൧൦൦-൮൩. സരണദുക-പിട്ഠിദുകം

൮൬. നസരണം നദസ്സനേന പഹാതബ്ബം ധമ്മം പടിച്ച സരണോ ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

നഅരണം നനദസ്സനേന പഹാതബ്ബം ധമ്മം പടിച്ച അരണോ നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം. (സംഖിത്തം.)

൮൭. നസരണം നസഉത്തരം ധമ്മം പടിച്ച അരണോ സഉത്തരോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

(സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പടിച്ചവാരസദിസം.)

പഞ്ഹാവാരോ

ഹേതു-ആരമ്മണപച്ചയാ

൮൮. നസരണോ നസഉത്തരോ ധമ്മോ അരണസ്സ സഉത്തരസ്സ ധമ്മസ്സ ഹേതുപച്ചയേന പച്ചയോ. ഏകം.

നസരണോ നസഉത്തരോ ധമ്മോ അരണസ്സ സഉത്തരസ്സ ധമ്മസ്സ ആരമ്മണപച്ചയേന പച്ചയോ. ഏകം. ഹേതുയാ ഏകം.

പച്ചനീയുദ്ധാരോ

൮൯. നസരണോ നസഉത്തരോ ധമ്മോ അരണസ്സ സഉത്തരസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പച്ഛാജാതപച്ചയേന പച്ചയോ… (സംഖിത്തം.) നഹേതുയാ ഏകം, നആരമ്മണേ ഏകം.

ഹേതുപച്ചയാ നആരമ്മണേ ഏകം. (സംഖിത്തം.)

നഹേതുപച്ചയാ ആരമ്മണേ ഏകം. (സംഖിത്തം.)

(യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

അനുത്തരപദം

ഹേതു-അനന്തരപച്ചയാ

൯൦. നസരണം നഅനുത്തരം ധമ്മം പച്ചയാ അരണോ അനുത്തരോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം…പേ… അവിഗതേ ഏകം.

൯൧. നസരണോ നഅനുത്തരോ ധമ്മോ അരണസ്സ അനുത്തരസ്സ ധമ്മസ്സ അനന്തരപച്ചയേന പച്ചയോ. അനന്തരേ ഏകം, സമനന്തരേ ഏകം, ഉപനിസ്സയേ ദ്വേ, പുരേജാതേ ഏകം, ആസേവനേ ഏകം, വിപ്പയുത്തേ ഏകം, അത്ഥിയാ ഏകം, നത്ഥിയാ ഏകം, വിഗതേ ഏകം, അവിഗതേ ഏകം.

പച്ചനീയുദ്ധാരോ

൯൨. നസരണോ നഅനുത്തരോ ധമ്മോ അരണസ്സ അനുത്തരസ്സ ധമ്മസ്സ ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ.

നഅരണോ നഅനുത്തരോ ധമ്മോ അരണസ്സ അനുത്തരസ്സ ധമ്മസ്സ ഉപനിസ്സയപച്ചയേന പച്ചയോ. നഹേതുയാ ദ്വേ, നആരമ്മണേ ദ്വേ…പേ… നഉപനിസ്സയേ ഏകം, നപുരേജാതേ ദ്വേ…പേ… നോഅവിഗതേ ദ്വേ.

ഉപനിസ്സയപച്ചയാ നഹേതുയാ ദ്വേ. (സംഖിത്തം.)

നഹേതുപച്ചയാ ഉപനിസ്സയേ ദ്വേ, പുരേജാതേ ഏകം…പേ… അത്ഥിയാ ഏകം…പേ… അവിഗതേ ഏകം. (സംഖിത്തം.)

(യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

അനുലോമദുകതികപട്ഠാനതോ പട്ഠായ യാവ പരിയോസാനാ തിംസമത്തേഹി ഭാണവാരേഹി പട്ഠാനം.

ധമ്മപച്ചനീയാനുലോമേ ദുകദുകപട്ഠാനം നിട്ഠിതം.

പച്ചനീയാനുലോമപട്ഠാനം നിട്ഠിതം.

പട്ഠാനപകരണം നിട്ഠിതം.