൧-൨. കുസലത്തിക-വിപാകത്തികം

൪. നകുസലം നവിപാകം ധമ്മം പടിച്ച അബ്യാകതോ വിപാകോ ധമ്മോ ഉപ്പജ്ജതി ഹേതുപച്ചയാ. ഏകം.

നഅകുസലം നവിപാകം ധമ്മം പടിച്ച അബ്യാകതോ വിപാകോ ധമ്മോ ഉപ്പജ്ജതി ഹേതുപച്ചയാ. ഏകം.

നകുസലം നവിപാകഞ്ച നഅകുസലം നവിപാകഞ്ച ധമ്മം പടിച്ച അബ്യാകതോ വിപാകോ ധമ്മോ ഉപ്പജ്ജതി ഹേതുപച്ചയാ. ഏകം. ഹേതുയാ തീണി.

൫. നകുസലം നവിപാകധമ്മധമ്മം പച്ചയാ കുസലോ വിപാകധമ്മധമ്മോ ഉപ്പജ്ജതി ഹേതുപച്ചയാ. നകുസലം നവിപാകധമ്മധമ്മം പച്ചയാ അകുസലോ വിപാകധമ്മധമ്മോ ഉപ്പജ്ജതി ഹേതുപച്ചയാ. ദ്വേ.

നഅകുസലം നവിപാകധമ്മധമ്മം പച്ചയാ അകുസലോ വിപാകധമ്മധമ്മോ ഉപ്പജ്ജതി ഹേതുപച്ചയാ… ദ്വേ.

നകുസലം നവിപാകധമ്മധമ്മഞ്ച നഅകുസലം നവിപാകധമ്മധമ്മഞ്ച ധമ്മം പച്ചയാ കുസലോ വിപാകധമ്മധമ്മോ ഉപ്പജ്ജതി ഹേതുപച്ചയാ… ദ്വേ. (സംഖിത്തം.) ഹേതുയാ ഛ പഞ്ഹാ.

൬. നകുസലം നനേവവിപാകനവിപാകധമ്മധമ്മം പടിച്ച അബ്യാകതോ നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ… ഹേതുയാ ഛ.