ധമ്മപച്ചനീയേ തികപട്ഠാനം

൧. കുസലത്തികം

൧-൬. പടിച്ചവാരാദി

പച്ചയചതുക്കം

ഹേതു-ആരമ്മണപച്ചയാ

൧. നകുസലം ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ – അകുസലം അബ്യാകതം ഏകം ഖന്ധം പടിച്ച അകുസലാ അബ്യാകതാ തയോ ഖന്ധാ ചിത്തസമുട്ഠാനഞ്ച രൂപം…പേ… ദ്വേ ഖന്ധേ പടിച്ച ദ്വേ ഖന്ധാ ചിത്തസമുട്ഠാനഞ്ച രൂപം. നകുസലം ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. നകുസലം ധമ്മം പടിച്ച നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നകുസലം ധമ്മം പടിച്ച നകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. നകുസലം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. പഞ്ച.

൨. നഅകുസലം ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. നഅകുസലം ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ. നഅകുസലം ധമ്മം പടിച്ച നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നഅകുസലം ധമ്മം പടിച്ച നഅകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. നഅകുസലം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. പഞ്ച.

൩. നഅബ്യാകതം ധമ്മം പടിച്ച നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നഅബ്യാകതം ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ. നഅബ്യാകതം ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. നഅബ്യാകതം ധമ്മം പടിച്ച നകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. നഅബ്യാകതം ധമ്മം പടിച്ച നഅകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. നഅബ്യാകതം ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. ഛ.

൪. നകുസലഞ്ച നഅബ്യാകതഞ്ച ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ. നകുസലഞ്ച നഅബ്യാകതഞ്ച ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. നകുസലഞ്ച നഅബ്യാകതഞ്ച ധമ്മം പടിച്ച നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നകുസലഞ്ച നഅബ്യാകതഞ്ച ധമ്മം പടിച്ച നകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. നകുസലഞ്ച നഅബ്യാകതഞ്ച ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. പഞ്ച.

൫. നഅകുസലഞ്ച നഅബ്യാകതഞ്ച ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ. നഅകുസലഞ്ച നഅബ്യാകതഞ്ച ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. നഅകുസലഞ്ച നഅബ്യാകതഞ്ച ധമ്മം പടിച്ച നഅബ്യാകതോ ധമ്മോ ഉപ്പജ്ജതി ഹേതുപച്ചയാ. നഅകുസലഞ്ച നഅബ്യാകതഞ്ച ധമ്മം പടിച്ച നഅകുസലോ ച നഅബ്യാകതോ ച ധമ്മാ ഉപ്പജ്ജന്തി ഹേതുപച്ചയാ. നഅകുസലഞ്ച നഅബ്യാകതഞ്ച ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. പഞ്ച.

൬. നകുസലഞ്ച നഅകുസലഞ്ച ധമ്മം പടിച്ച നകുസലോ ധമ്മോ ഉപ്പജ്ജതി ഹേതുപച്ചയാ. നകുസലഞ്ച നഅകുസലഞ്ച ധമ്മം പടിച്ച നഅകുസലോ ധമ്മോ ഉപ്പജ്ജതി ഹേതുപച്ചയാ. നകുസലഞ്ച നഅകുസലഞ്ച ധമ്മം പടിച്ച നകുസലോ ച നഅകുസലോ ച ധമ്മാ ഉപ്പജ്ജന്തി ഹേതുപച്ചയാ. തീണി.

നകുസലം ധമ്മം പടിച്ച നകുസലോ ധമ്മോ ഉപ്പജ്ജതി ആരമ്മണപച്ചയാ. (സംഖിത്തം.)

൭. ഹേതുയാ ഏകൂനതിംസ, ആരമ്മണേ ചതുവീസ…പേ… അവിഗതേ ഏകൂനതിംസ.

(സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പടിച്ചവാരസദിസം.)

൧. കുസലത്തികം

൭. പഞ്ഹാവാരോ

പച്ചയചതുക്കം

ഹേതുആരമ്മണപച്ചയാദി

൮. നകുസലോ ധമ്മോ നകുസലസ്സ ധമ്മസ്സ ഹേതുപച്ചയേന പച്ചയോ…പേ…. നകുസലോ ധമ്മോ നകുസലസ്സ ധമ്മസ്സ ആരമ്മണപച്ചയേന പച്ചയോ. നകുസലോ ധമ്മോ നഅകുസലസ്സ ധമ്മസ്സ ആരമ്മണപച്ചയേന പച്ചയോ. നകുസലോ ധമ്മോ നഅബ്യാകതസ്സ ധമ്മസ്സ ആരമ്മണപച്ചയേന പച്ചയോ. നകുസലോ ധമ്മോ നകുസലസ്സ ച നഅബ്യാകതസ്സ ച ധമ്മസ്സ ആരമ്മണപച്ചയേന പച്ചയോ. നകുസലോ ധമ്മോ നഅകുസലസ്സ ച നഅബ്യാകതസ്സ ച ധമ്മസ്സ ആരമ്മണപച്ചയേന പച്ചയോ. നകുസലോ ധമ്മോ നകുസലസ്സ ച നഅകുസലസ്സ ച ധമ്മസ്സ ആരമ്മണപച്ചയേന പച്ചയോ. ഛ.

നഅകുസലോ ധമ്മോ നഅകുസലസ്സ ധമ്മസ്സ ആരമ്മണപച്ചയേന പച്ചയോ…. ഛ.

നഅബ്യാകതോ ധമ്മോ നഅബ്യാകതസ്സ ധമ്മസ്സ ആരമ്മണപച്ചയേന പച്ചയോ…. ഛ.

നകുസലോ ച നഅബ്യാകതോ ച ധമ്മാ നകുസലസ്സ ധമ്മസ്സ ആരമ്മണപച്ചയേന പച്ചയോ…. ഛ.

നഅകുസലോ ച നഅബ്യാകതോ ച ധമ്മാ നകുസലസ്സ ധമ്മസ്സ ആരമ്മണപച്ചയേന പച്ചയോ…. ഛ.

നകുസലോ ച നഅകുസലോ ച ധമ്മാ നകുസലസ്സ ധമ്മസ്സ ആരമ്മണപച്ചയേന പച്ചയോ…. ഛ.

൯. നകുസലോ ധമ്മോ നകുസലസ്സ ധമ്മസ്സ അധിപതിപച്ചയേന പച്ചയോ… അനന്തരപച്ചയേന പച്ചയോ… സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ. നകുസലോ ധമ്മോ നഅകുസലസ്സ ധമ്മസ്സ പുരേജാതപച്ചയേന പച്ചയോ…പേ… നകുസലോ ധമ്മോ നകുസലസ്സ ച നഅകുസലസ്സ ച ധമ്മസ്സ പുരേജാതപച്ചയേന പച്ചയോ. ഛ.

നഅകുസലോ ധമ്മോ നഅകുസലസ്സ ധമ്മസ്സ പുരേജാതപച്ചയേന പച്ചയോ. നഅകുസലോ ധമ്മോ നകുസലസ്സ ധമ്മസ്സ പുരേജാതപച്ചയേന പച്ചയോ…പേ… നഅകുസലോ ധമ്മോ നകുസലസ്സ ച നഅകുസലസ്സ ച ധമ്മസ്സ പുരേജാതപച്ചയേന പച്ചയോ. ഛ.

നകുസലോ ച നഅകുസലോ ച ധമ്മാ നകുസലസ്സ ധമ്മസ്സ പുരേജാതപച്ചയേന പച്ചയോ. നകുസലോ ച നഅകുസലോ ച ധമ്മാ നഅകുസലസ്സ ധമ്മസ്സ പുരേജാതപച്ചയേന പച്ചയോ…പേ… നകുസലോ ച നഅകുസലോ ച ധമ്മാ നകുസലസ്സ ച നഅകുസലസ്സ ച ധമ്മസ്സ പുരേജാതപച്ചയേന പച്ചയോ. ഛ. (സംഖിത്തം.)

൧൦. ഹേതുയാ ഏകൂനതിംസ, ആരമ്മണേ ഛത്തിംസ, അധിപതിയാ പഞ്ചതിംസ, അനന്തരേ ചതുത്തിംസ, സമനന്തരേ ചതുത്തിംസ, സഹജാതേ ഏകൂനതിംസ, അഞ്ഞമഞ്ഞേ ചതുവീസ, നിസ്സയേ ചതുത്തിംസ, ഉപനിസ്സയേ ഛത്തിംസ, പുരേജാതേ അട്ഠാരസ, പച്ഛാജാതേ അട്ഠാരസ, ആസേവനേ ചതുവീസ, കമ്മേ ഏകൂനതിംസ, വിപാകേ നവ, ആഹാരേ ഏകൂനതിംസ…പേ… അവിഗതേ ചതുത്തിംസ.

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം ഏവം ഗണേതബ്ബം.)

൨. വേദനാത്തികം

൧-൭. പടിച്ചവാരാദി

൧൧. നസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. നസുഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. നസുഖായ വേദനായ സമ്പയുത്തം ധമ്മം പടിച്ച നഅദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ. നസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. നസുഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. നസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. നസുഖായ വേദനായ സമ്പയുത്തം ധമ്മം പടിച്ച നസുഖായ വേദനായ സമ്പയുത്തോ ച നദുക്ഖായ വേദനായ സമ്പയുത്തോ ച നഅദുക്ഖമസുഖായ വേദനായ സമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൭)

നദുക്ഖായ വേദനായ സമ്പയുത്തം ധമ്മം പടിച്ച നദുക്ഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ… സത്ത.

നഅദുക്ഖമസുഖായ വേദനായ സമ്പയുത്തം ധമ്മം പടിച്ച നഅദുക്ഖമസുഖായ വേദനായ സമ്പയുത്തോ ധമ്മോ ഉപ്പജ്ജതി ഹേതുപച്ചയാ… സത്ത. (സംഖിത്തം.)

൩. വിപാകത്തികം

൧-൭. പടിച്ചവാരാദി

൧൨. നവിപാകം ധമ്മം പടിച്ച നവിപാകോ ധമ്മോ ഉപ്പജ്ജതി ഹേതുപച്ചയാ…പേ….

നവിപാകധമ്മധമ്മം പടിച്ച നവിപാകധമ്മധമ്മോ ഉപ്പജ്ജതി ഹേതുപച്ചയാ…പേ….

നനേവവിപാകനവിപാകധമ്മധമ്മം പടിച്ച നനേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ. (സംഖിത്തം.)

൪. ഉപാദിന്നത്തികം

൧-൭. പടിച്ചവാരാദി

൧൩. നഉപാദിന്നുപാദാനിയം ധമ്മം പടിച്ച നഉപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ…പേ….

നഅനുപാദിന്നുപാദാനിയം ധമ്മം പടിച്ച നഅനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ…പേ….

നഅനുപാദിന്നഅനുപാദാനിയം ധമ്മം പടിച്ച നഅനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

൫. സംകിലിട്ഠത്തികം

൧-൭. പടിച്ചവാരാദി

൧൪. നസംകിലിട്ഠസംകിലേസികം ധമ്മം പടിച്ച നസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ…പേ….

നഅസംകിലിട്ഠസംകിലേസികം ധമ്മം പടിച്ച നഅസംകിലിട്ഠസംകിലേസികോ ധമ്മോ ഉപ്പജ്ജതി ഹേതുപച്ചയാ…പേ….

നഅസംകിലിട്ഠഅസംകിലേസികം ധമ്മം പടിച്ച നഅസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

൬. വിതക്കത്തികം

൧-൭. പടിച്ചവാരാദി

൧൫. നസവിതക്കസവിചാരം ധമ്മം പടിച്ച നസവിതക്കസവിചാരോ ധമ്മോ ഉപ്പജ്ജതി ഹേതുപച്ചയാ…പേ….

നഅവിതക്കവിചാരമത്തം ധമ്മം പടിച്ച നഅവിതക്കവിചാരമത്തോ ധമ്മോ ഉപ്പജ്ജതി ഹേതുപച്ചയാ…പേ….

നഅവിതക്കഅവിചാരം ധമ്മം പടിച്ച നഅവിതക്കഅവിചാരോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

൭. പീതിത്തികം

൧-൭. പടിച്ചവാരാദി

൧൬. നപീതിസഹഗതം ധമ്മം പടിച്ച നപീതിസഹഗതോ ധമ്മോ ഉപ്പജ്ജതി ഹേതുപച്ചയാ…പേ….

നസുഖസഹഗതം ധമ്മം പടിച്ച…പേ… നഉപേക്ഖാസഹഗതം ധമ്മം പടിച്ച… (സംഖിത്തം).

൮. ദസ്സനത്തികം

൧-൭. പടിച്ചവാരാദി

൧൭. നദസ്സനേന പഹാതബ്ബം ധമ്മം പടിച്ച…പേ… നഭാവനായ പഹാതബ്ബം ധമ്മം പടിച്ച…പേ… നനേവദസ്സനേന നഭാവനായ പഹാതബ്ബം ധമ്മം പടിച്ച… (സംഖിത്തം).

൯. ദസ്സനഹേതുത്തികം

൧-൭. പടിച്ചവാരാദി

൧൮. നദസ്സനേന പഹാതബ്ബഹേതുകം ധമ്മം പടിച്ച…പേ… നഭാവനായ പഹാതബ്ബഹേതുകം ധമ്മം പടിച്ച…പേ… നനേവദസ്സനേന നഭാവനായ പഹാതബ്ബഹേതുകം ധമ്മം പടിച്ച… (സംഖിത്തം).

൧൦. ആചയഗാമിത്തികം

൧-൭. പടിച്ചവാരാദി

൧൯. നആചയഗാമിം ധമ്മം പടിച്ച…പേ… നഅപചയഗാമിം ധമ്മം പടിച്ച…പേ… നനേവാചയഗാമിനാപചയഗാമിം ധമ്മം പടിച്ച… (സംഖിത്തം).

൧൧. സേക്ഖത്തികം

൧-൭. പടിച്ചവാരാദി

൨൦. നസേക്ഖം ധമ്മം പടിച്ച…പേ… നഅസേക്ഖം ധമ്മം പടിച്ച…പേ… നനേവസേക്ഖനാസേക്ഖം ധമ്മം പടിച്ച… (സംഖിത്തം).

൧൨. പരിത്തത്തികം

൧-൭. പടിച്ചവാരാദി

൨൧. നപരിത്തം ധമ്മം പടിച്ച…പേ… നമഹഗ്ഗതം ധമ്മം പടിച്ച…പേ… നഅപ്പമാണം ധമ്മം പടിച്ച… (സംഖിത്തം).

൧൩. പരിത്താരമ്മണത്തികം

൧-൭. പടിച്ചവാരാദി

൨൨. നപരിത്താരമ്മണം ധമ്മം പടിച്ച…പേ… നമഹഗ്ഗതാരമ്മണം ധമ്മം പടിച്ച…പേ… നഅപ്പമാണാരമ്മണം ധമ്മം പടിച്ച… (സംഖിത്തം).

൧൪. ഹീനത്തികം

൧-൭. പടിച്ചവാരാദി

൨൩. നഹീനം ധമ്മം പടിച്ച…പേ… നമജ്ഝിമം ധമ്മം പടിച്ച…പേ… നപണീതം ധമ്മം പടിച്ച… (സംഖിത്തം).

൧൫. മിച്ഛത്തത്തികം

൧-൭. പടിച്ചവാരാദി

൨൪. നമിച്ഛത്തനിയതം ധമ്മം പടിച്ച…പേ… നസമ്മത്തനിയതം ധമ്മം പടിച്ച…പേ… നഅനിയതം ധമ്മം പടിച്ച… (സംഖിത്തം).

൧൬. മഗ്ഗാരമ്മണത്തികം

൧-൭. പടിച്ചവാരാദി

൨൫. നമഗ്ഗാരമ്മണം ധമ്മം പടിച്ച…പേ… നമഗ്ഗഹേതുകം ധമ്മം പടിച്ച…പേ… നമഗ്ഗാധിപതിം ധമ്മം പടിച്ച… (സംഖിത്തം).

൧൭. ഉപ്പന്നത്തികം

൧-൭. പടിച്ചവാരാദി

൨൬. നഅനുപ്പന്നം ധമ്മം പടിച്ച നഅനുപ്പന്നോ ധമ്മോ ഉപ്പജ്ജതി ഹേതുപച്ചയാ. നഅനുപ്പന്നം ധമ്മം പടിച്ച നഉപ്പാദീ ധമ്മോ ഉപ്പജ്ജതി ഹേതുപച്ചയാ. നഅനുപ്പന്നം ധമ്മം പടിച്ച നഅനുപ്പന്നോ ച നഉപ്പാദീ ച ധമ്മാ ഉപ്പജ്ജന്തി ഹേതുപച്ചയാ. (൩)

നഉപ്പാദിം ധമ്മം പടിച്ച നഉപ്പാദീ ധമ്മോ ഉപ്പജ്ജതി ഹേതുപച്ചയാ. നഉപ്പാദിം ധമ്മം പടിച്ച നഅനുപ്പന്നോ ധമ്മോ ഉപ്പജ്ജതി ഹേതുപച്ചയാ. നഉപ്പാദിം ധമ്മം പടിച്ച നഅനുപ്പന്നോ ച നഉപ്പാദീ ച ധമ്മാ ഉപ്പജ്ജന്തി ഹേതുപച്ചയാ. (൩)

നഅനുപ്പന്നഞ്ച നഉപ്പാദിഞ്ച ധമ്മം പടിച്ച നഅനുപ്പന്നോ ധമ്മോ ഉപ്പജ്ജതി ഹേതുപച്ചയാ. നഅനുപ്പന്നഞ്ച നഉപ്പാദിഞ്ച ധമ്മം പടിച്ച നഉപ്പാദീ ധമ്മോ ഉപ്പജ്ജതി ഹേതുപച്ചയാ. നഅനുപ്പന്നഞ്ച നഉപ്പാദിഞ്ച ധമ്മം പടിച്ച നഅനുപ്പന്നോ ച നഉപ്പാദീ ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

൧൮. അതീതത്തികം

൧-൭. പടിച്ചവാരാദി

൨൭. നഅതീതം ധമ്മം പടിച്ച നഅതീതോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

നഅതീതോ ധമ്മോ നഅതീതസ്സ ധമ്മസ്സ ഹേതുപച്ചയേന പച്ചയോ. നഅതീതോ ധമ്മോ നഅനാഗതസ്സ ധമ്മസ്സ ഹേതുപച്ചയേന പച്ചയോ. നഅതീതോ ധമ്മോ നഅതീതസ്സ ച നഅനാഗതസ്സ ച ധമ്മസ്സ ഹേതുപച്ചയേന പച്ചയോ. (൩)

നഅനാഗതോ ധമ്മോ നഅനാഗതസ്സ ധമ്മസ്സ ഹേതുപച്ചയേന പച്ചയോ. നഅനാഗതോ ധമ്മോ നഅതീതസ്സ ധമ്മസ്സ ഹേതുപച്ചയേന പച്ചയോ. നഅനാഗതോ ധമ്മോ നഅതീതസ്സ ച നഅനാഗതസ്സ ച ധമ്മസ്സ ഹേതുപച്ചയേന പച്ചയോ. (൩)

നഅതീതോ ച നഅനാഗതോ ച ധമ്മാ നഅതീതസ്സ ധമ്മസ്സ ഹേതുപച്ചയേന പച്ചയോ. നഅതീതോ ച നഅനാഗതോ ച ധമ്മാ നഅനാഗതസ്സ ധമ്മസ്സ ഹേതുപച്ചയേന പച്ചയോ. നഅതീതോ ച നഅനാഗതോ ച ധമ്മാ നഅതീതസ്സ ച നഅനാഗതസ്സ ച ധമ്മസ്സ ഹേതുപച്ചയേന പച്ചയോ. (൩) (സംഖിത്തം.)

൧൯. അതീതാരമ്മണത്തികം

൧-൭. പടിച്ചവാരാദി

൨൮. നഅതീതാരമ്മണം ധമ്മം പടിച്ച…പേ… നഅനാഗതാരമ്മണം ധമ്മം പടിച്ച…പേ… നപച്ചുപ്പന്നാരമ്മണം ധമ്മം പടിച്ച… (സംഖിത്തം).

൨൦. അജ്ഝത്തത്തികം

൧-൭. പടിച്ചവാരാദി

൨൯. നഅജ്ഝത്തം ധമ്മം പടിച്ച നഅജ്ഝത്തോ ധമ്മോ ഉപ്പജ്ജതി ഹേതുപച്ചയാ.

നബഹിദ്ധാ ധമ്മം പടിച്ച നബഹിദ്ധാ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

൨൧. അജ്ഝത്താരമ്മണത്തികം

൧-൭. പടിച്ചവാരാദി

൩൦. നഅജ്ഝത്താരമ്മണം ധമ്മം പടിച്ച നഅജ്ഝത്താരമ്മണോ ധമ്മോ ഉപ്പജ്ജതി ഹേതുപച്ചയാ. നഅജ്ഝത്താരമ്മണം ധമ്മം പടിച്ച നബഹിദ്ധാരമ്മണോ ധമ്മോ ഉപ്പജ്ജതി ഹേതുപച്ചയാ. (൨)

നബഹിദ്ധാരമ്മണം ധമ്മം പടിച്ച നബഹിദ്ധാരമ്മണോ ധമ്മോ ഉപ്പജ്ജതി ഹേതുപച്ചയാ. നബഹിദ്ധാരമ്മണം ധമ്മം പടിച്ച നഅജ്ഝത്താരമ്മണോ ധമ്മോ ഉപ്പജ്ജതി ഹേതുപച്ചയാ. (൨) (സംഖിത്തം.)

൨൨. സനിദസ്സനത്തികം

൧-൭. പടിച്ചവാരാദി

൩൧. നസനിദസ്സനസപ്പടിഘം ധമ്മം പടിച്ച നസനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. നസനിദസ്സനസപ്പടിഘം ധമ്മം പടിച്ച നഅനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. നസനിദസ്സനസപ്പടിഘം ധമ്മം പടിച്ച നഅനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. നസനിദസ്സനസപ്പടിഘം ധമ്മം പടിച്ച നസനിദസ്സനസപ്പടിഘോ ച നഅനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. നസനിദസ്സനസപ്പടിഘം ധമ്മം പടിച്ച നഅനിദസ്സനസപ്പടിഘോ ച നഅനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. നസനിദസ്സനസപ്പടിഘം ധമ്മം പടിച്ച നസനിദസ്സനസപ്പടിഘോ ച നഅനിദസ്സനസപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. (൬)

൩൨. നഅനിദസ്സനസപ്പടിഘം ധമ്മം പടിച്ച നഅനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. നഅനിദസ്സനസപ്പടിഘം ധമ്മം പടിച്ച നസനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. നഅനിദസ്സനസപ്പടിഘം ധമ്മം പടിച്ച നഅനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. നഅനിദസ്സനസപ്പടിഘം ധമ്മം പടിച്ച നസനിദസ്സനസപ്പടിഘോ ച നഅനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. നഅനിദസ്സനസപ്പടിഘം ധമ്മം പടിച്ച നഅനിദസ്സനസപ്പടിഘോ ച നഅനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. നഅനിദസ്സനസപ്പടിഘം ധമ്മം പടിച്ച നസനിദസ്സനസപ്പടിഘോ ച നഅനിദസ്സനസപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. (൬)

൩൩. നഅനിദസ്സനഅപ്പടിഘം ധമ്മം പടിച്ച നഅനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. നഅനിദസ്സനഅപ്പടിഘം ധമ്മം പടിച്ച നസനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. നഅനിദസ്സനഅപ്പടിഘം ധമ്മം പടിച്ച നഅനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ…. ഛ.

നസനിദസ്സനസപ്പടിഘഞ്ച നഅനിദസ്സനഅപ്പടിഘഞ്ച ധമ്മം പടിച്ച നസനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ…. ഛ.

നസനിദസ്സനസപ്പടിഘഞ്ച നഅനിദസ്സനസപ്പടിഘഞ്ച ധമ്മം പടിച്ച നസനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ…. ഛ. (സംഖിത്തം.)

൩൪. ഹേതുയാ തിംസ…പേ… അവിഗതേ തിംസ.

(യഥാ കുസലത്തികേ സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പഞ്ഹാവാരമ്പി ഗണിതം ഏവം ഗണേതബ്ബം.)

ധമ്മപച്ചനീയേ തികപട്ഠാനം നിട്ഠിതം.