൨-൬-൧. സഹേതുകാദിദുകാനി-ഹേതുദുകം

൧൮. നസഹേതുകം നഹേതും ധമ്മം പടിച്ച നസഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. നസഹേതുകം നഹേതും ധമ്മം പടിച്ച നഅഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. നസഹേതുകം നഹേതും ധമ്മം പടിച്ച നസഹേതുകോ നഹേതു ച നഅഹേതുകോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

നഅഹേതുകം നഹേതും ധമ്മം പടിച്ച നഅഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. നഅഹേതുകം നഹേതും ധമ്മം പടിച്ച നസഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. നഅഹേതുകം നഹേതും ധമ്മം പടിച്ച നസഹേതുകോ നഹേതു ച നഅഹേതുകോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

നസഹേതുകം നഹേതുഞ്ച നഅഹേതുകം നഹേതുഞ്ച ധമ്മം പടിച്ച നസഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. നസഹേതുകം നഹേതുഞ്ച നഅഹേതുകം നഹേതുഞ്ച ധമ്മം പടിച്ച നഅഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ. നസഹേതുകം നഹേതുഞ്ച നഅഹേതുകം നഹേതുഞ്ച ധമ്മം പടിച്ച നസഹേതുകോ നഹേതു ച നഅഹേതുകോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ. (സബ്ബത്ഥ വിത്ഥാരോ.)

൧൯. നഅഹേതുകം നനഹേതും ധമ്മം പടിച്ച നഅഹേതുകോ നനഹേതു ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സബ്ബത്ഥ ഏകം.)

൨൦. നഹേതുസമ്പയുത്തം നഹേതും ധമ്മം പടിച്ച….

നഹേതുവിപ്പയുത്തം നനഹേതും ധമ്മം പടിച്ച….

൨൧. നഹേതുഞ്ചേവ നഅഹേതുകഞ്ച നഹേതും ധമ്മം പടിച്ച…പേ… നഅഹേതുകഞ്ചേവ നന ച ഹേതും ധമ്മം പടിച്ച…പേ… നഹേതുഞ്ചേവ നഹേതുവിപ്പയുത്തഞ്ച നഹേതും ധമ്മം പടിച്ച…പേ… നഹേതുവിപ്പയുത്തഞ്ചേവ നന ച ഹേതും ധമ്മം പടിച്ച….

൨൨. നഹേതും നസഹേതുകം നഹേതും ധമ്മം പടിച്ച…പേ… നഹേതും നഅഹേതുകം നഹേതും ധമ്മം പടിച്ച….