൨൨-൧. സനിദസ്സനത്തിക-കുസലത്തികം

൬൩. നസനിദസ്സനസപ്പടിഘം നകുസലം ധമ്മം പടിച്ച നസനിദസ്സനസപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ. നസനിദസ്സനസപ്പടിഘം നകുസലം ധമ്മം പടിച്ച നഅനിദസ്സനസപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ. നസനിദസ്സനസപ്പടിഘം നകുസലം ധമ്മം പടിച്ച നഅനിദസ്സനഅപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ…പേ… ഛ.

നഅനിദസ്സനസപ്പടിഘം നകുസലം ധമ്മം പടിച്ച നഅനിദസ്സനസപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ. നഅനിദസ്സനസപ്പടിഘം നകുസലം ധമ്മം പടിച്ച നസനിദസ്സനസപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ. നഅനിദസ്സനസപ്പടിഘം നകുസലം ധമ്മം പടിച്ച നഅനിദസ്സനഅപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ…പേ… ഛ.

നഅനിദസ്സനഅപ്പടിഘം നകുസലം ധമ്മം പടിച്ച നഅനിദസ്സനഅപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ… ഛ.

നസനിദസ്സനസപ്പടിഘം നകുസലഞ്ച നഅനിദസ്സനഅപ്പടിഘം നകുസലഞ്ച ധമ്മം പടിച്ച നസനിദസ്സനസപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ… ഛ.

നഅനിദസ്സനസപ്പടിഘം നകുസലഞ്ച നഅനിദസ്സനഅപ്പടിഘം നകുസലഞ്ച ധമ്മം പടിച്ച നസനിദസ്സനസപ്പടിഘോ നകുസലോ ധമ്മോ ഉപ്പജ്ജതി ഹേതുപച്ചയാ… ഛ (സംഖിത്തം). ഹേതുയാ തിംസ, ആരമ്മണേ നവ…പേ… അവിഗതേ തിംസ. (സബ്ബത്ഥ വിത്ഥാരോ.)

൬൪. നസനിദസ്സനസപ്പടിഘം നഅകുസലം ധമ്മം പടിച്ച നസനിദസ്സനസപ്പടിഘോ നഅകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ തിംസ, ആരമ്മണേ നവ…പേ… അവിഗതേ തിംസ. (സബ്ബത്ഥ വിത്ഥാരോ.)

൬൫. നസനിദസ്സനസപ്പടിഘം നഅബ്യാകതം ധമ്മം പടിച്ച നസനിദസ്സനസപ്പടിഘോ നഅബ്യാകതോ ധമ്മോ ഉപ്പജ്ജതി ഹേതുപച്ചയാ.

ഹേതുയാ. നവ (സബ്ബത്ഥ നവ.)