയാപന്നാ.

കബളീകാരോ ആഹാരോ പരിയാപന്നോ; തയോ ആഹാരാ സിയാ പരിയാപന്നാ, സിയാ അപരിയാപന്നാ.

ഛ ഫസ്സാ പരിയാപന്നാ; മനോവിഞ്ഞാണധാതുസമ്ഫസ്സോ സിയാ പരിയാപന്നോ, സിയാ അപരിയാപന്നോ.

ഛ വേദനാ…പേ… ഛ സഞ്ഞാ… ഛ ചേതനാ… ഛ ചിത്താ പരിയാപന്നാ; മനോവിഞ്ഞാണധാതു സിയാ പരിയാപന്നാ, സിയാ അപരിയാപന്നാ.