൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. ഹേതും സഹേതുകം ധമ്മം പടിച്ച ഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. ഹേതും സഹേതുകം ധമ്മം പടിച്ച നഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. ഹേതും സഹേതുകം ധമ്മം പടിച്ച ഹേതു സഹേതുകോ ച നഹേതു സഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

൨. നഹേതും സഹേതുകം ധമ്മം പടിച്ച നഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. നഹേതും സഹേതുകം ധമ്മം പടിച്ച ഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. നഹേതും സഹേതുകം ധമ്മം പടിച്ച ഹേതു സഹേതുകോ ച നഹേതു സഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

൩. ഹേതും സഹേതുകഞ്ച നഹേതും സഹേതുകഞ്ച ധമ്മം പടിച്ച ഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. ഹേതും സഹേതുകഞ്ച നഹേതും സഹേതുകഞ്ച ധമ്മം പടിച്ച നഹേതു സഹേതുകോ ധമ്മോ ഉപ്പജ്ജതി ഹേതുപച്ചയാ. ഹേതും സഹേതുകഞ്ച നഹേതും സഹേതുകഞ്ച ധമ്മം പടിച്ച ഹേതു സഹേതുകോ ച നഹേതു സഹേതുകോ ച ധമ്മാ ഉപ്പജ്ജന്തി ഹേതുപച്ചയാ. (൩)

൪. ഹേതുയാ നവ, ആരമ്മണേ നവ…പേ… അവിഗതേ നവ. (സംഖിത്തം.)

പച്ചനീയം

നഅധിപതിപച്ചയോ

൫. ഹേതും സഹേതുകം ധമ്മം പടിച്ച ഹേതു സഹേതുകോ ധമ്മോ ഉപ്പജ്ജതി നഅധിപതിപച്ചയാ. (സംഖിത്തം.)

നഅധിപതിയാ നവ, നപുരേജാതേ നവ, നപച്ഛാജാതേ നവ, നകമ്മേ തീണി, നവിപാകേ നവ, നവിപ്പയുത്തേ നവ. (സംഖിത്തം.)

ഹേതുപച്ചയാ നഅധിപതിയാ നവ. (സംഖിത്തം.)

നഅധിപതിപച്ചയാ ഹേതുയാ നവ. (സംഖിത്തം.)

(സഹജാതവാരമ്പി പച്ചയവാരമ്പി നിസ്സയവാരമ്പി സംസട്ഠവാരമ്പി സമ്പയുത്തവാരമ്പി പടിച്ചവാരസദിസം.)

ഹേതു-ആരമ്മണപച്ചയാ

൬. ഹേതു സഹേതുകോ ധമ്മോ ഹേതുസ്സ സഹേതുകസ്സ ധമ്മസ്സ ഹേതുപച്ചയേന പച്ചയോ. ഹേതു സഹേതുകോ ധമ്മോ നഹേതുസ്സ സഹേതുകസ്സ ധമ്മസ്സ ഹേതുപച്ചയേന പച്ചയോ. ഹേതു സഹേതുകോ ധമ്മോ ഹേതുസ്സ സഹേതുകസ്സ ച നഹേതുസ്സ സഹേതുകസ്സ ച ധമ്മസ്സ ഹേതുപച്ചയേന പച്ചയോ. (൩)

൭. ഹേതു സഹേതുകോ ധമ്മോ ഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ. ഹേതു സഹേതുകോ ധമ്മോ നഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ. ഹേതു സഹേതുകോ ധമ്മോ ഹേതുസ്സ സഹേതുകസ്സ ച നഹേതുസ്സ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ. (൩)

നഹേതു സഹേതുകോ ധമ്മോ നഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ. നഹേതു സഹേതുകോ ധമ്മോ ഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ. നഹേതു സഹേതുകോ ധമ്മോ ഹേതുസ്സ സഹേതുകസ്സ ച നഹേതുസ്സ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ. (൩)

ഹേതു സഹേതുകോ ച നഹേതു സഹേതുകോ ച ധമ്മാ ഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ. ഹേതു സഹേതുകോ ച നഹേതു സഹേതുകോ ച ധമ്മാ നഹേതുസ്സ സഹേതുകസ്സ ധമ്മസ്സ ആരമ്മണപച്ചയേന പച്ചയോ. ഹേതു സഹേതുകോ ച നഹേതു സഹേതുകോ ച ധമ്മാ ഹേതുസ്സ സഹേതുകസ്സ ച നഹേതുസ്സ സഹേതുകസ്സ ച ധമ്മസ്സ ആരമ്മണപച്ചയേന പച്ചയോ. (൩) (സംഖിത്തം.)

൮. ഹേതുയാ തീണി, ആരമ്മണേ നവ…പേ… ഉപനിസ്സയേ നവ അവിഗതേ നവ. (സംഖിത്തം.)

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

അഹേതുകപദം

പച്ചയചതുക്കം

൯. ഹേതും അഹേതുകം ധമ്മം പടിച്ച നഹേതു അഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

നഹേതും അഹേതുകം ധമ്മം പടിച്ച നഹേതു അഹേതുകോ ധമ്മോ ഉപ്പജ്ജതി ഹേതുപച്ചയാ. (൧)

ഹേതും അഹേതുകഞ്ച നഹേതും അഹേതുകഞ്ച ധമ്മം പടിച്ച നഹേതു അഹേതുകോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി, ആരമ്മണേ ഏകം, അവിഗതേ തീണി. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൧൦. ഹേതു അഹേതുകോ ധമ്മോ നഹേതുസ്സ അഹേതുകസ്സ ധമ്മസ്സ ഹേതുപച്ചയേന പച്ചയോ. (൧)

ഹേതു അഹേതുകോ ധമ്മോ ഹേതുസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. ഹേതു അഹേതുകോ ധമ്മോ നഹേതുസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. (൨)

നഹേതു അഹേതുകോ ധമ്മോ നഹേതുസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. നഹേതു അഹേതുകോ ധമ്മോ ഹേതുസ്സ അഹേതുകസ്സ ധമ്മസ്സ ആരമ്മണപച്ചയേന പച്ചയോ. (൨) (സംഖിത്തം.)

൧൧. ഹേതുയാ ഏകം, ആരമ്മണേ ചത്താരി, അവിഗതേ ചത്താരി. (സംഖിത്തം.)

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)