൨-൧. വേദനാത്തിക-കുസലത്തികം

൨൭. നസുഖായ വേദനായ സമ്പയുത്തം നകുസലം ധമ്മം പച്ചയാ സുഖായ വേദനായ സമ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ. നസുഖായ വേദനായ സമ്പയുത്തം നകുസലം ധമ്മം പച്ചയാ അദുക്ഖമസുഖായ വേദനായ സമ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ. ദ്വേ.

നദുക്ഖായ വേദനായ സമ്പയുത്തം നകുസലം ധമ്മം പച്ചയാ സുഖായ വേദനായ സമ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ. നദുക്ഖായ വേദനായ സമ്പയുത്തം നകുസലം ധമ്മം പച്ചയാ അദുക്ഖമസുഖായ വേദനായ സമ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ. ദ്വേ.

നഅദുക്ഖമസുഖായ വേദനായ സമ്പയുത്തം നകുസലം ധമ്മം പച്ചയാ അദുക്ഖമസുഖായ വേദനായ സമ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ. നഅദുക്ഖമസുഖായ വേദനായ സമ്പയുത്തം നകുസലം ധമ്മം പച്ചയാ സുഖായ വേദനായ സമ്പയുത്തോ കുസലോ ധമ്മോ ഉപ്പജ്ജതി ഹേതുപച്ചയാ. ദ്വേ. (ചത്താരി ഗണിതകേന ദ്വേ ദ്വേ പഞ്ഹാ കാതബ്ബാ.) ഹേതുയാ ചുദ്ദസ.

൨൮. നസുഖായ വേദനായ സമ്പയുത്തം നഅകുസലം ധമ്മം പച്ചയാ സുഖായ വേദനായ സമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ. നസുഖായ വേദനായ സമ്പയുത്തം നഅകുസലം ധമ്മം പച്ചയാ ദുക്ഖായ വേദനായ സമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകവീസ.

൨൯. നസുഖായ വേദനായ സമ്പയുത്തോ നഅബ്യാകതോ ധമ്മോ സുഖായ വേദനായ സമ്പയുത്തസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ… ആരമ്മണേ ചുദ്ദസ.