൬. നഹേതുസഹേതുകദുകം

൧-൭. പടിച്ചവാരാദി

൧൩. നഹേതും നസഹേതുകം ധമ്മം പടിച്ച നഹേതു നസഹേതുകോ ധമ്മോ ഉപ്പജ്ജതി ഹേതുപച്ചയാ – ഏകം മഹാഭൂതം പടിച്ച തയോ മഹാഭൂതാ…പേ…. നഹേതും നസഹേതുകം ധമ്മം പടിച്ച നഹേതു നഅഹേതുകോ ധമ്മോ ഉപ്പജ്ജതി ഹേതുപച്ചയാ – പടിസന്ധിക്ഖണേ വത്ഥും പടിച്ച നഹേതുസഹേതുകാ ഖന്ധാ. നഹേതും നസഹേതുകം ധമ്മം പടിച്ച നഹേതു നസഹേതുകോ ച നഹേതു നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഹേതും നഅഹേതുകം ധമ്മം പടിച്ച നഹേതു നഅഹേതുകോ ധമ്മോ ഉപ്പജ്ജതി ഹേതുപച്ചയാ. നഹേതും നഅഹേതുകം ധമ്മം പടിച്ച നഹേതു നസഹേതുകോ ധമ്മോ ഉപ്പജ്ജതി ഹേതുപച്ചയാ. നഹേതും നഅഹേതുകം ധമ്മം പടിച്ച നഹേതു നസഹേതുകോ ച നഹേതു നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഹേതും നസഹേതുകഞ്ച നഹേതും നഅഹേതുകഞ്ച ധമ്മം പടിച്ച നഹേതു നസഹേതുകോ ധമ്മോ ഉപ്പജ്ജതി ഹേതുപച്ചയാ. നഹേതും നസഹേതുകഞ്ച നഹേതും നഅഹേതുകഞ്ച ധമ്മം പടിച്ച നഹേതു നഅഹേതുകോ ധമ്മോ ഉപ്പജ്ജതി ഹേതുപച്ചയാ. നഹേതും നസഹേതുകഞ്ച നഹേതും നഅഹേതുകഞ്ച ധമ്മം പടിച്ച നഹേതു നസഹേതുകോ ച നഹേതു നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

൧൪. ഹേതുയാ നവ, ആരമ്മണേ ചത്താരി…പേ… അവിഗതേ നവ.

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

ആരമ്മണപച്ചയോ

൧൫. നഹേതു നസഹേതുകോ ധമ്മോ നഹേതുസ്സ നസഹേതുകസ്സ ധമ്മസ്സ ആരമ്മണപച്ചയേന പച്ചയോ. നഹേതു നസഹേതുകോ ധമ്മോ നഹേതുസ്സ നഅഹേതുകസ്സ ധമ്മസ്സ ആരമ്മണപച്ചയേന പച്ചയോ. (൨)

നഹേതു നഅഹേതുകോ ധമ്മോ നഹേതുസ്സ നഅഹേതുകസ്സ ധമ്മസ്സ ആരമ്മണപച്ചയേന പച്ചയോ. നഹേതു നഅഹേതുകോ ധമ്മോ നഹേതുസ്സ നസഹേതുകസ്സ ധമ്മസ്സ ആരമ്മണപച്ചയേന പച്ചയോ. (൨) (സംഖിത്തം.)

൧൬. ആരമ്മണേ ചത്താരി…പേ… അവിഗതേ സത്ത.

ഹേതുഗോച്ഛകം നിട്ഠിതം.