൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. നഹേതും നകുസലം ധമ്മം പടിച്ച നഹേതു നകുസലോ ധമ്മോ ഉപ്പജ്ജതി ഹേതുപച്ചയാ – നഹേതും അകുസലം അബ്യാകതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം. നഹേതും നകുസലം ധമ്മം പടിച്ച നനഹേതും നകുസലോ ധമ്മോ ഉപ്പജ്ജതി ഹേതുപച്ചയാ – നഹേതൂ അകുസലേ അബ്യാകതേ ഖന്ധേ പടിച്ച ഹേതൂ. നഹേതും നകുസലം ധമ്മം പടിച്ച നഹേതു നകുസലോ ച നനഹേതു നകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

നനഹേതും നകുസലം ധമ്മം പടിച്ച നനഹേതു നകുസലോ ധമ്മോ ഉപ്പജ്ജതി ഹേതുപച്ചയാ. നനഹേതും നകുസലം ധമ്മം പടിച്ച നഹേതു നകുസലോ ധമ്മോ ഉപ്പജ്ജതി ഹേതുപച്ചയാ. നനഹേതും നകുസലം ധമ്മം പടിച്ച നഹേതു നകുസലോ ച നനഹേതു നകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഹേതും നകുസലഞ്ച നനഹേതും നകുസലഞ്ച ധമ്മം പടിച്ച നഹേതു നകുസലോ ധമ്മോ ഉപ്പജ്ജതി ഹേതുപച്ചയാ. നഹേതും നകുസലഞ്ച നനഹേതും നകുസലഞ്ച ധമ്മം പടിച്ച നനഹേതു നകുസലോ ധമ്മോ ഉപ്പജ്ജതി ഹേതുപച്ചയാ. നഹേതും നകുസലഞ്ച നനഹേതും നകുസലഞ്ച ധമ്മം പടിച്ച നഹേതു നകുസലോ ച നനഹേതു നകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

൨. ഹേതുയാ നവ…പേ… അവിഗതേ നവ.

നഹേതുയാ ദ്വേ.

(സഹജാതവാരേപി…പേ… സമ്പയുത്തവാരേപി സബ്ബത്ഥ വിത്ഥാരോ.)

ഹേതു-ആരമ്മണപച്ചയാ

൩. നനഹേതു നകുസലോ ധമ്മോ നനഹേതുസ്സ നകുസലസ്സ ധമ്മസ്സ ഹേതുപച്ചയേന പച്ചയോ. നനഹേതു നകുസലോ ധമ്മോ നഹേതുസ്സ നകുസലസ്സ ധമ്മസ്സ ഹേതുപച്ചയേന പച്ചയോ. നനഹേതു നകുസലോ ധമ്മോ നഹേതുസ്സ നകുസലസ്സ ച നനഹേതുസ്സ നകുസലസ്സ ച ധമ്മസ്സ ഹേതുപച്ചയേന പച്ചയോ. (൩)

നഹേതു നകുസലോ ധമ്മോ നഹേതുസ്സ നകുസലസ്സ ധമ്മസ്സ ആരമ്മണപച്ചയേന പച്ചയോ. (സംഖിത്തം.)

൪. ഹേതുയാ തീണി, ആരമ്മണേ നവ…പേ… അവിഗതേ നവ. (പഞ്ഹാവാരം ഏവം വിത്ഥാരേതബ്ബം).

൫. നഹേതും നഅകുസലം ധമ്മം പടിച്ച നഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ – നഹേതും കുസലം അബ്യാകതം ഏകം ഖന്ധം പടിച്ച തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ…പേ… നഹേതും നഅകുസലം ധമ്മം പടിച്ച നനഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ – നഹേതൂ കുസലേ അബ്യാകതേ ഖന്ധേ പടിച്ച ഹേതൂ. നഹേതും നഅകുസലം ധമ്മം പടിച്ച നഹേതു നഅകുസലോ ച നനഹേതു നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

നനഹേതും നഅകുസലം ധമ്മം പടിച്ച നനഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ. നനഹേതും നഅകുസലം ധമ്മം പടിച്ച നഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ. നനഹേതും നഅകുസലം ധമ്മം പടിച്ച നഹേതു നഅകുസലോ ച നനഹേതു നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഹേതും നഅകുസലഞ്ച നനഹേതും നഅകുസലഞ്ച ധമ്മം പടിച്ച നഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ. നഹേതും നഅകുസലഞ്ച നനഹേതും നഅകുസലഞ്ച ധമ്മം പടിച്ച നനഹേതു നഅകുസലോ ധമ്മോ ഉപ്പജ്ജതി ഹേതുപച്ചയാ. നഹേതും നഅകുസലഞ്ച നനഹേതും നഅകുസലഞ്ച ധമ്മം പടിച്ച നഹേതു നഅകുസലോ ച നനഹേതു നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം).

ഹേതുയാ നവ…പേ… അവിഗതേ നവ. (സബ്ബത്ഥ നവ.)

൬. നഹേതും നഅബ്യാകതം ധമ്മം പടിച്ച നഹേതു നഅബ്യാകതോ ധമ്മോ ഉപ്പജ്ജതി ഹേതുപച്ചയാ – കുസലാകുസലം നഹേതും ഏകം ഖന്ധം പടിച്ച തയോ ഖന്ധാ, തയോ ഖന്ധേ പടിച്ച ഏകോ ഖന്ധോ. നഹേതും നഅബ്യാകതം ധമ്മം പടിച്ച നനഹേതു നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നഹേതും നഅബ്യാകതം ധമ്മം പടിച്ച നഹേതു നഅബ്യാകതോ ച നനഹേതു നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. (൩)

നനഹേതും നഅബ്യാകതം ധമ്മം പടിച്ച നനഹേതു നഅബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

നഹേതും നഅബ്യാകതഞ്ച നനഹേതും നഅബ്യാകതഞ്ച ധമ്മം പടിച്ച നഹേതു നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നഹേതും നഅബ്യാകതഞ്ച നനഹേതും നഅബ്യാകതഞ്ച ധമ്മം പടിച്ച നനഹേതു നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നഹേതും നഅബ്യാകതഞ്ച നനഹേതും നഅബ്യാകതഞ്ച ധമ്മം പടിച്ച നഹേതു നഅബ്യാകതോ ച നനഹേതു നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ…പേ… അവിഗതേ നവ. (സബ്ബത്ഥ നവ.)

൧-൨ ഹേതുദുക-വേദനാത്തികം

൭. നഹേതും നസുഖായ വേദനായ സമ്പയുത്തം ധമ്മം പടിച്ച നഹേതു നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. നഹേതും നസുഖായ വേദനായ സമ്പയുത്തം ധമ്മം പടിച്ച നനഹേതു നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ. (സബ്ബത്ഥ നവ.)

൮. നഹേതും നദുക്ഖായ വേദനായ സമ്പയുത്തം ധമ്മം പടിച്ച നഹേതു നദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ. (സബ്ബത്ഥ നവ.)

൯. നഹേതും നഅദുക്ഖമസുഖായ വേദനായ സമ്പയുത്തം ധമ്മം പടിച്ച നഹേതു നഅദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ. (സബ്ബത്ഥ നവ.)