൫൫-൬൮-൨൨. മഹന്തരദുകാദി-സനിദസ്സനത്തികം

൧൦൫. നസാരമ്മണം നസനിദസ്സനസപ്പടിഘം ധമ്മം പടിച്ച അനാരമ്മണോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഏകം.

നഅനാരമ്മണം നസനിദസ്സനസപ്പടിഘം ധമ്മം പടിച്ച അനാരമ്മണോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഏകം. ഗണിതകേന തീണി.

(അനിദസ്സനസപ്പടിഘേ തീണിയേവ.)

നസാരമ്മണം നഅനിദസ്സനഅപ്പടിഘം ധമ്മം പടിച്ച അനാരമ്മണോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

൧൦൬. നോചിത്തം നസനിദസ്സനസപ്പടിഘം ധമ്മം പടിച്ച നോചിത്തോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഏകം.

നനോചിത്തം നസനിദസ്സനസപ്പടിഘം ധമ്മം പടിച്ച നോചിത്തോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഏകം. ഗണിതകേന തീണി.

൧൦൭. നചേതസികം നസനിദസ്സനസപ്പടിഘം ധമ്മം പടിച്ച നചേതസികോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൦൮. നചിത്തസമ്പയുത്തം നസനിദസ്സനസപ്പടിഘം ധമ്മം പടിച്ച ചിത്തവിപ്പയുത്തോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൦൯. നചിത്തസംസട്ഠം നസനിദസ്സനസപ്പടിഘം ധമ്മം പടിച്ച ചിത്തവിസംസട്ഠോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൧൦. നോചിത്തസമുട്ഠാനം നസനിദസ്സനസപ്പടിഘം ധമ്മം പടിച്ച ചിത്തസമുട്ഠാനോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. (ചിത്തസമുട്ഠാനരൂപേനേവ തീണി, സംഖിത്തം.)

൧൧൧. നോചിത്തസഹഭും നസനിദസ്സനസപ്പടിഘം ധമ്മം പടിച്ച നോചിത്തസഹഭൂ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൧൨. നോചിത്താനുപരിവത്തിം നസനിദസ്സനസപ്പടിഘം ധമ്മം പടിച്ച നോചിത്താനുപരിവത്തീ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൧൩. നോചിത്തസംസട്ഠസമുട്ഠാനം നസനിദസ്സനസപ്പടിഘം ധമ്മം പടിച്ച നോചിത്തസംസട്ഠസമുട്ഠാനോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൧൪. നോചിത്തസംസട്ഠസമുട്ഠാനസഹഭും നസനിദസ്സനസപ്പടിഘം ധമ്മം പടിച്ച നോചിത്തസംസട്ഠസമുട്ഠാനസഹഭൂ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൧൫. നോചിത്തസംസട്ഠസമുട്ഠാനാനുപരിവത്തിം നസനിദസ്സനസപ്പടിഘം ധമ്മം പടിച്ച നോചിത്തസംസട്ഠസമുട്ഠാനാനുപരിവത്തീ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൧൧൬. നഅജ്ഝത്തികം നസനിദസ്സനസപ്പടിഘം ധമ്മം പടിച്ച ബാഹിരോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഏകം.

നബാഹിരം നസനിദസ്സനസപ്പടിഘം ധമ്മം പടിച്ച ബാഹിരോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഏകം. ഗണിതകേന തീണി.

൧൧൭. നോഉപാദാ നസനിദസ്സനസപ്പടിഘം ധമ്മം പടിച്ച ഉപാദാ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

൧൧൮. നഉപാദിന്നം നസനിദസ്സനസപ്പടിഘം ധമ്മം പടിച്ച അനുപാദിന്നോ സനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.