൧൦൦-൭. സരണദുക-ചൂളന്തരദുകം

൬൭. നസരണോ നസപ്പച്ചയോ ധമ്മോ അരണസ്സ സപ്പച്ചയസ്സ ധമ്മസ്സ ആരമ്മണപച്ചയേന പച്ചയോ. ആരമ്മണേ ഏകം.

൬൮. നസരണോ നസങ്ഖതോ ധമ്മോ… (സംഖിത്തം).

൬൯. നസരണം നസനിദസ്സനം ധമ്മം പടിച്ച അരണോ സനിദസ്സനോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നസരണോ നഅനിദസ്സനോ ധമ്മോ സരണസ്സ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ. നസരണോ നഅനിദസ്സനോ ധമ്മോ അരണസ്സ അനിദസ്സനസ്സ ധമ്മസ്സ ആരമ്മണപച്ചയേന പച്ചയോ. ആരമ്മണേ ദ്വേ.

൭൦. നസരണം നസപ്പടിഘം ധമ്മം പടിച്ച അരണോ സപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൧. നസരണം നരൂപിം ധമ്മം പടിച്ച അരണോ രൂപീ ധമ്മോ ഉപ്പജ്ജതി ഹേതുപച്ചയാ. നഅരണം നരൂപിം ധമ്മം പടിച്ച അരണോ രൂപീ ധമ്മോ ഉപ്പജ്ജതി ഹേതുപച്ചയാ. ഹേതുയാ ദ്വേ.

നസരണം നഅരൂപിം ധമ്മം പച്ചയാ സരണോ അരൂപീ ധമ്മോ ഉപ്പജ്ജതി ഹേതുപച്ചയാ. നസരണം നഅരൂപിം ധമ്മം പച്ചയാ അരണോ അരൂപീ ധമ്മോ ഉപ്പജ്ജതി ഹേതുപച്ചയാ. ഹേതുയാ ദ്വേ.

൭൨. നസരണം നലോകിയം ധമ്മം പടിച്ച അരണോ ലോകിയോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

നസരണം നലോകുത്തരം ധമ്മം പച്ചയാ അരണോ ലോകുത്തരോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

൭൩. നസരണം നകേനചി വിഞ്ഞേയ്യം ധമ്മം പടിച്ച അരണോ കേനചി വിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.

നസരണം നകേനചി നവിഞ്ഞേയ്യം ധമ്മം പടിച്ച അരണോ കേനചി നവിഞ്ഞേയ്യോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.