൧-൭. പടിച്ചവാരാദി

൨൧. നസപ്പടിഘം ധമ്മം പടിച്ച നസപ്പടിഘോ ധമ്മോ ഉപ്പജ്ജതി ഹേതുപച്ചയാ. നസപ്പടിഘം ധമ്മം പടിച്ച നഅപ്പടിഘോ ധമ്മോ ഉപ്പജ്ജതി ഹേതുപച്ചയാ. നസപ്പടിഘം ധമ്മം പടിച്ച നസപ്പടിഘോ ച നഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. (൩)

നഅപ്പടിഘം ധമ്മം പടിച്ച നഅപ്പടിഘോ ധമ്മോ ഉപ്പജ്ജതി ഹേതുപച്ചയാ… തീണി.

നസപ്പടിഘഞ്ച നഅപ്പടിഘഞ്ച ധമ്മം പടിച്ച നസപ്പടിഘോ ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.)

ഹേതുയാ നവ, ആരമ്മണേ ഏകം.

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൨൨. നസപ്പടിഘോ ധമ്മോ നസപ്പടിഘസ്സ ധമ്മസ്സ ഹേതുപച്ചയേന പച്ചയോ. നസപ്പടിഘോ ധമ്മോ നഅപ്പടിഘസ്സ ധമ്മസ്സ ഹേതുപച്ചയേന പച്ചയോ. നസപ്പടിഘോ ധമ്മോ നസപ്പടിഘസ്സ ച നഅപ്പടിഘസ്സ ച ധമ്മസ്സ ഹേതുപച്ചയേന പച്ചയോ. (൩)

നസപ്പടിഘോ ധമ്മോ നസപ്പടിഘസ്സ ധമ്മസ്സ ആരമ്മണപച്ചയേന പച്ചയോ. നഅപ്പടിഘോ ധമ്മോ നസപ്പടിഘസ്സ ധമ്മസ്സ ആരമ്മണപച്ചയേന പച്ചയോ. (൨) (സംഖിത്തം.)

൨൩. ഹേതുയാ തീണി, ആരമ്മണേ ദ്വേ, അധിപതിയാ ചത്താരി…പേ… അവിഗതേ നവ.