൫൦-൫൪. പരാമാസാദിദുകാനി

൪൮. നോപരാമാസം ധമ്മം പടിച്ച നോപരാമാസോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

൪൯. നപരാമട്ഠം ധമ്മം പടിച്ച നപരാമട്ഠോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

൫൦. നപരാമാസസമ്പയുത്തം ധമ്മം പടിച്ച നപരാമാസസമ്പയുത്തോ ധമ്മോ ഉപ്പജ്ജതി ഹേതുപച്ചയാ.

൫൧. നപരാമാസഞ്ചേവ നഅപരാമട്ഠഞ്ച ധമ്മം പടിച്ച നപരാമാസോ ചേവ നഅപരാമട്ഠോ ച ധമ്മോ ഉപ്പജ്ജതി ഹേതുപച്ചയാ. നപരാമാസഞ്ചേവ നഅപരാമട്ഠഞ്ച ധമ്മം പടിച്ച നഅപരാമട്ഠോ ചേവ നനോ ച പരാമാസോ ധമ്മോ ഉപ്പജ്ജതി ഹേതുപച്ചയാ. നപരാമാസഞ്ചേവ നഅപരാമട്ഠഞ്ച ധമ്മം പടിച്ച നപരാമാസോ ചേവ നഅപരാമട്ഠോ ച നഅപരാമട്ഠോ ചേവ നനോപരാമാസോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഅപരാമട്ഠഞ്ചേവ നനോ ച പരാമാസം ധമ്മം പടിച്ച നപരാമാസോ ചേവ നഅപരാമട്ഠോ ച ധമ്മോ ഉപ്പജ്ജതി ഹേതുപച്ചയാ. (൧)

നപരാമാസഞ്ചേവ നഅപരാമട്ഠഞ്ച നഅപരാമട്ഠഞ്ചേവ നനോ ച പരാമാസഞ്ച ധമ്മം പടിച്ച നപരാമാസോ ചേവ നഅപരാമട്ഠോ ച ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൫൨. പരാമാസവിപ്പയുത്തം നപരാമട്ഠം ധമ്മം പടിച്ച പരാമാസവിപ്പയുത്തോ നപരാമട്ഠോ ധമ്മോ ഉപ്പജ്ജതി ഹേതുപച്ചയാ. പരാമാസവിപ്പയുത്തം നപരാമട്ഠം ധമ്മം പടിച്ച പരാമാസവിപ്പയുത്തോ നഅപരാമട്ഠോ ധമ്മോ ഉപ്പജ്ജതി ഹേതുപച്ചയാ. പരാമാസവിപ്പയുത്തം നപരാമട്ഠം ധമ്മം പടിച്ച പരാമാസവിപ്പയുത്തോ നപരാമട്ഠോ ച പരാമാസവിപ്പയുത്തോ നഅപരാമട്ഠോ ച ധമ്മാ ഉപ്പജ്ജന്തി ഹേതുപച്ചയാ. (൩)

പരാമാസവിപ്പയുത്തം നഅപരാമട്ഠം ധമ്മം പടിച്ച പരാമാസവിപ്പയുത്തോ നഅപരാമട്ഠോ ധമ്മോ ഉപ്പജ്ജതി ഹേതുപച്ചയാ. (൧)

പരാമാസവിപ്പയുത്തം നപരാമട്ഠഞ്ച പരാമാസവിപ്പയുത്തം നഅപരാമട്ഠഞ്ച ധമ്മം പടിച്ച പരാമാസവിപ്പയുത്തോ നഅപരാമട്ഠോ ധമ്മോ ഉപ്പജ്ജതി ഹേതുപച്ചയാ. (൧)

ഹേതുയാ പഞ്ച, ആരമ്മണേ ദ്വേ…പേ…. അവിഗതേ പഞ്ച.

പരാമാസഗോച്ഛകം നിട്ഠിതം.