൮൩-൧. പിട്ഠിദുക-ഹേതുദുകം

൩൭. നദസ്സനേന പഹാതബ്ബം നഹേതും ധമ്മം പടിച്ച…പേ… നനദസ്സനേന പഹാതബ്ബം നഹേതും ധമ്മം പടിച്ച…പേ… നഭാവനായ പഹാതബ്ബം നഹേതും ധമ്മം പടിച്ച …പേ… നനഭാവനായ പഹാതബ്ബം നഹേതും ധമ്മം പടിച്ച…പേ… നദസ്സനേന പഹാതബ്ബഹേതുകം നഹേതും ധമ്മം പടിച്ച…പേ… നനദസ്സനേന പഹാതബ്ബഹേതുകം നഹേതും ധമ്മം പടിച്ച…പേ… നഭാവനായ പഹാതബ്ബഹേതുകം നഹേതും ധമ്മം പടിച്ച…പേ… നനഭാവനായ പഹാതബ്ബഹേതുകം നഹേതും ധമ്മം പടിച്ച….

൩൮. നസവിതക്കം നഹേതും ധമ്മം പടിച്ച…പേ… നഅവിതക്കം നഹേതും ധമ്മം പടിച്ച…പേ… നസവിചാരം നഹേതും ധമ്മം പടിച്ച…പേ… നഅവിചാരം നഹേതും ധമ്മം പടിച്ച…പേ… നസപ്പീതികം നഹേതും ധമ്മം പടിച്ച…പേ… നഅപ്പീതികം നഹേതും ധമ്മം പടിച്ച…പേ… നപീതിസഹഗതം നഹേതും ധമ്മം പടിച്ച…പേ… നനപീതിസഹഗതം നഹേതും ധമ്മം പടിച്ച…പേ… നസുഖസഹഗതം നഹേതും ധമ്മം പടിച്ച…പേ… നനസുഖസഹഗതം നഹേതും ധമ്മം പടിച്ച…പേ… നഉപേക്ഖാസഹഗതം നഹേതും ധമ്മം പടിച്ച…പേ… നനഉപേക്ഖാസഹഗതം നഹേതും ധമ്മം പടിച്ച….

൩൯. നകാമാവചരം നഹേതും ധമ്മം പടിച്ച…പേ… നനകാമാവചരം നഹേതും ധമ്മം പടിച്ച…പേ… നരൂപാവചരം നഹേതും ധമ്മം പടിച്ച…പേ… നനരൂപാവചരം നഹേതും ധമ്മം പടിച്ച….

൪൦. നഅരൂപാവചരം നഹേതും ധമ്മം പടിച്ച…പേ… നനഅരൂപാവചരം നഹേതും ധമ്മം പടിച്ച….

നപരിയാപന്നം നഹേതും ധമ്മം പടിച്ച…പേ… നഅപരിയാപന്നം നഹേതും ധമ്മം പടിച്ച….

൪൧. നനിയ്യാനികം നഹേതും ധമ്മം പടിച്ച…പേ… നഅനിയ്യാനികം നഹേതും ധമ്മം പടിച്ച…പേ… നനിയതം നഹേതും ധമ്മം പടിച്ച…പേ… നഅനിയതം നഹേതും ധമ്മം പടിച്ച….

നസഉത്തരം നഹേതും ധമ്മം പടിച്ച…പേ… നഅനുത്തരം നഹേതും ധമ്മം പടിച്ച….

൪൨. നസരണം നഹേതും ധമ്മം പടിച്ച നസരണോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

നഅരണം നഹേതും ധമ്മം പടിച്ച നഅരണോ നഹേതു ധമ്മോ ഉപ്പജ്ജതി ഹേതുപച്ചയാ. നഅരണം നഹേതും ധമ്മം പടിച്ച നസരണോ നഹേതു ധമ്മോ ഉപ്പജ്ജതി ഹേതുപച്ചയാ. നഅരണം നഹേതും ധമ്മം പടിച്ച നസരണോ നഹേതു ച നഅരണോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩)

നസരണം നഹേതുഞ്ച നഅരണം നഹേതുഞ്ച ധമ്മം പടിച്ച നസരണോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

ഹേതുയാ പഞ്ച…പേ… അവിഗതേ പഞ്ച. (സബ്ബത്ഥ വിത്ഥാരോ.)

൪൩. നസരണം നനഹേതും ധമ്മം പടിച്ച നസരണോ നനഹേതു ധമ്മോ ഉപ്പജ്ജതി ഹേതുപച്ചയാ. (൧)

നഅരണം നനഹേതും ധമ്മം പടിച്ച നഅരണോ നനഹേതു ധമ്മോ ഉപ്പജ്ജതി ഹേതുപച്ചയാ. (൧).

ഹേതുയാ ദ്വേ…പേ… അവിഗതേ ദ്വേ. (സബ്ബത്ഥ വിത്ഥാരോ.)