൧. ഏകകമാതികാ

൮൩൨. (൧)ജാതിമദോ (൨)ഗോത്തമദോ (൩)ആരോഗ്യമദോ (൪)യോബ്ബനമദോ (൫)ജീവിതമദോ (൬)ലാഭമദോ (൭)സക്കാരമദോ (൮) ഗരുകാരമദോ (൯) പുരേക്ഖാരമദോ (൧൦) പരിവാരമദോ (൧൧) ഭോഗമദോ (൧൨) വണ്ണമദോ (൧൩) സുതമദോ (൧൪) പടിഭാനമദോ (൧൫) രത്തഞ്ഞുമദോ (൧൬) പിണ്ഡപാതികമദോ (൧൭) അനവഞ്ഞാതമദോ (൧൮) ഇരിയാപഥമദോ (൧൯) ഇദ്ധിമദോ (൨൦) യസമദോ (൨൧) സീലമദോ (൨൨) ഝാനമദോ (൨൩) സിപ്പമദോ (൨൪) ആരോഹമദോ (൨൫) പരിണാഹമദോ (൨൬) സണ്ഠാനമദോ (൨൭) പാരിപൂരിമദോ (൨൮)മദോ (൨൯) പമാദോ (൩൦) ഥമ്ഭോ (൩൧) സാരമ്ഭോ (൩൨) അത്രിച്ഛതാ (൩൩)മഹിച്ഛതാ (൩൪) പാപിച്ഛതാ (൩൫) സിങ്ഗം (൩൬) തിന്തിണം (൩൭) ചാപല്യം (൩൮)അസഭാഗവുത്തി (൩൯) അരതി (൪൦) തന്ദീ (൪൧) വിജമ്ഭിതാ (൪൨) ഭത്തസമ്മദോ (൪൩) ചേതസോ ച ലീനത്തം [ചേതസോ ലീനത്തം (സ്യാ.)] (൪൪) കുഹനാ (൪൫) ലപനാ (൪൬) നേമിത്തികതാ (൪൭)നിപ്പേസികതാ (൪൮) ലാഭേന ലാഭം നിജിഗീസനതാ [നിജിഗിംസനതാ (സീ.), ജിഗിംസനതാ (സ്യാ.)] (൪൯) സേയ്യോഹമസ്മീതി മാനോ (൫൦) സദിസോഹമസ്മീതി മാനോ (൫൧) ഹീനോ ഹമസ്മീതി മാനോ (൫൨) സേയ്യസ്സ സേയ്യോഹമസ്മീതി മാനോ (൫൩) സേയ്യസ്സ സദിസോഹമസ്മീതി മാനോ (൫൪) സേയ്യസ്സ ഹീനോഹമസ്മീതി മാനോ (൫൫) സദിസസ്സ സേയ്യോഹമസ്മീതി മാനോ (൫൬) സദിസസ്സ സദിസോഹമസ്മീതി മാനോ (൫൭) സദിസസ്സ ഹീനോഹമസ്മീതി മാനോ (൫൮) ഹീനസ്സ സേയ്യോഹമസ്മീതി മാനോ (൫൯) ഹീനസ്സ സദിസോഹമസ്മീതി മാനോ (൬൦) ഹീനസ്സ ഹീനോഹമസ്മീതി മാനോ (൬൧) മാനോ (൬൨) അതിമാനോ (൬൩) മാനാതിമാനോ (൬൪) ഓമാനോ (൬൫)അധിമാനോ (൬൬) അസ്മിമാനോ (൬൭) മിച്ഛാമാനോ (൬൮) ഞാതിവിതക്കോ (൬൯)ജനപദവിതക്കോ (൭൦) അമരവിതക്കോ (൭൧) പരാനുദ്ദയതാപടിസംയുത്തോ വിതക്കോ (൭൨) ലാഭസക്കാരസിലോകപടിസംയുത്തോ വിതക്കോ (൭൩) അനവഞ്ഞത്തിപടിസംയുത്തോ വിതക്കോ

ഏകകം.

൨. ദുകമാതികാ

൮൩൩. (൧) കോധോ ച ഉപനാഹോ ച (൨) മക്ഖോ ച പളാസോ [പലാസോ (സീ. സ്യാ.)] ച (൩) ഇസ്സാ ച മച്ഛരിയഞ്ച (൪) മായാ ച സാഠേയ്യഞ്ച (൫) അവിജ്ജാ ച ഭവതണ്ഹാ ച (൬) ഭവദിട്ഠി ച വിഭവദിട്ഠി ച (൭) സസ്സതദിട്ഠി ച ഉച്ഛേദദിട്ഠി ച (൮) അന്തവാദിട്ഠി ച അനന്തവാദിട്ഠി ച (൯) പുബ്ബന്താനുദിട്ഠി ച അപരന്താനുദിട്ഠി ച (൧൦) അഹിരികഞ്ച അനോത്തപ്പഞ്ച (൧൧) ദോവചസ്സതാ ച പാപമിത്തതാ ച (൧൨) അനജ്ജവോ ച അമദ്ദവോ ച (൧൩) അക്ഖന്തി ച അസോരച്ചഞ്ച (൧൪) അസാഖല്യഞ്ച അപ്പടിസന്ഥാരോ ച (൧൫)ഇന്ദ്രിയേസു അഗുത്തദ്വാരതാ ച ഭോജനേ അമത്തഞ്ഞുതാ ച (൧൬) മുട്ഠസ്സച്ചഞ്ച അസമ്പജഞ്ഞഞ്ച (൧൭) സീലവിപത്തി ച ദിട്ഠിവിപത്തി ച (൧൮) അജ്ഝത്തസംയോജനഞ്ച ബഹിദ്ധാസംയോജനഞ്ച

ദുകം.

൩. തികമാതികാ

൮൩൪. (൧) തീണി അകുസലമൂലാനി (൨) തയോ അകുസലവിതക്കാ (൩) തിസ്സോ അകുസലസഞ്ഞാ (൪) തിസ്സോ അകുസലധാതുയോ (൫) തീണി ദുച്ചരിതാനി (൬) തയോ ആസവാ (൭) തീണി സംയോജനാനി (൮) തിസ്സോ തണ്ഹാ (൯) അപരാപി തിസ്സോ തണ്ഹാ (൧൦) അപരാപി തിസ്സോ തണ്ഹാ (൧൧) തിസ്സോ ഏസനാ (൧൨) തിസ്സോ വിധാ (൧൩) തീണി ഭയാനി (൧൪)തീണി തമാനി (൧൫) തീണി തിത്ഥായതനാനി (൧൬) തയോ കിഞ്ചനാ (൧൭) തീണി അങ്ഗണാനി (൧൮) തീണി മലാനി (൧൯) തീണി വിസമാനി (൨൦) അപരാനിപി തീണി വിസമാനി (൨൧) തയോ അഗ്ഗീ (൨൨) തയോ കസാവാ (൨൩) അപരേപി തയോ കസാവാ (൨൪)അസ്സാദദിട്ഠി, അത്താനുദിട്ഠി, മിച്ഛാദിട്ഠി (൨൫) അരതി, വിഹേസാ, അധമ്മചരിയാ (൨൬)ദോവചസ്സതാ, പാപമിത്തതാ, നാനത്തസഞ്ഞാ (൨൭) ഉദ്ധച്ചം, കോസജ്ജം, പമാദോ (൨൮) അസന്തുട്ഠിതാ, അസമ്പജഞ്ഞതാ, മഹിച്ഛതാ (൨൯) അഹിരികം, അനോത്തപ്പം, പമാദോ (൩൦)അനാദരിയം, ദോവചസ്സതാ, പാപമിത്തതാ (൩൧) അസ്സദ്ധിയം, അവദഞ്ഞുതാ, കോസജ്ജം (൩൨) ഉദ്ധച്ചം, അസംവരോ, ദുസ്സീല്യം (൩൩) അരിയാനം അദസ്സനകമ്യതാ, സദ്ധമ്മം അസോതുകമ്യതാ, ഉപാരമ്ഭചിത്തതാ (൩൪) മുട്ഠസ്സച്ചം, അസമ്പജഞ്ഞം, ചേതസോ വിക്ഖേപോ (൩൫)അയോനിസോ മനസികാരോ, കുമ്മഗ്ഗസേവനാ, ചേതസോ ച ലീനത്തം

തികം.

൪. ചതുക്കമാതികാ

൮൩൫. (൧) ചത്താരോ ആസവാ (൨) ചത്താരോ ഗന്ഥാ (൩) ചത്താരോ ഓഘാ (൪) ചത്താരോ യോഗാ (൫) ചത്താരി ഉപാദാനാനി (൬) ചത്താരോ തണ്ഹുപ്പാദാ (൭) ചത്താരി അഗതിഗമനാനി (൮) ചത്താരോ വിപരിയാസാ [വിപരിയേസാ (സീ. സ്യാ. ക.)] (൯) ചത്താരോ അനരിയവോഹാരാ (൧൦) അപരേപി ചത്താരോ അനരിയവോഹാരാ (൧൧) ചത്താരി ദുച്ചരിതാനി (൧൨) അപരാനിപി ചത്താരി ദുച്ചരിതാനി (൧൩)ചത്താരി ഭയാനി (൧൪) അപരാനിപി ചത്താരി ഭയാനി (൧൫) ചതസ്സോ ദിട്ഠിയോ

ചതുക്കം.

൫. പഞ്ചകമാതികാ

൮൩൬. (൧) പഞ്ചോരമ്ഭാഗിയാനി സംയോജനാനി (൨) പഞ്ചുദ്ധമ്ഭാഗിയാനി സംയോജനാനി (൩) പഞ്ച മച്ഛരിയാനി (൪) പഞ്ച സങ്ഗാ (൫) പഞ്ച സല്ലാ (൬) പഞ്ച ചേതോഖിലാ (൭)പഞ്ച ചേതസോവിനിബന്ധാ [ചേതസോവിനിബദ്ധാ (ക.)] (൮) പഞ്ച നീവരണാനി (൯) പഞ്ച കമ്മാനി ആനന്തരികാനി (൧൦) പഞ്ച ദിട്ഠിയോ (൧൧) പഞ്ച വേരാ (൧൨) പഞ്ച ബ്യസനാ (൧൩) പഞ്ച അക്ഖന്തിയാ ആദീനവാ (൧൪) പഞ്ച ഭയാനി (൧൫) പഞ്ച ദിട്ഠധമ്മനിബ്ബാനവാദാ

പഞ്ചകം.

൬. ഛക്കമാതികാ

൮൩൭. (൧) ഛ വിവാദമൂലാനി (൨) ഛ ഛന്ദരാഗാ (൩) ഛ വിരോധവത്ഥൂനി (൪) ഛ തണ്ഹാകായാ (൫) ഛ അഗാരവാ (൬) ഛ പരിഹാനിയാ ധമ്മാ (൭) അപരേപി ഛ പരിഹാനിയാ ധമ്മാ (൮) ഛ സോമനസ്സുപവിചാരാ (൯) ഛ ദോമനസ്സുപവിചാരാ (൧൦) ഛ ഉപേക്ഖുപവിചാരാ (൧൧) ഛ ഗേഹസിതാനി സോമനസ്സാനി (൧൨) ഛ ഗേഹസിതാനി ദോമനസ്സാനി (൧൩) ഛ ഗേഹസിതാ ഉപേക്ഖാ (൧൪) ഛ ദിട്ഠിയോ

ഛക്കം.

൭. സത്തകമാതികാ

൮൩൮. (൧) സത്ത അനുസയാ (൨) സത്ത സംയോജനാനി (൩) സത്ത പരിയുട്ഠാനാനി (൪)സത്ത അസദ്ധമ്മാ (൫) സത്ത ദുച്ചരിതാനി (൬) സത്ത മാനാ (൭) സത്ത ദിട്ഠിയോ

സത്തകം.

൮. അട്ഠകമാതികാ

൮൩൯. (൧) അട്ഠ കിലേസവത്ഥൂനി (൨) അട്ഠ കുസീതവത്ഥൂനി (൩) അട്ഠസു ലോകധമ്മേസു ചിത്തസ്സ പടിഘാതോ (൪) അട്ഠ അനരിയവോഹാരാ (൫) അട്ഠ മിച്ഛത്താ (൬) അട്ഠ പുരിസദോസാ (൭) അട്ഠ അസഞ്ഞിവാദാ (൮) അട്ഠ നേവസഞ്ഞിനാസഞ്ഞിവാദാ

അട്ഠകം.

൯. നവകമാതികാ

൮൪൦. (൧) നവ ആഘാതവത്ഥൂനി (൨) നവ പുരിസമലാനി (൩) നവവിധാ മാനാ (൪)നവ തണ്ഹാമൂലകാ ധമ്മാ (൫) നവ ഇഞ്ജിതാനി (൬) നവ മഞ്ഞിതാനി (൭) നവ ഫന്ദിതാനി (൮) നവ പപഞ്ചിതാനി (൯) നവ സങ്ഖതാനി

നവകം.

൧൦. ദസകമാതികാ

൮൪൧. (൧) ദസ കിലേസവത്ഥൂനി (൨) ദസ ആഘാതവത്ഥൂനി (൩) ദസ അകുസലകമ്മപഥാ (൪) ദസ സംയോജനാനി (൫) ദസ മിച്ഛത്താ (൬) ദസവത്ഥുകാ മിച്ഛാദിട്ഠി (൭) ദസവത്ഥുകാ അന്തഗ്ഗാഹികാ ദിട്ഠി

ദസകം.

൮൪൨. അട്ഠാരസ തണ്ഹാവിചരിതാനി അജ്ഝത്തികസ്സ ഉപാദായ, അട്ഠാരസ തണ്ഹാവിചരിതാനി ബാഹിരസ്സ ഉപാദായ, തദേകജ്ഝം അഭിസഞ്ഞൂഹിത്വാ അഭിസങ്ഖിപിത്വാ ഛത്തിംസ തണ്ഹാവിചരിതാനി ഹോന്തി. ഇതി അതീതാനി ഛത്തിംസ തണ്ഹാവിചരിതാനി, അനാഗതാനി ഛത്തിംസ തണ്ഹാവിചരിതാനി, പച്ചുപ്പന്നാനി ഛത്തിംസ തണ്ഹാവിചരിതാനി, തദേകജ്ഝം അഭിസഞ്ഞൂഹിത്വാ അഭിസങ്ഖിപിത്വാ അട്ഠ തണ്ഹാവിചരിതസതം ഹോതി. യാനി ച ദ്വാസട്ഠി ദിട്ഠിഗതാനി ബ്രഹ്മജാലേ വേയ്യാകരണേ വുത്താനി ഭഗവതാ.

മാതികാ.