൧-൭. പടിച്ചവാരാദി

൩൧. നആസവഞ്ചേവ നഅനാസവഞ്ച ധമ്മം പടിച്ച നആസവോ ചേവ നഅനാസവോ ച ധമ്മോ ഉപ്പജ്ജതി ഹേതുപച്ചയാ. നആസവഞ്ചേവ നഅനാസവഞ്ച ധമ്മം പടിച്ച നഅനാസവോ ചേവ നനോ ച ആസവോ ധമ്മോ ഉപ്പജ്ജതി ഹേതുപച്ചയാ. നആസവഞ്ചേവ നഅനാസവഞ്ച ധമ്മം പടിച്ച നോആസവോ ചേവ നഅനാസവോ ച നഅനാസവോ ചേവ നനോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഅനാസവഞ്ചേവ നനോ ച ആസവം ധമ്മം പടിച്ച നഅനാസവോ ചേവ നനോ ച ആസവോ ധമ്മോ ഉപ്പജ്ജതി ഹേതുപച്ചയാ. നഅനാസവഞ്ചേവ നനോ ച ആസവം ധമ്മം പടിച്ച നആസവോ ചേവ നഅനാസവോ ച ധമ്മോ ഉപ്പജ്ജതി ഹേതുപച്ചയാ. നഅനാസവഞ്ചേവ നനോ ച ആസവം ധമ്മം പടിച്ച നആസവോ ചേവ നഅനാസവോ ച നഅനാസവോ ചേവ നനോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ. (൩)

നആസവഞ്ചേവ നഅനാസവഞ്ച നഅനാസവഞ്ചേവ നനോആസവഞ്ച ധമ്മം പടിച്ച നആസവോ ചേവ നഅനാസവോ ച ധമ്മോ ഉപ്പജ്ജതി ഹേതുപച്ചയാ. നആസവഞ്ചേവ നഅനാസവഞ്ച നഅനാസവഞ്ചേവ നനോ ച ആസവം ധമ്മം പടിച്ച നഅനാസവോ ചേവ നനോ ച ആസവോ ധമ്മോ ഉപ്പജ്ജതി ഹേതുപച്ചയാ. നആസവഞ്ചേവ നഅനാസവഞ്ച നഅനാസവഞ്ചേവ നനോആസവഞ്ച ധമ്മം പടിച്ച നആസവോ ചേവ നഅനാസവോ ച നഅനാസവോ ചേവ നനോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ നവ, ആരമ്മണേ നവ…പേ… അവിഗതേ നവ (സബ്ബത്ഥ വിത്ഥാരോ).