൨-൧. സഹേതുകാദിദുകാനി-ഹേതുദുകം

൪൮. നസഹേതുകം നഹേതും ധമ്മം പടിച്ച സഹേതുകോ ഹേതു ധമ്മോ ഉപ്പജ്ജതി ഹേതുപച്ചയാ. നഅഹേതുകം നഹേതും ധമ്മം പടിച്ച സഹേതുകോ ഹേതു ധമ്മോ ഉപ്പജ്ജതി ഹേതുപച്ചയാ. നസഹേതുകം നഹേതുഞ്ച നഅഹേതുകം നഹേതുഞ്ച ധമ്മം പടിച്ച സഹേതുകോ ഹേതു ധമ്മോ ഉപ്പജ്ജതി ഹേതുപച്ചയാ. ഹേതുയാ തീണി.

നസഹേതുകം നനഹേതും ധമ്മം പടിച്ച സഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

നഅഹേതുകം നനഹേതും ധമ്മം പടിച്ച അഹേതുകോ നഹേതു ധമ്മോ ഉപ്പജ്ജതി ഹേതുപച്ചയാ… തീണി. ഹേതുയാ ഛ.

൪൯. നഹേതുസമ്പയുത്തം നഹേതും ധമ്മം പടിച്ച ഹേതുസമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ… തീണി. (സഹേതുകദുകസദിസം.)

൫൦. നഹേതുഞ്ചേവ നഅഹേതുകം നഹേതും ധമ്മം പടിച്ച ഹേതു ചേവ സഹേതുകോ ച ഹേതു ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

നഅഹേതുകഞ്ചേവ നന ച ഹേതും നനഹേതും ധമ്മം പടിച്ച സഹേതുകോ ചേവ ന ച ഹേതു നഹേതു ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

൫൧. നഹേതുഞ്ചേവ നഹേതുവിപ്പയുത്തഞ്ച നഹേതും ധമ്മം പടിച്ച ഹേതു ചേവ ഹേതുസമ്പയുത്തോ ച ഹേതു ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

നഹേതുവിപ്പയുത്തഞ്ചേവ നനഹേതുഞ്ച നനഹേതും ധമ്മം പടിച്ച ഹേതുസമ്പയുത്തോ ചേവ ന ച ഹേതു നഹേതു ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം. (അന്തിമദുകം ന ലബ്ഭതി.)