൨൨-൧൪-൧൯. സനിദസ്സനത്തിക-ആസവഗോച്ഛകാനി

൬൯. നസനിദസ്സനസപ്പടിഘം നോആസവം ധമ്മം പടിച്ച അനിദസ്സനഅപ്പടിഘോ ആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നസനിദസ്സനസപ്പടിഘം നനോആസവം ധമ്മം പടിച്ച സനിദസ്സനസപ്പടിഘോ നോആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഏകവീസ.

൭൦. നസനിദസ്സനസപ്പടിഘം നസാസവം ധമ്മം പടിച്ച സനിദസ്സനസപ്പടിഘോ സാസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഏകവീസ.

നസനിദസ്സനസപ്പടിഘം നഅനാസവം ധമ്മം പച്ചയാ അനിദസ്സനഅപ്പടിഘോ അനാസവോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.) ഹേതുയാ തീണി…പേ… അവിഗതേ തീണി.

൭൧. നസനിദസ്സനസപ്പടിഘം നആസവസമ്പയുത്തം ധമ്മം പടിച്ച അനിദസ്സനഅപ്പടിഘോ ആസവസമ്പയുത്തോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നസനിദസ്സനസപ്പടിഘം നആസവവിപ്പയുത്തം ധമ്മം പടിച്ച സനിദസ്സനസപ്പടിഘോ ആസവവിപ്പയുത്തോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഏകവീസ.

൭൨. നസനിദസ്സനസപ്പടിഘം നആസവഞ്ചേവ നഅനാസവഞ്ച ധമ്മം പടിച്ച അനിദസ്സനഅപ്പടിഘോ ആസവോ ചേവ സാസവോ ച ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നസനിദസ്സനസപ്പടിഘം നഅനാസവഞ്ചേവ നനോ ച ആസവം ധമ്മം പടിച്ച സനിദസ്സനസപ്പടിഘോ സാസവോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഏകവീസ.

൭൩. നസനിദസ്സനസപ്പടിഘം നആസവഞ്ചേവ നആസവവിപ്പയുത്തഞ്ച ധമ്മം പടിച്ച അനിദസ്സനഅപ്പടിഘോ ആസവോ ചേവ ആസവസമ്പയുത്തോ ച ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നസനിദസ്സനസപ്പടിഘം നആസവവിപ്പയുത്തഞ്ചേവ നനോ ച ആസവം ധമ്മം പടിച്ച അനിദസ്സനഅപ്പടിഘോ ആസവസമ്പയുത്തോ ചേവ നോ ച ആസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൪. നസനിദസ്സനസപ്പടിഘം ആസവവിപ്പയുത്തം നസാസവം ധമ്മം പടിച്ച സനിദസ്സനസപ്പടിഘോ ആസവവിപ്പയുത്തോ സാസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഏകവീസ.

നസനിദസ്സനസപ്പടിഘം ആസവവിപ്പയുത്തം നഅനാസവം ധമ്മം പച്ചയാ അനിദസ്സനഅപ്പടിഘോ ആസവവിപ്പയുത്തോ അനാസവോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.