൩൦. ഗന്ഥഗന്ഥസമ്പയുത്തദുകം

൪൪. നഗന്ഥഞ്ചേവ നഗന്ഥവിപ്പയുത്തഞ്ച ധമ്മം പടിച്ച നഗന്ഥോ ചേവ നഗന്ഥവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. നഗന്ഥഞ്ചേവ നഗന്ഥവിപ്പയുത്തഞ്ച ധമ്മം പടിച്ച നഗന്ഥവിപ്പയുത്തോ ചേവ നനോ ച ഗന്ഥോ ധമ്മോ ഉപ്പജ്ജതി ഹേതുപച്ചയാ. നഗന്ഥഞ്ചേവ നഗന്ഥവിപ്പയുത്തഞ്ച ധമ്മം പടിച്ച നഗന്ഥോ ചേവ നഗന്ഥവിപ്പയുത്തോ ച നഗന്ഥവിപ്പയുത്തോ ചേവ നനോ ച ഗന്ഥോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഗന്ഥവിപ്പയുത്തഞ്ചേവ നനോ ച ഗന്ഥം ധമ്മം പടിച്ച നഗന്ഥവിപ്പയുത്തോ ചേവ നനോ ച ഗന്ഥോ ധമ്മോ ഉപ്പജ്ജതി ഹേതുപച്ചയാ. നഗന്ഥവിപ്പയുത്തഞ്ചേവ നനോ ച ഗന്ഥം ധമ്മം പടിച്ച നഗന്ഥോ ചേവ നഗന്ഥവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. നഗന്ഥവിപ്പയുത്തഞ്ചേവ നനോ ച ഗന്ഥം ധമ്മം പടിച്ച നഗന്ഥോ ചേവ നഗന്ഥവിപ്പയുത്തോ ച നഗന്ഥവിപ്പയുത്തോ ചേവ നനോ ച ഗന്ഥോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഗന്ഥഞ്ചേവ നഗന്ഥവിപ്പയുത്തഞ്ച നഗന്ഥവിപ്പയുത്തഞ്ചേവ നനോ ച ഗന്ഥഞ്ച ധമ്മം പടിച്ച നഗന്ഥോ ചേവ നഗന്ഥവിപ്പയുത്തോ ച ധമ്മോ ഉപ്പജ്ജതി ഹേതുപച്ചയാ. നഗന്ഥഞ്ചേവ നഗന്ഥവിപ്പയുത്തഞ്ച നഗന്ഥവിപ്പയുത്തഞ്ചേവ നനോ ച ഗന്ഥഞ്ച ധമ്മം പടിച്ച നഗന്ഥവിപ്പയുത്തോ ചേവ നനോ ച ഗന്ഥോ ധമ്മോ ഉപ്പജ്ജതി ഹേതുപച്ചയാ. നഗന്ഥഞ്ചേവ നഗന്ഥവിപ്പയുത്തഞ്ച നഗന്ഥവിപ്പയുത്തഞ്ചേവ നനോ ച ഗന്ഥഞ്ച ധമ്മം പടിച്ച നഗന്ഥോ ചേവ നഗന്ഥവിപ്പയുത്തോ ച നഗന്ഥവിപ്പയുത്തോ ചേവ നനോ ച ഗന്ഥോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ…പേ… അവിഗതേ നവ. (സബ്ബത്ഥ വിത്ഥാരോ.)