൨-൧. വേദനാത്തിക-ഹേതുദുകം

൩൭. നസുഖായ വേദനായ സമ്പയുത്തം നഹേതും ധമ്മം പടിച്ച സുഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ. നസുഖായ വേദനായ സമ്പയുത്തം നഹേതും ധമ്മം പടിച്ച ദുക്ഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ. നസുഖായ വേദനായ സമ്പയുത്തം നഹേതും ധമ്മം പടിച്ച അദുക്ഖമസുഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ. തീണി.

നദുക്ഖായ വേദനായ സമ്പയുത്തം നഹേതും ധമ്മം പടിച്ച ദുക്ഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ… തീണി.

നഅദുക്ഖമസുഖായ വേദനായ സമ്പയുത്തം നഹേതും ധമ്മം പടിച്ച അദുക്ഖമസുഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ… തീണി.

നസുഖായ വേദനായ സമ്പയുത്തം നഹേതുഞ്ച നഅദുക്ഖമസുഖായ വേദനായ സമ്പയുത്തം നഹേതുഞ്ച ധമ്മം പടിച്ച സുഖായ വേദനായ സമ്പയുത്തോ ഹേതു ധമ്മോ ഉപ്പജ്ജതി ഹേതുപച്ചയാ… തീണി (ദുതിയം ഗണിതകേന തീണി). ഹേതുയാ ഏകവീസ.

നസുഖായ വേദനായ സമ്പയുത്തം നനഹേതും ധമ്മം പടിച്ച ദുക്ഖായ വേദനായ സമ്പയുത്തോ നഹേതു ധമ്മോ ഉപ്പജ്ജതി ഹേതുപച്ചയാ… ദ്വേ.

നദുക്ഖായ വേദനായ സമ്പയുത്തം നനഹേതും ധമ്മം പടിച്ച… (ദ്വേ പഞ്ഹായേവ).

നഅദുക്ഖമസുഖായ വേദനായ സമ്പയുത്തം നനഹേതും ധമ്മം പടിച്ച… (ദ്വേയേവ. പഠമം ഗണിതകേന ഏകം, ദുതിയം ഗണിതകേന ഏകം, തതിയം ഗണിതകേന ഏകം കാതബ്ബം.) ഹേതുയാ നവ.