൧-൭. പടിച്ചവാരാദി

പച്ചയചതുക്കം

൭൨. സപ്പച്ചയം ഹേതും ധമ്മം പടിച്ച സപ്പച്ചയോ ഹേതു ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം.)

സപ്പച്ചയം നഹേതും ധമ്മം പടിച്ച സപ്പച്ചയോ നഹേതു ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം.)

൭൩. സങ്ഖതം ഹേതും ധമ്മം പടിച്ച സങ്ഖതോ ഹേതു ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം.)

സങ്ഖതം നഹേതും ധമ്മം പടിച്ച സങ്ഖതോ നഹേതു ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം).

൭൪. അനിദസ്സനം ഹേതും ധമ്മം പടിച്ച അനിദസ്സനോ ഹേതു ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം.)

അനിദസ്സനം നഹേതും ധമ്മം പടിച്ച അനിദസ്സനോ നഹേതു ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ തീണി, ആരമ്മണേ ഏകം…പേ… അവിഗതേ തീണി. (സംഖിത്തം.)

൭൫. അപ്പടിഘം ഹേതും ധമ്മം പടിച്ച സപ്പടിഘോ ഹേതു ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം.)

സപ്പടിഘം നഹേതും ധമ്മം പടിച്ച സപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

അപ്പടിഘം നഹേതും ധമ്മം പടിച്ച അപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

സപ്പടിഘം നഹേതുഞ്ച അപ്പടിഘം നഹേതുഞ്ച ധമ്മം പടിച്ച സപ്പടിഘോ നഹേതു ധമ്മോ ഉപ്പജ്ജതി ഹേതുപച്ചയാ… തീണി. (സംഖിത്തം.)

ഹേതുയാ നവ, ആരമ്മണേ ഏകം…പേ… അഞ്ഞമഞ്ഞേ ഛ…പേ… അവിഗതേ നവ.

൭൬. അരൂപിം ഹേതും ധമ്മം പടിച്ച അരൂപീ ഹേതു ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം.)

രൂപിം നഹേതും ധമ്മം പടിച്ച രൂപീ നഹേതു ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ.

൭൭. ലോകിയം ഹേതും ധമ്മം പടിച്ച ലോകിയോ ഹേതു ധമ്മോ ഉപ്പജ്ജതി ഹേതുപച്ചയാ. (൧)

ലോകുത്തരം ഹേതും ധമ്മം പടിച്ച ലോകുത്തരോ ഹേതു ധമ്മോ ഉപ്പജ്ജതി ഹേതുപച്ചയാ. (൧) (സബ്ബത്ഥ ദ്വേ.)

ലോകിയം നഹേതും ധമ്മം പടിച്ച ലോകിയോ നഹേതു ധമ്മോ ഉപ്പജ്ജതി ഹേതുപച്ചയാ. (൧)

ലോകുത്തരം നഹേതും ധമ്മം പടിച്ച ലോകുത്തരോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

ലോകിയം നഹേതുഞ്ച ലോകുത്തരം നഹേതുഞ്ച ധമ്മം പടിച്ച ലോകിയോ നഹേതു ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ പഞ്ച.

൭൮. കേനചി വിഞ്ഞേയ്യം ഹേതും ധമ്മം പടിച്ച…പേ… നകേനചി വിഞ്ഞേയ്യം ഹേതും ധമ്മം പടിച്ച… (സബ്ബത്ഥ നവ).

കേനചി വിഞ്ഞേയ്യം നഹേതും ധമ്മം പടിച്ച…പേ… നകേനചി വിഞ്ഞേയ്യം നഹേതും ധമ്മം പടിച്ച… (സബ്ബത്ഥ നവ).