(൩൪) പാപിച്ഛതാ

൮൫൧. തത്ഥ കതമാ പാപിച്ഛതാ? ഇധേകച്ചോ അസ്സദ്ധോ സമാനോ ‘‘സദ്ധോതി മം ജനോ ജാനാതൂ’’തി ഇച്ഛതി, ദുസ്സീലോ സമാനോ ‘‘സീലവാതി മം ജനോ ജാനാതൂ’’തി ഇച്ഛതി, അപ്പസ്സുതോ സമാനോ ‘‘ബഹുസ്സുതോതി മം ജനോ ജാനാതൂ’’തി ഇച്ഛതി, സങ്ഗണികാരാമോ സമാനോ ‘‘പവിവിത്തോതി മം ജനോ ജാനാതൂ’’തി ഇച്ഛതി, കുസീതോ സമാനോ ‘‘ആരദ്ധവീരിയോതി മം ജനോ ജാനാതൂ’’തി ഇച്ഛതി, മുട്ഠസ്സതീ സമാനോ ‘‘ഉപട്ഠിതസ്സതീതി മം ജനോ ജാനാതൂ’’തി ഇച്ഛതി, അസമാഹിതോ സമാനോ ‘‘സമാഹിതോതി മം ജനോ ജാനാതൂ’’തി ഇച്ഛതി, ദുപ്പഞ്ഞോ സമാനോ ‘‘പഞ്ഞവാതി മം ജനോ ജാനാതൂ’’തി ഇച്ഛതി, അഖീണാസവോ സമാനോ ‘‘ഖീണാസവോതി മം ജനോ ജാനാതൂ’’തി ഇച്ഛതി – യാ ഏവരൂപാ ഇച്ഛാ ഇച്ഛാഗതാ പാപിച്ഛതാ രാഗോ സാരാഗോ ചിത്തസ്സ സാരാഗോ – അയം വുച്ചതി ‘‘പാപിച്ഛതാ’’.