൧-൧൪. കുസലത്തിക-ആസവഗോച്ഛകം

൧൬. നകുസലം നോആസവം ധമ്മം പടിച്ച അകുസലോ ആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നകുസലം നനോആസവം ധമ്മം പടിച്ച അകുസലോ നോആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൧൭. നകുസലം നസാസവം ധമ്മം പടിച്ച അബ്യാകതോ സാസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.

നകുസലം നഅനാസവം ധമ്മം പച്ചയാ കുസലോ അനാസവോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.) ഹേതുയാ ഛ…പേ… വിപാകേ തീണി…പേ… അവിഗതേ ഛ.

൧൮. നകുസലം നആസവസമ്പയുത്തം ധമ്മം പടിച്ച അകുസലോ ആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നകുസലം നആസവവിപ്പയുത്തം ധമ്മം പടിച്ച അകുസലോ ആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൧൯. നകുസലം നആസവഞ്ചേവ നഅനാസവഞ്ച ധമ്മം പടിച്ച അകുസലോ ആസവോ ചേവ സാസവോ ച ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നകുസലം നഅനാസവഞ്ചേവ നനോ ച ആസവം ധമ്മം പടിച്ച അകുസലോ സാസവോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൨൦. നകുസലം നആസവഞ്ചേവ നആസവവിപ്പയുത്തഞ്ച ധമ്മം പടിച്ച അകുസലോ ആസവോ ചേവ ആസവസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നകുസലം നആസവവിപ്പയുത്തഞ്ചേവ നനോ ച ആസവം ധമ്മം പടിച്ച അകുസലോ ആസവസമ്പയുത്തോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൨൧. നകുസലം ആസവവിപ്പയുത്തം നസാസവം ധമ്മം പടിച്ച അബ്യാകതോ ആസവവിപ്പയുത്തോ സാസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.