൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൫. നസഹേതുകം ധമ്മം പടിച്ച നസഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച ചിത്തസമുട്ഠാനം രൂപം, ഏകം മഹാഭൂതം പടിച്ച തയോ മഹാഭൂതാ…പേ… ദ്വേ മഹാഭൂതേ പടിച്ച ദ്വേ മഹാഭൂതാ, മഹാഭൂതേ പടിച്ച ചിത്തസമുട്ഠാനം രൂപം കടത്താരൂപം ഉപാദാരൂപം. നസഹേതുകം ധമ്മം പടിച്ച നഅഹേതുകോ ധമ്മോ ഉപ്പജ്ജതി ഹേതുപച്ചയാ – വിചികിച്ഛാസഹഗതം ഉദ്ധച്ചസഹഗതം മോഹം പടിച്ച സമ്പയുത്തകാ ഖന്ധാ; പടിസന്ധിക്ഖണേ വത്ഥും പടിച്ച സഹേതുകാ ഖന്ധാ. നസഹേതുകം ധമ്മം പടിച്ച നസഹേതുകോ ച നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഅഹേതുകം ധമ്മം പടിച്ച നഅഹേതുകോ ധമ്മോ ഉപ്പജ്ജതി ഹേതുപച്ചയാ… തീണി.

നസഹേതുകഞ്ച നഅഹേതുകഞ്ച ധമ്മം പടിച്ച നസഹേതുകോ ധമ്മോ ഉപ്പജ്ജതി ഹേതുപച്ചയാ. നസഹേതുകഞ്ച നഅഹേതുകഞ്ച ധമ്മം പടിച്ച നഅഹേതുകോ ധമ്മോ ഉപ്പജ്ജതി ഹേതുപച്ചയാ. നസഹേതുകഞ്ച നഅഹേതുകഞ്ച ധമ്മം പടിച്ച നസഹേതുകോ ച നഅഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

൬. ഹേതുയാ നവ, ആരമ്മണേ ഛ…പേ… അവിഗതേ നവ.

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം ഏവം വിത്ഥാരേതബ്ബം.)

ഹേതു-ആരമ്മണപച്ചയാ

൭. നസഹേതുകോ ധമ്മോ നസഹേതുകസ്സ ധമ്മസ്സ ഹേതുപച്ചയേന പച്ചയോ. നസഹേതുകോ ധമ്മോ നഅഹേതുകസ്സ ധമ്മസ്സ ഹേതുപച്ചയേന പച്ചയോ. നസഹേതുകോ ധമ്മോ നസഹേതുകസ്സ ച നഅഹേതുകസ്സ ച ധമ്മസ്സ ഹേതുപച്ചയേന പച്ചയോ. (൩)

നഅഹേതുകോ ധമ്മോ നഅഹേതുകസ്സ ധമ്മസ്സ ഹേതുപച്ചയേന പച്ചയോ… തീണി.

നസഹേതുകോ ധമ്മോ നസഹേതുകസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം.)

൮. ഹേതുയാ ഛ, ആരമ്മണേ നവ…പേ… അവിഗതേ നവ.

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)